Euskaldunak – 5 orrialdea – Tropela.eus bloga

#459 Tropela.eus podcastak: 2020ko Espainiako Vuelta errepasoa – 18. etapa

Ackermannek (BOH) lortu du Madrilgo azken etapa garaipena lortzea

2020ko Espainiako Vueltako 18. etapak eman dio amaiera 2020ko edizioari. Bertan azkarrena Ackermann (BOH) izan da Bennett (DQT) eta Kanterren (SUN) aurretik. Dakizuen moduan, Vuelta Roglicek (TJV) eraman du eta baita erregulartasunaren maillot berdea. Mendikoa Guillaume Martinentzat (COF) izan da, gazterik onena Masentzat (MOV) eta Movistarrek, azkenik, talde onenaren saria. Euskaldunei dagokionez, sailkapen nagusien aurreen amaitu duena Mikel Nieve (MTS) izan da, guztira 13. sailkatuta.

Azken etapa honetaz eta Vueltaren ingurukoez aritzen da Iban Perez (@piban) podcast honetan.

Podcastera harpidetu

#450 Tropela.eus podcastak: 2020ko Espainiako Vuelta errepasoa – 9. etapa

Ackermannek (BOH) Vueltako bere lehen etapa garaipena lortu du

2020ko Espainiako Vueltako 9. etapa esprintean erabaki da nahiz eta ihesaldian Aritz Bagües (CJR) eta Osorio (BBH) ihesaldian izan diren. Helmuga marratik pasatzen lehena Sam Bennett (DQT) izan bada ere, epaileek baliogabetu egin dute bere garaipena sorbaldarekin beste txirrindulari bat arauz kanpo kolpatu izanagatik. Ondorioz, garaile Ackermann (BOH) alemaniarra izendatu dute. Sailkapen nagusian aldaketarik ez da izan.

Hau eta bihar jokatuko den etaparen ingurukoak kontatzen ditu Egoitz Lizaso (@elizaso) podcast honetan.

Podcastera harpidetu

#429 Tropela.eus podcastak: 2020ko Italiako Giroa errepasoa – 9. etapa

Guerreirok (EF1) taldearentzat bigarren etapa garaipena eskuratu du 2020ko Giroko 9. etapan

2020ko Italiako Giroko 9. etapan eta ihesaldian bidea egin du. Bazirudien Jonathan Castroviejok (IGD) eskura izan zezakeela garaipena, baina Guerreirok (EF1) indarrak ondo gorde eta etapa eskuratzeko gai zian da portugaldarra. Gainera orain bera da mendiko sailkapenean buruan. Faboritoen artean mugimendu gutxi eta izandako denbora tarteak azken metroetako aldapetan ateratakoa izan dira. Zoritxarrez Pello Bilbaok (TBM) segundo batzuk galdu eta postu bat galdu du eta orain hirugarren aurkitzen da nagusian.

Hau eta biharko etapak eman dezakeenaren inguruan aritzen da Egoitz Lizaso (@elizaso) podcast honetan.

Podcastera harpidetu

#415 Tropela.eus podcastak: 2020ko Frantziako Tourra errepasoa – 18. etapa

Ineos horrenbeste behar zuen etapa garaipena lortu Kwiatkowski (INS) eta Carapazekin (INS)

Gaur jokatu da aurtengo Tour honetako azken mendiko etapa garrantzitsua. Bertan ihesaldi mardul bateko parte izanda, Carapaz eta Kwiatkowski (INS) helmugaratu dira elkarrekin azken honek etapa garaipena lortuz. Azpimarratzekoa Pello Bilbaoren (TBM) lana etapa lehiatzeko hauekin izan baita atzeratuta geratu den arte, eta edozein kasutan, ondoren Mikel Landari (TBM) sailkapen nagusian aurrera egiten laguntzeko ere lanean izanik. Mikel Landa (TBM) mugitu da, baina, gutxi ez izanik ere, lortu duen saria sailkapen nagusian 5. postura igotzea izan da Adam Yates (MTS) eta Urani (EF1) denbora aterata.

Biharkoak trantsizioko etapa behar luke eta ihesaldia zein esprinterren arteko lehia espero da. Sailkapen nagusikoentzat atseden eguna izango da, larunbateko erlojupeko garrantzitsurako indarrak errekuperatzeko eguna.

Hau eta gehiago duzue entzungai Egoitz Lizasoren (@elizaso) eskutik datorkizuen podcast berri honetan.

Podcastera harpidetu

#414 Tropela.eus podcastak: 2020ko Frantziako Tourra errepasoa – 17. etapa

Miguel Angel Lopezek (AST) etapa garaipenaz gain podiumeko postuan sartze lortu du

Gaur jokatu da 2020ko Frantziako Tourreko 17. etapa, mendiko etaparik garrantzitsuenetako bat. Mikel Landaren (TBM) Bahrein taldeak tropel nagusian erritmoa ezartzen izan den arren, etapa garaipena eta podiumerako postua Miguel Angel Lopezek (AST) lortu ditu. Roglicek (TJV), aldiz, Pogacarrekiko (UAD) aldea zabaltzea lortu du.

Biharko 18. etapa eskalatzaileek azken aukera izango dute arerioei denbora ateratzeko. Saiatuko ote dira? Bai gaurko etaparen inguruan baita bihar ikus dezakegunaren inguruan Iban Hernandezen (@piban) eskutik entzungai duzue podcast berri hau.