Italiako Giroa – 48 orrialdea

Eta orain Igor Astarloa

Orain hiru aste inguru Patxi Vilaren positiboaz hitz egin beharrean aurkitu ginen. Ez dakigu Irundarraren auzia zertan den, baina bitartean, gaur Igor Astarloak “ez ohiko balioak” eman omen zituen analisi batzutan. Ondorioz, Milram taldetik kanporatua izan da.

Aurtengo Giroa korritzeko asmotan zen, baina beherakoak jota zegoela eta, lasterketa albo batera utzi zuen munduko txapeldun ohiak. Gaur dakigunez, badirudi analisi hauen emaitzen berri zuela ordurako Milram taldeak eta hori izan zela Giroan parte ez hartzeko benetako arrazoia.

Kontuak kontu, munduko txapeldun ohia, ustez dopatu denaren emaitzak izan direlakoan, Milramek taldetik baztertu eta ofizial egin du erabakia. Orain auzia abokatuen eskuetan jarri dute.

Mayo, Vila, … eta orain Astarloa. Kasu bakoitzak bere berezitasunekin, baina guztiek eztabaidara garamatzanak. Zer eta zeini sinistu behar diogu?

Argazkia: www.diegoweb.net

Sella Dolomitetako errege

Emanuele Sella Tropelean %4,6ak egin du italiar honen alde, beraz, inor gutxik espero zuen asteburu honetan egin dituenak egiteko gai izango zenik. Ikaragarrai Alpe Di Pampeagon amaitzen zen etapan emandako erakustaldia: Passo mendiaren gora erasoa jo eta Alpe Di Pampeagon gora atzetik zituenei denbora atereaz. Egia da azken bi kilometroetan asko sufritu zuela, baina garaipen itzela lortu zuen bere herkide zen Pantaniren antzera.

Lortu zuen hainbeste desira zuen garaipena, bere emaztegairi eskaini nahi zion garaipena, eta nola gainera? Baina ez ziren hor geratu Emanuelen erakustaldiak. Larunbatekoarekin nahikoa ez eta atzokoan ere beste ihesaldi batean sartu eta beste garaipen epiko bat lortu zuen, Dolomitetako jaun eta jabe eginez. Ikaragarria!

Navigare taldeak oroar onenen pare ibili ziren. Atzokoan bigarren sailkatu zen Pozzovivo, taldekidea, eta etapa guztian zehar aurrean ibili ziren. Gaizki pentsatzen hasi behar la dugu? Larunbateakoaren ostean ez nuen usteko hain azkar errekuperatu eta bigarren egunean horrelako garaipenik lortzerik posible izango zuenik 27 urteko txirrindulariak. Dakizuen bezala Navigare ez da ProTourreko taldea, eta dirudienez dopingaren aurkako kontrol xamurragoak dituzte ProTourretik kanpo dauden taldeek. Bai, eztabaita sortu nahi dut, ez dut ezer baieztatzen, baina zer pentsatua ez al dizuete ematen?

Faboritoen artean alde txikiak izan ziren Kloden alemaniarraz gain, honek faboritoengandik ia 6 minutura helmugaratu baitzen. Espero bezela lider aldaketa izan zen atzokoan eta faboritoetako batek jantzi zuen, Contadorrek hain juxtu. Gaurko erlojuperako faborito da, eta beraz, badirudi aldeak handi ditzazkeela bere aurkariekin. Oraingoz, astebete falta denena 2008ko Giroa amaitzeko, 1:26 segundutan daude gainontzeko faboritoak: Riccò, Di Luca, Bruseghin, Menchov eta Simoni.

Tropeleko lehiaketari dagokionez, bulder azkoitiarra da nagusi ia lehen egunetik. Azken bost etapata bera da liderra eta momentuz Kanariar edo Balear irletarako bidaia irabazteko hautagai nagusia. 3364 puntu ditu, bigarrengoari ia 80 puntuko aldea ateratzen dio, baina sailkapen idealaz urruti da txirrindulariei dagokion atalean ikusi dezakezuen bezala. Kiniela idealaren jabeak 4261 puntu izango lituzke.

Oraindik astebete falta da aurtengo Giroa bukatzeko eta denetik gerta daiteke.

Argazkia: csfgroupnavigare.com

11. etapa: Urbania – Cesena. Arriskutsua, oso arriskutsua.

Aspaldidanik gaurko erlojupekoa Giro honetako etapa garrantzitsuenetako bat bezala zegoen kontsideratua. Hori horrela izanik, gutxiago aipatzen diren etapen begira ibili zalea naiz eta horrela, biharko etapa aspaldidanik begia jota daukat.

Benetan etapa arriskutsua izan daiteke sailkapen nagusiari begira. Ez ditu ibilbidean Mortirolo, Gavia edo Marmolada bezain aldapa ezagunak baina orokorrean oso etapa interesgarria sorta daiteke, batez ere Carpegna mendate gogorrean borroka sortzen bada. Zaila egiten zait Giroko oilarren arteko borroka zuzena ikustea – Ricco ezagututa ezin baztertu mugitu nahi izana baina… – hala ere, “bigarren mailako” txirrindularientzako etapa bikaina izan daiteke, bai etapa irabazteko bai eta ihesaldian lortutako denborarekin sailkapen nagusiko postu onen bila joateko, ez baitu ibilbideak ihesaldiak kontrolatzeko aukera haundirik ematen. Argi ibiliko direla uste dut Sella, Garate, Sioutsou, Pozzovivo, Sorensen, Pellizotti, Leipheimer… bezalako txirrindulariak eta ez dut inondik inora ihesaldi garrantzitsu bat helmugara iristeko aukera baztertzen.

Berriro diot, ez du etapak aldapa ezagunik – Carpegnan historiara pasa diren pasarteak badira ere, “aspaldikoak” dira berauek – baina jende askok uste baino etapa garrantzitsuagoa izan daiteke, beti ere txirrindulariek hala nahi badute behintzat.

Galdera asko… eta erantzun gutxi!

Bosisio erasoan Asko ziren atzoko Pescocostanzoko etaparen zain zeuden zaleak. Goian amaitzen den aurreneko etapak beti izan ohi du ikusmin berezi bat, asko izaten baitira airean dauden galderei erantzuna aurkitu nahian izaten direnak.

Eta beti moduan, asko ziren atzorako zeuden galderak. Hautagai nagusienen artean nor izango da aurrena mugitzen? zein ikusiko da indartsuen? zein izango da Astanako lider nagusia? Contador Giroa lehiatzeko moduan iritsi al da? ixilean dagoen Menchov Tourrera begira dago edo Giroa buruan sartuta du? nor izan daiteke aurtengo “Andy Schleck”?… ia beti izaten diren galdera antzekoak.

Etapa ikusi ondoren hasi da, hau ere askotan bezala, jende asko ondorioak atereaz. Foroetatik pasatzea besterik ez dago Riccó, Di Luca eta Contadorren izenak bakarrik irakurtzeko Giroa irabazteko hautagai bakar bezala! eta ez naiz ni hori ukatzen ihardungo dena baina Giro osoko goi-amaiera errazenean ateratako ondoriok Milanen ikusi dezakegunarekin ez ditut zuzenki lotzen. Adibidez, zergatik ez du bada aurten Leonardo Piepolik sailkapen nagusia lehiatuko? aldapa gora ez dut ikusten bera bezain indartsurik (bere taldekide Riccó agian) eta erlojupekoan galdutakoa irabazteko gai ikusten dut nik. Bestalde, denak Contadorrekin harrituta daude eta azken astean orain baino hobeto egongo dela denak ziur daude. Ni ez naiz preparazio gaietan aditua baina ez dut batere garbi bere sasoi-puntuak hobera egingo duenik. Ez dira aste asko pasatu Euskal Herrian ikaragarrizko sasoian ikusi genuela eta orain sasoi-puntu horri nola edo ala eusten aritu daiteke. Preparazio gaietan adituago den baten hitzak irakurri nahi nituzke esan dudana aldrebeskeria galanta ote den jakiteko.

Laburbilduz, egia da atzo 4 txirrindulari nabarmendu zirela baina ez genuke ahaztu behar Giro hau benetan erabakiko duten etapak atzokoarekin alderatuz ez dutela inongo zer ikusirik. Protagonistak errepikatu daitezkeela? agian bai baina mesedez ez gaitezen erori ondorio ukaezinak atera nahi horretan. Badago oraindik denbora eta ibilbide gogorrik gauzak asko aldatzeko eta.

“Sorpresen” artean Chris Anker Sorensen egon daiteke. Ez podiumeko postutan sartzeko baina bai mendiko etapetan bera baino askoz ezagunago eta denen ahotan dabiltzen horiekin batera ibiltzeko adina.

Alan Perezen aukera

Alan Perez 25 urteko gazte nafarra, Zurukuin herrikoa hain juxtu. Uztailaren 15ean beteko ditu 26 urte. 2004ean Orbea taldean hasi zen lasterketak lehitzen eta egun, bigarren urtez, Euskaltel-Euskadiko taldean dabil Giroa korritzen.

Webgunean konponketa batzuk egin ditugu eta badirudi hobeto dabilkigula, beraz, txirrindularitzaz berriro gozatzen jarriatzeko asmotan Alainetaz hitz egin nahi nuen gaur.

Giroko 6. etapa, aurtengo edizioko luzeena. 234 kilometro luze eta atzokoan bezala ihesaldiak arrakasta izan du. 60 kilometrotik aurrera Priamo (etapa garailea), Visconti (maglia arrosa berria) eta Alan Perez tartean zituen ihesaldia gauzatu da. 15 kilometroren faltan Priamok erasoa jo eta Alanek jarraitu dio. Nafarrak profesionaletako lehen garaipena eskuratzeko aukera izan du, baina italiarra gehiago izan da. Hortxe ibili da, baina ezin garaipena eskuratu. Lan bikaina benetan Alainena.

Euskaltel-Euskadik ihesaldi batean sartuta garaipena eskuratzea nahi du. Eta gaur horretan saiatu dira eta ia-ia lortu. Gaur Tropelak lo hartu du eta 11 minutu galdu ditu, ondorioz, Alan 4. jarri da sailkapen nagusian 4:42ra. Tropelean hartu duzuten %0,5ak berarekin gustura egoteko moduan zarete!

Bihar Vasto eta Pesconcostanzo artean jokatuko da etapa. Aurtengo Giroko lehen mendiak ikusteko aukera izango dugu bihar. Gainera amaiera maldan goian da, beraz, faboritoek aurpegia ematen hasteko garaia izango dute. Batemat izenik ematera ausartzen al da?