Etiketa Artxiboak:ihesaldia

#506 Tropela.eus podcastak: 2021eko Frantziako Tourra. Errepasoa – 16. etapa

Konradek (BOH) etapa garaipena 2021eko Tourrean

Konradek (BOH) garaipena eman dio taldeari Polittek (BOH) egun batzuk egin zuenaren antzera, ihesaldian sartu eta nagusitasuna erakutsiz. Alex Aranburu (APT) ihesaldi horretan izan bazen ere, seigarren postuan sailkatzeko aukera besterik ez du izan. Maillot berdearen lehian, Colbrellik (TBV) eta Matthewsek (BEX) puntuak bildu zituen, nahiz eta Cavendishek (DQT) eusten dion maillot berdeari. Sailkapen nagusian, berriz, aldaketarik gabe, Pogacarrek (UAD) jarraitzen du lider.

Atzoko etapak emandakoak eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#505 Tropela.eus podcastak: 2021eko Frantziako Tourra. Errepasoa – 15. etapa

Kussek (TJV) etapa garaipena lortu du Andorran

Ihesaldia gailendu da etapa berri batetan. Oraingo agertokia Andorra genuen eta ihesaldiko tropeltxo marduletik Kuss (TJV) estatubatuarra izan da garaile. Hautagai nagusien artean mugimenduak izan badira ere, Pogacarrek (UAD) nagusitasunez eusten dio lidergoari.

Atzoko etapak emandakoak eta biharkoak eman dezakeenaren inguruko podcasta prestatu digu Iban Perezek (@piban).

Podcastera harpidetu

#503 Tropela.eus podcastak: 2021eko Frantziako Tourra. Errepasoa – 12. etapa

Polittek (BOH) ihesaldian sartzeari esker etapa garaipena lortu du

Saganek (BOH) belauneko minaren ondorioz, etxerako bidea hartu duen etapa berean, Politt (BOH) taldekideak etapa garaipena lortu du. Esprinta saihestea lortu du ihesaldiak, 13 txirrindulariz osatutako tropeltxoak, bertan Politt zelarik. Imanol Ervitik (MOV) ere lortu du ihesaldia sartzea, baina ez da gauza izan Politten erasoari jarraitzeko eta bigarren postuarekin konformatu beharrean izan da.

Atzoko etapak emandakoa eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#498 Tropela.eus podcastak: 2021eko Frantziako Tourra. Errepasoa – 7. etapa

Mohoricek (TBV) etapa garaipen ikaragarria lortu zuen eguneko ihesaldiari ere tartea atereaz

Etapa ikusgarria aurtengo Frantziako Tour honetako 6. hau. Izan ere ihesaldi mardula osatu zen, bertan Mohoric (TBV) garaileaz gain, Van der Poel (AFC) liderra ere sartu baitzen. Esloveniako txapeldunak etapa garaipen handia lortu zuen eta ihesaldikoek, denbora tarteari esker, sailkapen nagusian aurrera egiteko gai izan ziren. Saririk potoloenak lortu zituztenak liderra, Van der Poel (AFC), eta Van Aert (TJV) izan ziren, orain Pogacar (UAD) 3 minututik gorako tartearekin baitute. Carapaezk (IGD) saiakera egin zuen denbora lortzeko, baina alferrik izan zen, besteak beste, Movistar jarri baitzen tropel nagusian tiraka. Galtzaile, berriz, Roglic (TJV), taldekiderik gabe, ezinak jota edo, 3 minututik gorako atzerapenarekin helmugaratu baitzen.

Atzoko etapak emandakoa eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#485 Tropela.eus podcastak: 2021eko Italiako Giroa errepasoa – 17. etapa

Dan Martinek (ISN) etapa garaipen handia Giroko 17. etapan

Atseden egunaren ondorengo etapan, Dan Martinek (ISN) arantza kendu eta etapa garaipen handia lortu du eguneko ihesaldian sartuta. Azken igoera bikaina eginda, ondo eutsi dio hautagai nagusien tropelari eta bertan izandako erasoei. Gainara garaipen honekin hiru itzuli handietan etapa bana ditu palmaresean. Sailkapen nagusian aldaketak izan dira eta, Bernalek (IGD) lidergoari eusten badio ere, ahultasuna erakutsi zuen. Aurrera jauzi egitea lortu zuena Yates (BEX) izan da etapan hirugarren sailkatuta podiumeko postuetan sartu baita. Txanponaren beste aldea Evenepoelek (DQT) erakutsi du; erorikoa izan, eta etapa bukatu bazuen ere, ez da gaur irteeran izango.

Atzoko etapak emandakoa eta bihar eman dezakeenaren ingurukoak bildu ditu Egoitz Lizasok (@elizaso) podcast berri honetan.

Podcastera harpidetu