Euskara, teknologia eta txirrindularitza
Podcast honetan Eneko Garatek (@egarate), Imanol Lluciak (@imanolllucia) eta Egoitz Lizasok (@elizaso), koronabirusak izan dezakeen eraginaz gain datozen lasterketetan, Euskaltelen itzuleraz eta azken lasterketez aritzen dira, tartean, Mosconen (INS) jarrera kaxkarraz.
Denboraldi honetako bigarren podcast honetan Eneko Garate (@egarate), Iban Perez (@piban) eta Egoitz Lizaso (@elizaso) bildu dira azken asteetan txirrindularitza profesionalak eman duena errepasatzeko. Gogoan izan behar da egun gutxi barru abiatuko dela Tropelaren 2020ko denboraldia, koronabirusak hasera hau arriskuan jartzen ez badu behintzat.
2014ko abenduaren 11ean ospatu zen #txirrindandtweets mahai ingurua. Bertan Arritxu Iribar, Jon Odriozola eta Igor Gonzalez de Galdeano inguratu genituen Euskaltel-Euskadi-ren ondorengo garaiaz hitz egiteko, postEuskaltel. Han ezagutu genuen Muriasen berri Jonen ahotik eta orain, 5 urte beranduago, proiektua bere ibilbidearen amaierara iritsi dela jakin berri dugu.
Eneko Garate (egarate) eta Egoitz Lizasok (@elizaso) ekitaldi hartan esandako hainbat pasarte gogora ekarriz, egungo egoeraren inguruko hausnarketa podcast hau prestatu dute. Badirudi 5 urte hauetan gauzak ezer gutxi aldatu direla, solaskideak saioaren amaieran baikor agertzen badira ere.
Euskal Herriko errepideetan jokatu da Espainiako Vueltako 12. etapa. Bilbon izan da amaiera eta 14ko tropeltxoko indartsuena Gilbert (DQT) izan da. Alex Aranburu (CJR) eta Barceló (EUS) saiatu dira belgiarra antzematen baina ez zaie posible izan. Faboritoen artean Lopez (AST) izan da Arraizko igoeran saiatu dena baina helmugan faboritoak elkarrekin izan dira. Roglicek (TJV) jarraitzen du gorriz.
Hau eta biharko etaparen inguruko azterketa egiten du Egoitz Lizasok (@elizaso) podcast honetan.
Mikel Iturria (EUS) urnietarrak irabazi du Espainiako Vueltako 11. etapa. Euskadi-Murias taldeko txirrindularia eguneko ihesaldian sartu eta Urdaxeko helmugan indartsuena dela erakutsi du. Bigarren Jonathan Lastra (CJR) sailkatu da. Egun borobila, beraz, euskal errepideetatik pasa den Vuelta honetan.
Sailkapen nagusian aldaketarik ez da izan eta Roglicek (TJV) jarraitzen du lider.
Hau eta gehiago duzue entzungai Iban Perezek (@piban) prestatu duen podcast berri honetan.