Etiketa Artxiboak:Froome

Aurten, arriskatzeak saria dauka

Aurreko urteetan zer gertatu den ez dut gogoan eta ez dut aztertu, baina aurten, ia lasterketa guztietan kale egin du Tropelako katedrak. Hau da, lasterketa ez du irabazi, proba hasi aurretik parte hartzaileentzat hautagai nagusiena zenak. Edo alderantziz: lasterketa irabazi duena ez zegoen aukeratuenen zerrendako lehen postuetan. Hona irabazleen zerrenda:

*Paris-Niza: PORTE, Richie (%18,6)
*Euskal Herriko Itzulia: QUINTANA, Nairo (%20,9)
*Ardenetako Hirukoa:
Amstel Gold Race: KREUZIGER, Roman (%1,4)
Fleche Wallonne (emakumeak): VOS, Marianne (%94,6) Asmatuta!!
Fleche Wallonne: MORENO, Daniel (%2,0)
Lieja-Bastogne-Lieja: MARTIN, Daniel (%17,7)
*Italiako Giroa: NIBALI, Vincenzo (%43,0) [Askok asmatua baina Wiggins gehiagok aukeratu zuten]
*Dauphine Kriteriuma: FROOME, Christopher (%82,7) Asmatuta!!
*Emakumeen Bira: JOHANSSON, Emma (%3,1)
*Frantziako Tourra: Irabazlea??

Informazio gehiago nahi duenak webgunean aurkituko du lehiaketa bakoitzeko informazio guztia. Halere, ziklisten aukeraketa-ehunekoen eta hauek metatutako puntuen arteko erlazio batzuk ondorengo taula hauetan laburbildu dizkizuet. Continue reading “Aurten, arriskatzeak saria dauka”

#82 Tropela.net podcastak: Frantziako Tourra 2013. Txirrindularien eta ibilbidearen azterketa (bi podcastak)

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Axier Sukiak (@sukigalp) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Raul Perezek (@raulperezmartin), Iban Perezek (@piban) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan sakon jorratu dira ondorengo gai hauek:

– Hautagai nagusiak: Froome (SKY) eta Contador (TBT)
– Podiumerako hautagaiak: multzo honetako norbaitek sorpresa eman eta Tourra bereganatuko ote du?
– Aurrean ibiltzekoak: nor hartu, sailkapen nagusiaren lehian izango dena ala etapa garaipenak ziurta ditzakeena? Aipatutako adibideen artean T.Martin (OPQ) edo Voeckler (EUC) aurkitzen dira.
– Azkarretan azkarrenak: Sagan (CAN) eta Cavendishen (OPQ) arteko aukeraketara mugatzen dira solaskideak. Baina zein hartu?
– Azkarrak: aurreko multzoan aukeratutakoaren arabera egin beharko litzateke aukeraketa solaskideen arabera.
– Muinoetan azkarrak: multzo berri honek joko pixka bat ematen duela diote solaskideek.
– Beste azkarrak: bertan taldeetako esprinter nagusiak eta bideratzaileak aurkitzen dira. Baina zein irizpide erabili aukeraketa egiteko?
– Besteak: hona iritsita dagoeneko 16 txirrindulari aukeratu behar izan dira. 16 horien aukeratutakoaren baitan, oreka bilatzeko baliatu behar da multzo hau solaskideen arabera.

Ibilbidearen azterketa

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak

Nire sosak, Contadorren alde

Ulertzen dut Iosu adiskidearen atsekabea. Denboraldiak orain artean izan duen traza ikusita, logikoa da pentsatzea Froomek hankapean ibiliko dituela guztiak Tourrean eta zaleok aspertuko garela. Baina hori ez da Tourraren atarian izan daitekeen pentsamolde bakarra. Ezin da ukatu keniarra izan dela jaun eta jabe denboraldiko proba garrantzitsuenetan, baina ezin da ahaztu, era berean, duela bederatzi urte Iban Mayok denak nahierara menderatu zituela Dauphinen –gogoratzen Iosu?- eta Tourrean pott egin zuela. Sekulako erakustaldia eman zuen igorreztarrak Mont Ventouxen gora, erlojupekoan. Armstrong bera, tokitan. Tourra iritsi zenean, ordea, presioak edo dena delakoak gain hartu zion Mayori eta Armstrong, aldiz, horiz jantzita Parisen.

Continue reading “Nire sosak, Contadorren alde”

Tourra? Ez, eskerrik asko…

Froome eta PorteAmaitu berri da Dauphiné lasterketa famatua, urteko zita garrantzitsuena den Frantziako Tourrari begira azken test serioa inundik inora. Bertan izan dira tropeleko oilar nagusienak, eta emaitza ezin eskasagoa izan da. Orain urte bete bezelaxe, Sky taldeko bi txirrindulari izan dira lehen bi postuetan. Gogoratu, ondoren Tourrean ere lehen bi postuatan talde beltzeko txirrindulariak izan genituela.

Gidoi jakineko etapak. Kiryienka, Boasson Hagen edo eta Thomas-en gidaritzapean ondoren Froome eta Porte-ren luzimendurako. Keniarra lehen, australiarra bigarren, txirrindularitza exotikoaren mugak gaindituz. Erlojupekoan onenak izan dira. Diferentziak markatu dituzte. Eta aldapan gora? Baita ere. Ez Contador, ez Rodriguez, ez Valverde… Arerioak xehetu dituzte…

Continue reading “Tourra? Ez, eskerrik asko…”

#71 Tropela.net podcastak: Espainiako Vuelta 2012. Bigarren asteari errepasoa

Espianiako Vueltako lehen asteari errepasoa egiten diote podcast honetan Raul Perez (@raulperezmartin) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Lasterketaren lehia biren artera mugatu da: J.Rodriguez eta Contador. Valverde eta Froome lehiatik kanpo geratu dira.
– Etapa garaipenak garesti daudela aipatzen dute eta sailkapen nagusiko kideak direla protagonista.
– Caja Ruralek Piedrarekin lortutako garaipena aipatzen dute.
– Ibilbidea ikusgarria ala gehiegizkoa den zalantzan jartzen dute.
– Maillot berdearen lehian Degenkolb datorren astean eskura izan ditzakeen 3 etapa irabazten saiatuko direla diote.
– Euskaldunen artean Igor Anton, Beñat Intxausti, Gorka Verdugo eta Amets Txurruka aipatzen dituzte.