Aurre analisia: 9. etapa, Vannes / Plumelec (28 km)

etapa 9Lehen lasterketa asteari amaiera emateko, hona hemen 9.etapa, taldekako erlojupeko garrantzitsua. Guztira 28km egin beharko dituzte talde ezberdinek, eta ez pentsa ibilbide erraza izango dutenik. Lehen zatia laua baldin bada ere, ibilbidearen erdi partean eta batez ere bukaeran gauzak nabarmen zailduko zaizkie. Hiru igoera edukiko dituzte, lehena 4km 2-3%-ra, bigarrena 1km 4%-ra eta azkena helmugara iristear 1,7km 6,2%ra. Ez dirudite aparteko esfortzurik, baina errealitatean denok dakigu diziplinaren zailtasunaz eta talde bat baino gehiok denbora galera garrantzitsu bat edukiko dutela helmugan argi dago. Taldekako erlojupeko hau irabazi nahi duen taldeak, erritmo bizi bat denbora luzean mantentzeaz gain, indarrak ondo orekatu beharko ditu. Horretan trebeak diren talde bat baina gehiago aurki genezake aurtengo Tourrean. Continue reading “Aurre analisia: 9. etapa, Vannes / Plumelec (28 km)”

Amestu dezagun, zergatik ez?

4 etapa faltan, Mikel Landa murgiarra Giroko bigarren postuan sailkatua da azken 10 urtetako itzuli handietako txirrindulari onenarengandik 4 minutura. 59km-ko erlojupekoan jasan zuen denbora galera berbera, alegia. Ezbairik gabe, Landa da Giroko txirrindulari indartsuena maldan gora. Contadorri jarraitzeko gai den bakarra, eta Contador bera uzteko gai izan den bakarra ere bai. Edizio honetako bi etapa dolomitikoen irabazle, non eta Madonna di Campligion eta Aprican, Mortirolo handia pasa ondotik gainera. Mendiko bi etapa jarraian lehen postuan, tamaina honetako azken balentria 2008an izan zen, Sella italiarraren eskutik. Continue reading “Amestu dezagun, zergatik ez?”

Aruk egin ezin duena Mikel Landak

Mikel Landa nagusi Madonna Di CampiglionGaurkoan ere erakustaldia eman du Astana taldeak. Madonna Di Campiglio igoeran jada Contador (TCS) bakarrik zen eta talde kazakhstandarrak bost ordezkari zituen, tartean Mikel Landa (AST). Besterik ezean, etapa garaipena lortu du Mikelek talde urdinarentzat. Continue reading “Aruk egin ezin duena Mikel Landak”

Uztaila begi bistan, erantzun bila Suitzara eta Italiara

Uztailak 4ean hasiko da Utrecht-en Frantziako Tourra. Zalantzarik gabe, urteko zita garrantzitsuena. Eta iadanik begiak han ditugu askok. Pariseko kaxa gorenean izateko 4 izar nagusietako 3k urteko prestaketa guztia lasterketa horren inguruan moldatu dute: Nibali, Froome eta Quintana. Laugarrena, Contador, hemendik 10 egunera hasiko den Giroan izango da. Ez dakigu, ordea, prestaketa moduan soilik ala %100ean lehiatzekotan.

Ez da ari izaten ametsetako urtea lau hauentzat. Arrazoi bat ala beste, prestaketa ez doa beraien nahi bezain egoki. Ikusi dezagun bakoitzaren ibilbidea… Continue reading “Uztaila begi bistan, erantzun bila Suitzara eta Italiara”

Quintana itzuli da

bettiniphoto_0202012_1_full_670-1
Kolonbiar txikiak Tirreno-Adriatikoa astebeteko itzuliaren edizio berri bat gaineratu du. Larunbateko etapan, Terminillon elurpean amaitu zena, erakustaldi eman ostean Movistar taldeko 2015ko Frantziako Tourreko lider eta hautagaia mahai gainean kolpe sendo bat eman du.

San Luis-eko itzulian ezin izan zion Dani Diaz argentinarrari aurre egin. Kolonbiako txapelketan ere eroria izan zuen eta horrek planak eraldatu zizkion – arrazoi horregatik Andaluziako Itzulian ez zen egon. Zertarako gai zen askok ez zekiten. Begi bistan geratu da: Quintana on bat ikus dezakegu 2015 honetan.

Iaz, Contadorrek izugarrizko erakustaldia eman zuen itzuli berdinean. Sekulako erakustaldia eramanez poltsikoratu zuen Neptunoren hiruhortza sari bezala duen lasterketa. Uztailean berriz gogotsu ikusi arren, eroriko batek bere helburu nagusiaren borrokatik at utzi zuen (hala ere urtea ondo amaitzea lortu zuen Vuelta bereganatuz).

Buruhausteak besterik ez digute emango lau handiek kinielak egiterakoan (Nibali –Astana-, Contador –Tinkoff-Saxo-, Quintana –Movistar– eta Froome –Sky). Italiarrak iaz bezala pattal hasi du urtea baina Italiako txapelketaraino ez zuen bere gaitasunaren berririk eman. Madrildarra maila onean dago, baina ez dago iaz bezain sasoitsu edo gutxienez ez da hain erraz gailentzen besteekiko. Kolonbiarra ikusi dugu zertarako gai den eta Kenian hazitako Britainiarrak Andaluzian sekulako sasoia erakutsi zuen Contador oso on bati garaituz baina azken orduko osasun arazoek bi itsasoetako lasterketan ez parte hartzera bueltatu dute.

Zer egingo dugu? Ez dakit. Ziur daukadan bakarra: izango dugu aukera disfrutatzeko txirrindularitza onaz eta urteko zita oso garrantzitsuez (Milan San Remo igande honetan, Euskal Herriko Itzulia, Ardeenetako Hirukoa eta Roubaix apirilean…). Kinielako txapelketa klabeak iritsi arte puntu pilaketa handiak (edo galerak) izateko badaukagu zer gozatuaz.

Argazkia: cyclingnews.com