Etiketa Artxiboak:Di Luca

Oilar asko eta Armstrong!

Armstrong livestrong mallotarekin15 egun barru hasiko Italiako Giroa, ehunurteurrenaren Giroa. Ez da ehungarren ekitaldia, 92.a baizik, baina 100 urte betetzen ditu Giroak eta beraz, aurtengoa berezia izango da. Berezia izatea nahi zuten antolatzaileek eta ibilbidean esperimentuak txertatu dituzte: Taldekako erlojupekoa Venezian, bakarkako erlojupeko oso luzea (61 km), 83 km-ko etapa laburra izugarrizko igoerarekin (Blockhaus), 100 itzuliko zirkuitua Milanon, Erromako amaiera eta nola ez, mendi eta aldapatxo ugari… Baina Giro hau benetan erakargarria egiten duena beste gauza bat da: Lance Armstrong-en parte hartzea!

Ondorioz, ia urtero bezala, aurtengo ekitaldiak ere lasterketa ikusgarri bat izateko osagai guztiak ditu. Eta parte hartzaileak edo hautagaiak? Etorriko al dira? Armstrong-ek izango al du aurkaririk? Ba bai, eta ez nolanahikoak.

Oraindik parte hartzaileen zerrenda ofizialik ez da kaleratu baina denen ahotan dabiltza honako izen hauek:

– Ivan Basso: 2006ko garailea. Bi urteko zigorraren ondoren aurten itzuli da.

– Danilo Di Luca (LPR): 2007ko garailea.

– Damiano Cunego (Lampre): 2004ko garailea.

– Gilberto Simoni (Serramenti): 2001eko eta 2003ko garailea. 7 aldiz podiuma zapaldutakoa.

– Marzio Bruseghin (Lampre): Iaz podiumean amaitu zuen 3.postuan.

– Carlos Sastre (Cervelo): Iazko Frantziako Tourreko garailea

– Denis Menchov (Rabobank): Tour gizona da baina iaz Giroa 5.postuan amaitu zuen.

– Levi Leipheimer (Astana): Tour gizona. Armstrongen taldekidea. Aurkaria etxean?

– Franco Pellizotti (Liquigas): Iazko Giroa 4.postuan amaitu zuen.

– Stefano Garzelli (Acqua Sapone): 2000ko garailea.

Badira, faltan botako ditugunak ere: Alberto Contador, Ricardo Riccó, Cadel Evans, Christian Vandevelde,  Schleck anaiak… baina halere hautagaien zerrenda itzela dela iruditzen zait. Ikusiko dugu zer gertatzen den. Buruari eragin beharko diogu bi aste hauetan Tropelan kiniela txukun bat egiteko!

Sella Dolomitetako errege

Emanuele SellaTropelean %4,6ak egin du italiar honen alde, beraz, inor gutxik espero zuen asteburu honetan egin dituenak egiteko gai izango zenik. Ikaragarrai Alpe Di Pampeagon amaitzen zen etapan emandako erakustaldia: Passo mendiaren gora erasoa jo eta Alpe Di Pampeagon gora atzetik zituenei denbora atereaz. Egia da azken bi kilometroetan asko sufritu zuela, baina garaipen itzela lortu zuen bere herkide zen Pantaniren antzera.

Lortu zuen hainbeste desira zuen garaipena, bere emaztegairi eskaini nahi zion garaipena, eta nola gainera? Baina ez ziren hor geratu Emanuelen erakustaldiak. Larunbatekoarekin nahikoa ez eta atzokoan ere beste ihesaldi batean sartu eta beste garaipen epiko bat lortu zuen, Dolomitetako jaun eta jabe eginez. Ikaragarria!

Navigare taldeak oroar onenen pare ibili ziren. Atzokoan bigarren sailkatu zen Pozzovivo, taldekidea, eta etapa guztian zehar aurrean ibili ziren. Gaizki pentsatzen hasi behar la dugu? Larunbateakoaren ostean ez nuen usteko hain azkar errekuperatu eta bigarren egunean horrelako garaipenik lortzerik posible izango zuenik 27 urteko txirrindulariak. Dakizuen bezala Navigare ez da ProTourreko taldea, eta dirudienez dopingaren aurkako kontrol xamurragoak dituzte ProTourretik kanpo dauden taldeek. Bai, eztabaita sortu nahi dut, ez dut ezer baieztatzen, baina zer pentsatua ez al dizuete ematen?

Faboritoen artean alde txikiak izan ziren Kloden alemaniarraz gain, honek faboritoengandik ia 6 minutura helmugaratu baitzen. Espero bezela lider aldaketa izan zen atzokoan eta faboritoetako batek jantzi zuen, Contadorrek hain juxtu. Gaurko erlojuperako faborito da, eta beraz, badirudi aldeak handi ditzazkeela bere aurkariekin. Oraingoz, astebete falta denena 2008ko Giroa amaitzeko, 1:26 segundutan daude gainontzeko faboritoak: Riccò, Di Luca, Bruseghin, Menchov eta Simoni.

Tropeleko lehiaketari dagokionez, bulder azkoitiarra da nagusi ia lehen egunetik. Azken bost etapata bera da liderra eta momentuz Kanariar edo Balear irletarako bidaia irabazteko hautagai nagusia. 3364 puntu ditu, bigarrengoari ia 80 puntuko aldea ateratzen dio, baina sailkapen idealaz urruti da txirrindulariei dagokion atalean ikusi dezakezuen bezala. Kiniela idealaren jabeak 4261 puntu izango lituzke.

Oraindik astebete falta da aurtengo Giroa bukatzeko eta denetik gerta daiteke.

Argazkia: csfgroupnavigare.com

Italiako Giroa hasi da!

Bai, atzo hasi zen, baina Tropelean gaurtik aurrera hasiko da puntuak banatzen. Hiru astetan zehar 3733 parte hartzaile izango gara lehian, batzuk Kanariar edo Balear irletako bidaia hori eskuratu nahian eta beste batzuk, nire kasuan bezala, parte hartzen ari garen tropeltxoetan aurrealdean izateko itxaropenean.

Atzoko taldekako erlojupekoan SLIPSTREAM – CHIPOTLE taldeak erakustaldia eman eta Vande Velde amerikarrak maglia arrosa eskuratu zuen. Zabriskie bere taldekideak ere gustura ospatu zuen podiumean xanpaina eskutan dantza eta guzti eginaz, baina gaur zoritxarrez Zabriskiek etxerako bidea hartu behar izan du eta Vandeveldek maglia galdu du. Euskalte-Euskadiri dagokionez, euskal taldea ondo ibili zela esan beharra dugu azken bi taldeen aurretik sailkatuta.

Ricc�k erakustaldi aparta eman du eta garaipena eskuratu. Di Luca bigarren sailkatu da eta etapa guztietan lehiatzeko prest dagoela erakutsi du aurtengo Giroa irabazteko. Bere taldea ere, LPR, ikaragarri.

Beharbada bigarren maila batean geratu da, baina xelebrea suertatu da Roy eta Loosliren arteko haserrea. 10 minututik gora ihes eginda ziren bi txirrindulariak, baina Intergiroko helmuga lehiatzerakoan, ez dakit aurretik zerbait adostu duten ala ez, baina Loosli pasa da lehen postuan eta horrek Royri ez dio batere graziarik egin. Ondorio erreleboak emateari utzi dio muturtuta eta ihesaldia pasio bilakatu da tropelak irentsi dituen arte. Ikustekoa!

Gaurko etapak emozio ugari izan du eta hori gustatu zait. Ez nuen usteko bigarren etapa batean txirrindulariek honelako jokabidea izango zutenik. Horrelakoak badira hurrengo egunetako etapak ikuskizun paregabea izango dugulakoan nago.

2008ko Giroa eztabaidagai

Astebete eskas falta da aurtengo Giroa hasteko. Noski, Tropelean ere Giroaren inguruko lehiaketa izango dugu. Oraindik ezin da kinielarik egin, baina adi ibili laister izango baita posible.

21 etapatako lasterketa izango da, hauetatik lau erlojupekoak izango dira, hiru bakarkakoak eta bat taldekakoa. Lasterketa hasi eta bukatu erlojupekoekin egingo da, Palermon jokatuko dena eta Cesano Maderno – Milan azkena. Mendi etapak astebukaeratan izango dira gure zorionerako. Hauetatik galdu ezin dena Marmoladara egingo den igoera izango da, maiatzaren 25ean jokatuko dena. Nik jada hori gorriz markatua dut egutegian!

Ez dakit zeintzuk izan daitezkeen aurtengorako faborito, baina Ricco, Simoni, Soler, Di Luca eta Cunego aurrealdean ikusiko ditugulakoan nago. Seguraski izen gehiago ere gehitu beharko nituzke, baina oraindik goizo xamar dela deritzot.

Euskaldunei dagokionez Juanma Garate eta Patxi Vila izango dira seguraski gure ordezkaririk nabarmenenak orain arte erakutsi diguten bezala. Gainera atzoko Romandiako etapan Vila sasoiko dagoela erakutsi zuen. Euskaltel-Euskadi taldeari dagokionez, nire iritziz nahiko talde apal xamarrarekin hartuko du parte.

Ia hurrengo egunetaz berri gehiago ditugun eta iritzi osatuagoak emateko gai garen.

Di Luca, errugabe

Hilabete asko pasa ondoren Danilo Di Lucaren auzia bukatu da, eta CONIko (Italiako Batzorde Olinpikoa) epaileak arrazoia txirrindulariari eman dio. Franceso Plotinoren hitzetan, hala deitzen baita epailea, “Zoncolango etaparen ostean Di Lucak� emandako balore arraroak produktu dopanteen erabileraren ondorio izatearen hipotesia ez da beharrezko probabilitate mailara iritsi”.

Orain galdera da, nork konponduko du txirrindulariari egindako kaltea? Ez bakarrik bere izena zikindu eta kolokan jarri izana, baizik eta Liquigas taldetik aldegin behar izana, egutegiko lasterketa garrantzitsu ugaritan parte hartzeko aukera galduaz. Orain LPR taldean ari da, eta Giroa korritzeko aukera izango du, bai, hala bere iazko garaipena defendatuz, baina kaltea egina dago.

Alessandro Petacchiri ere antzerako zeozer gertatu zitzaion orain dela ez asko. Hau ere kanoiaren begian jarri zuten, sekulakoak eta bi esan bere inguruan, eta azkenean epaileak arrazoia txirrindulariari eman zion beste behin.

Gaztelaniazko esaera batek dio: “piensa mal y acertar�s”. Argi dago txirrindularitza munduan oso erabilia dela esaldi hau. Badaezpadan, susmatu. Txirrindularia harrapatzen dutenean, denek autoadjudikatzen dute tantoa, baina hanka sartzen dutenean, denak adarretatik joaten dira. Lotsagarria da.