Euskara, teknologia eta txirrindularitza
Atzo 2013 Paris-Niza lehiaketa aurkezteu genuen zuzenean. Hemen ikus dezakezue atzoko aurkezpenaren bideoa:
Eneko Garaterentzat (@egarate), Iosu Garaterentzat (@iosugarate) eta Egoitz Lizasorentzat (@elizaso) lehen aldia zen kiniela aurkezten zutela eta gainera zuzenean. Zer hobetua badagoelakoan gaude, horregatik zuen iradokizunak jaso nahiko genituzke hurrengorako zer hobetu jasotzeko. Zein da zure iritzia?
Gaur irekiko da 2013 Paris-Niza lehiaketaren kiniela egiteko epea gaueko 22:00etan. Guk orduerdi lehenago, 21:30etan hain juxtu, kinielaren aurkezpena egingo dugu lehen aldiz zuzenean.
Aurkezpen hau Google Hangout zerbitzuaren bidez egingo dugu eta hemen bertan jarraitu ahal izango duzue, baita gure Youtubeko kanalean eta gure Tropelaren Google+ orrialdean ere. Ea zer moduz ateratzen zaigun estreinuko ekitaldi hau!
Gaur jokatu da Omloop Het Nieuwsblad, Flandriako lehen klasikoa. Txirrindularitza zaleok zain ginen lasterketa hau ikusteko klasikoetan urtek lehena izan baita eta euskaldunontzat zorionez, ETB1tik jarraitzeko aukera izango dugu.
Paoloni Katusha taldeko italiarra izan da garaile. Gogoratu azkenean Katusha, Joquim Rodriguezen taldea, World Tour izango dela ebatzi dela orain gutxi eta gaurko garaipenak beste bultzadatxo bat eman dio talde errusiarrari. Ezin aipatu gabe utzi, ordea, Omega Pharma talde klasikozalearen protagonismoa: bigarren sailkatu da Vandenbergh eta Chavanel lasterketa buruan izan da hainbat kilometroetan.
2013ko txirrindularitza denboraldia Tour Down Under eta San Luiseko itzuliarekin hasi da. Pixkanaka pixkanaka gero eta lehiaketa gehiago ari dira jokatzen (Etoile de Bessèges, Qatar, Mediterraneoko itzulia,…) eta honekin batera Tropelan izango diren lasterketetara hurbiltzen hasi gara.
Orain arte egin dugun moduan Paris-Nizarekin ekingo diogu denboraldiari. Lasterketa hau martxoaren 3an hasiko da eta guk, ohi dugun legez, lehenago kinielak egiteko aukera irekiko dugu. Bederatzi izango dira aurreikusten ditugun lehiaketan aurtengo urte honetan, ondorengo hauek hain juxtu ere:
1.- Paris-Niza: 2013-03-03 / 2013-03-10
2.- Euskal Herriko Itzulia: 2013-04-01 / 2013-04-06
3.- Ardenetako Hirukotea (Amstel, Flèche Wallone eta Lieja-Bastogne-Lieja): 2013-04-14 / 2013-04-21
4.- Italiako Giroa: 2013-05-04 / 2013-05-26
5.- Dauphiné Kriteriuma: 2013-06-02 / 2013-06-09
6.- Frantziako Tourra: 2013-06-29 / 2013-07-21
7.- Donostiako Klasikoa: 2013-07-27
8.- Espainiako Vuelta: 2013-08-24 / 2013-09-15
9.- Munduko Txapelketa: 2013-09-24 / 2013-09-29
Nahi izan ezkero hemen duzue egutegia .ICS formatuan zuen smartphone, ordenagailu edo egutegi zerbitzuetara igo ahal izateko: “Tropela.net 2013 egutegia”.
Gogoan izan aurten ere Urteko Sailkapena izango dugula, urteko puntu guztiak batuta osatzen dugun sailkapen hori.
Zer iruditzen zaizue aurtengo egutegia? Lehiaketa nahikoa, gutxiegi ala gehiegi al dira? Aldatzekotan zer aldatuko zenukete? Ohi bezala zuen iritziak entzuteko prest gaude.
Ea Tropelako denboraldia laster hasten den; gu behintzat jada irrikaz gaude!!
Brasil eta Argentina. Argentina eta Brasil. Messi eta Neymar. Futbola da nagusi Hego Amerikako bi herrialdeotan, nahiz eta noiz edo noiz, beste kirolen batek poza ematen dien herritarrei –argentinarrei saskibaloiak, adibidez-. Edonola ere, ziklistarik ere bada nola Brasilen hala Argentinan, eta baita zaleak ere. Edozein oilarri gandorra erakusteko adorea dutela erakutsi berri dute Argentinako eta Brasilgo txirrindulari batzuek Argentinako errepideetan jokatu den San Luiseko Tourrean. Zuekin guztiokin, Diaz, Guevara (ondoko argazkian) eta Diniz.