Zer egin erlojuaren kontrako taldekako etapekin? [Inkesta]

Aspaldidanik daukagu zalantza erlojuaren kontrako taldekako etapetan puntuak banatu ala ez. Funtsean dagoen zalantza, ordea, ez da puntuak banatzea ala ez, baizik eta banatzekotan nola banatu.

Hori dela eta atzo Twitter bidez “inkesta express” bat egin genuen bi galderekin:

1. Erlojuaren kontrako taldekako saioetan puntuak banatu bai ala ez?
2. Nola eta zenbat banatu?

Hainbat erantzun jaso genituen (eskerrik asko erantzun zeniguten guztioi!) eta denetarik. Erantzun horiekin eztabaida gure blogera ekartzea nahi genuen eta inkestatxo bat antolatu dugu zuen iritzia jasotzeko asmotan.

Zuen iritziak entzuteko irrikitan gaude!

Giro Rosa 2013: Tour-aren itzalean

Horrela izan da azken urteetan, eta berdin jarraituko du aurten ere. Txirrindularitza zaletuon begi guztiak Frantziara begira daudenean, Italian emakumezkoek beraien Itzuli Haundia, egutegian daukaten bakarra, lehiatuko dute. Ez dira, itxura baten, arreta lortzeko datarik egokienak eta beste gauza askoren artean, egutegiaren inguruan ere egin beharko litzateke gogoeta emakumezkoen txirrindularitzan.

Dena den, ez degu ahaztu behar denboraldi haseran Giro Rosa-ren aurtengo ekitaldia bera ere zalantzan izan zela eta hori gogoan, Tour-aren kerizpean izango bada ere, pozik izan gaitezke lasterketa bere 24. ekitaldiari hasera emateko prest dagoenean.

“Giro Rosa 2013: Tour-aren itzalean” irakurtzen jarraitu

Aurten sariak izango ditugu!

2013ko sariakIazko urtean zehar ezin izan genituen saririk banatu baina aurtengo honetan sariak jartzeko moduan izango gara gure babesleei esker.

Alde batetik Frantziako Tourrerako sariak izango ditugu: sagardotegian otorduak (Ipintza sagardotegiak eskainia), Tropela.net maillotak eta txapelak eta Raul Perez Martinezek idatzi zuen Jacques Anquetilen biografia euskaraz. Sari gehiago izan daitezke eta gehitzen joango gara gure sarien atalean.

Urteko sailkapenari begira, berriz, www.TientaAzul.com webguneak eskainitako Phillips 40 hazbeteko telebista bikaina oparituko diogu aurtengo irabazleari, baita Tropela.net maillota ere bai. Hori bai, Tourrean eta gainontzeko lasterketatan bikain ibili beharko da sari hau eskuratu nahi baduzue!

Gogoratu Tropela.net maillot eta txapelak salgai ditugula nahi duzuen guztientzat.

Aurten, arriskatzeak saria dauka

Aurreko urteetan zer gertatu den ez dut gogoan eta ez dut aztertu, baina aurten, ia lasterketa guztietan kale egin du Tropelako katedrak. Hau da, lasterketa ez du irabazi, proba hasi aurretik parte hartzaileentzat hautagai nagusiena zenak. Edo alderantziz: lasterketa irabazi duena ez zegoen aukeratuenen zerrendako lehen postuetan. Hona irabazleen zerrenda:

*Paris-Niza: PORTE, Richie (%18,6)
*Euskal Herriko Itzulia: QUINTANA, Nairo (%20,9)
*Ardenetako Hirukoa:
Amstel Gold Race: KREUZIGER, Roman (%1,4)
Fleche Wallonne (emakumeak): VOS, Marianne (%94,6) Asmatuta!!
Fleche Wallonne: MORENO, Daniel (%2,0)
Lieja-Bastogne-Lieja: MARTIN, Daniel (%17,7)
*Italiako Giroa: NIBALI, Vincenzo (%43,0) [Askok asmatua baina Wiggins gehiagok aukeratu zuten]
*Dauphine Kriteriuma: FROOME, Christopher (%82,7) Asmatuta!!
*Emakumeen Bira: JOHANSSON, Emma (%3,1)
*Frantziako Tourra: Irabazlea??

Informazio gehiago nahi duenak webgunean aurkituko du lehiaketa bakoitzeko informazio guztia. Halere, ziklisten aukeraketa-ehunekoen eta hauek metatutako puntuen arteko erlazio batzuk ondorengo taula hauetan laburbildu dizkizuet. “Aurten, arriskatzeak saria dauka” irakurtzen jarraitu

#82 Tropela.net podcastak: Frantziako Tourra 2013. Txirrindularien eta ibilbidearen azterketa (bi podcastak)

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Axier Sukiak (@sukigalp) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Raul Perezek (@raulperezmartin), Iban Perezek (@piban) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan sakon jorratu dira ondorengo gai hauek:

– Hautagai nagusiak: Froome (SKY) eta Contador (TBT)
– Podiumerako hautagaiak: multzo honetako norbaitek sorpresa eman eta Tourra bereganatuko ote du?
– Aurrean ibiltzekoak: nor hartu, sailkapen nagusiaren lehian izango dena ala etapa garaipenak ziurta ditzakeena? Aipatutako adibideen artean T.Martin (OPQ) edo Voeckler (EUC) aurkitzen dira.
– Azkarretan azkarrenak: Sagan (CAN) eta Cavendishen (OPQ) arteko aukeraketara mugatzen dira solaskideak. Baina zein hartu?
– Azkarrak: aurreko multzoan aukeratutakoaren arabera egin beharko litzateke aukeraketa solaskideen arabera.
– Muinoetan azkarrak: multzo berri honek joko pixka bat ematen duela diote solaskideek.
– Beste azkarrak: bertan taldeetako esprinter nagusiak eta bideratzaileak aurkitzen dira. Baina zein irizpide erabili aukeraketa egiteko?
– Besteak: hona iritsita dagoeneko 16 txirrindulari aukeratu behar izan dira. 16 horien aukeratutakoaren baitan, oreka bilatzeko baliatu behar da multzo hau solaskideen arabera.

Ibilbidearen azterketa

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak