Paris-Niza 2010 lan erditan?

Contador lider berria Paris-NizanNire iritzian, gaur hasi da Paris-Niza irabazteko lehia. Ez nuen oso garbi gizonik indartsuenak zeintzuk izango ziren Contador salbu. Gaurkoan Contadorrek lasterketa irabazi nahi duela argi utzi du eta orain arte genituen zalantza batzuk argitzen doaz.

Igandeko erlojupekoan Boomek ezustekoa emanda irabazi zuen eta lidergoa lortu. Berak ere hala aitortu zuen. Voigtek era lasterketaren lehian aritzeko zantzuak eman zituen egun hartan, eta garaipenaren lehia horretan, atzoko etapan lidergoa eskuratzea lortu zuen Boomen kaltetan.

Asteleheneko etapa Hendersonek irabazi zuen mozketa baten ondoren esprintean. Sky taldeko txirrindulariak esprinter onenen artean izateko gai dela erakutsi digu.

Asteartean beste esprint bat jokatu zen. Oraingoan tropelean jokatu zen, baina faboritoen artean Greipel, Bozic edo Haussler bagenituen, Bonnet frantziarra izan zen ezustekoa eman zuena. Continue reading “Paris-Niza 2010 lan erditan?”

2010eko Paris-Niza lasterketari begirada bat

2010eko Paris-NizaAurtengoa 68. edizioa izango du lasterketa Frantziarrak eta lehena izango da Tropela.net webgunean lehiatzeko moduan  izango dena. Lasterketa hau 8 etapaz osatuta dago eta Tourrera joateko gonbidapena behar dutenek (BMC, Cervélo, Katusha, Vacansoleil,…) erakusleiho hau ezinbestean aprobetxatu beharra dute.

Bihar jokatuko da lehen etapa, 8 kilometrotako erlojuaren kontrako saioa. Ez da erabat laua, beraz, Contador eta Kreuziger bezalako txirrindularientzat egokia izan daiteke gainontzeko faboritoak ahaztu gabe.

Astelehenean jokatu den etapan 201,5 km burutu beharko dituzte. Etapa hau esprinterrentzat egokia da, beraz, ezustekorik ezean, esprinterren arteko lehen lehia ikusiko genuke.

Astearteko etapak ere 201 km inguru ditu, baina oraingo honetan etapa amaiera aldera 3. mailako bi mendate sartu dituzte eta honek, beharbada, iheslariak mugitzera anima ditzake. Hala ere, faboritoen taldeek ezingo diete denbora tarte handiegirik ateratzen utzi lasterketaren lehian jarraitu nahi badute. Continue reading “2010eko Paris-Niza lasterketari begirada bat”

2010eko taldeen analisia (VIII): Liquigas, Italiako “forza”!

LiquigasZalantzarik gabe Italiako talde nagusia Liquigas dugu. Taldekide ikaragarriz osatua dago eta iazkoa hobetzea erraza izango ez zaien arren, horretan saiatuko dira Amadioren txirrindulariak. Aldaketa gutxi izan dira taldean eta horrek aurtengo urterako on egingo diela esango nuke.

2009an Bassoren etorrira izan zen. Dopin auziagatik zigortua izan zen eta Liquigas taldeak egin zion lekua. Tourrean lehiatzen ez zioten utzi, baina denboraldi txukuna egin zuela esango nuke. Trentinoko Giroa irabazteaz gain, Giroan eta Vueltan 4. sailkatu zen. Ez dago aurtengoan Tourrean lehiatzerik izango duen, baina ala bada, ikuskina handiagotuko duen txirrindularia izango da.

Pellizotti. Iazko Giroan Bassoren aurretik sailkatu zen sailkapen nagusian. Maila bikaina eman zuen Giroan, eta gorputzaldiari eutsiz, Tourrean mendiko maillotaz jabetu zen. Askok espero genuena baino hobeto ibili zen. Aurtengoan gutxiago ez dela izango uste dut.

Ahaztu ezineko beste bi txirrindulari Nibali eta Kreuziger dira. Biak Tourrean lehen hamarretan sailkatu ziren, 7 eta 9. postuetan hain zuzen ere. Txekiar gazteak iazko Romandiako Tourra irabazi zuen bigarren aldiz eta gogoratuko zarete nola Donostiako Klasikoan bigarren helmugaratu zen. Aurten 24 urte beteko ditu eta ederki ari da progresioan.

Nibali ere, aipatu bezala, bikain ibili zen. Tourreko parte hartze bikainaz gain Italiako pare bat itzuli irabazi zituen. Aurtengo urteari ere garaipenekin ekin dio, San Louis-eko Tourrean hain justu ere.

Lau hauek osatuko dute Liquigasen bizkar hezurra. Berauekin batera Bennati esprinter ezaguna izango da taldean. Aurtengoan hobeto aritu beharko du garaipenak eskuratzeari berrekin nahi badio.

Ez nuke amaitu nahi bi txirrindulariren izenak aipatu gabe. Bata Finetto da. Navigare taldean aritu zen iaz eta Turkiako Tourrean bi etapa garaipen lortu zituen eta sailkapen nagusian 6. amaitu zuen. Bestea, berriz, Koren esloveniar gaztea da. Iazko gazteen Giroa irabazi zuen eta berarekin batera bi etapa.

Talde interesgarria Liquigas 2010ari dagokionez.

Deignan izan da ihesaldiari etekina atera dion txirrindularia gaurkoan

Deignan. 2009ko Vueltan 18. etapan garaileEz nuen ezer idazteko asmorik, baina gaurko amaiera ikusi dudanean idaztea pentsatu dut. Ikusi baduzue jakingo duzue Deignan eta Kreuziger elkarrekin iritsi direla helmugara. Azken metroetan Irlandako txirrindularia gailendu da. Ez al dizue ezer gogora arazten? Niri bai eta hori izan da post hau idaztearen arrazoietako bat.

Gaurkoan ihesaldia. Espero bezala 1., 2. eta 3. mailako mendateak izanik. Ihesaldia txirrindulari garrantzitsuek osatu dute bertan baitziren Kreuziger, Fuglsang, Gilbert, Valjavec, Moncoutie, Taaramae, Di Gregorio, Del Nero, Hernandez Blazquez, Breschel, Cherel eta hiru euskal ordezkari, Igor Anton, David Herrero eta txirrindularitza profesionalari agur esan aurretik etapa garaipenaren bila dabilen Bingen Fernandez.

Atzean tropel nagusian Euskaltel-Euskadi eta Caisse D’Epargne izan dira tiraka, baina alferrik. Gehienez 6 minutura jaistea lortu dute tartea murriztea eta helmugan ikusi dugu tropelak amore nola eman duen, izan ere 9’41”ra ailegatu dira.

Ihesaldian saiakerarik nabarmenetan lehena Gilbertek egindakoa izan da Alto de Boqueronen gora. Tartea egitea lortu du baina gaina egin aurretik pott egin du. Tropeltxo horretan etapa garaipena lortzeko interes handia zegoen.

Tropeltxoko 10 kide inguruk bat egin dute eta beste zenbait atzean geratu dira. Hamarreko horretan David Herrero eta Igor Anton aurkitzen zen. Hala ere erasoak ez dira geratu eta Kreuziger eta Deignanen aurrera egitea lortu dute. Atzetik Fuglsang eta David Herrero saiatu dira, baina azken bi hauek dirudienez ez dute elkar ondo ulertu eta David Herrerok amore ematea erabaki du.

Azken metroetan Deignan eta Kreuzigerrek etapa garaipena jokatu beharra zuten. Orduan gazte txekiarrari Donostiako Klasikoko mamua sartu zaiola esango nuke eta berriro ere kale egin du. Deignanek egoera ondo baliatu eta etapa garaipena lortu du. Eta ez hori bakarrik, gaur lortutako errentari esker eta Danielsonek lasterketa uztea erabaki duenez, sailkapen nagusiko 8. postuan sartu da. Hori bai ihesaldiari etekina ateratzea!!

Gure euskal ordezkariei dagokionez, azkenean Igor Anton 5. sailkatu da, David Herrero 12. eta Bingen Fernandez 14. Moncoutirekin batera.

Barredo Donostian garaile

Barredo. 2009ko Donostiako Klasikoan garaipenaBarredo Quick Step-eko txirrindulari asturiarrak 2009ko Donostiako Klasikoan garaipena lortu du eta esan behar merezimendu osoz izan dela. Kreuziguer eta biak iritsi dira Boulevardeko zuzenera, baina txekiarrak indarrik gabe geratuta, Barredok aise hartu dio aurre azken metroetan garaipena eskuratuz.

Gaurkoan tropel nagusitik zenbait txirrindularik ihes egin dute eta tropeltxo bat osatu dute. Jaizkibelen gora hasi direnean, 50 segundo inguruko aurrerapena zuten tropel nagusiarekiko. Atzean, ihesaldia kontrolpean zutela Caisse D’Epargnekoak ari ziren lanean Valverderen garaipenaren bila.

Jaizkibel igotzen ari zirela, Petrov izan da aurrera jotzen lehena. Tropel nagusian ere mugimenduak hasi dira eta Spilakek aurrera egin du eta aurreko tropeltxoarekin bat egitea lortu du. 14 txirrindulariko tropeltxoan Sorensen aritu da tiraka Petrov harrapatzeko asmotan eta lortu ere lortu du. Aurrealdean denak bat eginda zirela eta atzetik tropel nagusia denborak murrizten ari zirela ikusita, Spilakek aurrera egin du eta bakarrik ekin dio jaitsierari. Euria ari zuen eta susto bat baino gehiago izan ditu Lampreko gazteak eta ondorioz atzekoek harrapatu ahal izan dute.

Lasterketak gora behera asko izan ditu Irun igaro eta Arkale igotzen hasi diren arte. Arkalen Barredo eta Fedrigo jarri dira lasterketa buruan. Atzetik Kreuziger bi hauek harrapatzeko indarrean aritu da eta atzean, tropel nagusian, Caisse D’Epargne distantzia murrizteko ahaleginetan ari zen.

Pasaiara bidean Fedrigo, Kreuziger eta Barredo elkarrekin ziren eta atzean erasoak izan dira. Sanchezek eta Kirchenek aurrera egin dute. Jaitsiera bustiaz baliatuz, Barredok aurrera egin du eta Pasaiarako bideari ekitearekin batera, Sanchez asturiarrarekin bat egiteko gauza izan da. Oraindik gaina igotzeko zirela, Barredo eta Sanchez aurretik ziren eta 9 segundo ingurura Kirchen, Fedrigo eta Kreuziger oker ez banaiz.

Mirakruzeko gaina egitean uste dut (eta hau telebistaz ikusi duzuenak ulertuko duzue) bat egin duela boskoteak eta beranduago, Donostiara sartzen hasi direnean Zurriolaruntz, Kreuzigerrek erasoa jo eta aurrera egin du. Atzetik Barredo iritsi zaio eta tartea ateratzea lortu dute. Azken metroetan biak izan dira elkarrekin, eta aurrez esan bezala, Barredo indar gehiagorekin zen eta garaipena lortu du Kreuzigerren aurretik. Atzean, tropel nagusiak gainontzeko iheslariak harrapatu ditu eta batera iritsi dira.

Gaurkoan ETBn gustatu ez zaidana

Ez zait batere gustatu zenbat publizitate jarri duten eta zein momentutan ETBko adiskideek. Ez zait normala iruditu Jaizkibelgo jaitsieran publizitate mordo bat sartu eta bueltatu direnean Fermin Aramendik “ikusgarria izan da jaitsiera” esatea. Errepikapen txiki batzuekin konpontzen saiatu dira bana ez da berdina.

Lasterketa bukatzeko 13 kilometro inguru falta zirenean ere, beste iragarki sorta bat sartu dute. Pare bat izango balira, beno, ulertuko nuke, baina hainbeste? Haserretu eta TDP jartzea erabaki dut nahiz eta gazteleraz den. Horrelakoak Telecincok Giroa ematen zuen garaietan ikusten genuenean kritikatu egiten genuen. Orain TVEkoak iragarkiak kentzekotan aurrekontuak onartzen ari diren honetan, zer gertatzen da ETBn?

msb-ek Tropela.net-en idatzi duen iruzkinarekin ere bat egiten dut; ETBkoak Tourrera bidaliko nituzke txirrindularitza emanaldiak nola eman behar diren ikastera.