Kategoria Artxiboak:Lehiaketak

David Millarrentzat etapa Luxenburgon extralurtarrak hartu zuen urteurrenean

Atzokoan 2012ko Frantziako Tourreko 12. etapa Millar britainiarrarentzat izan zen, beste lau lagunekin ihesean aritu ostean. Ihesean Peraud (AG2R), Gautier (Europcar), Kiserlovski (Astana) eta Egoi Martinez (Euskaltel) izan zituen kide. Urte honetako etaparik luzeena Saint-Jan-de-Maurienne eta Annonay Dazévieux artekoa.

Etapa hasiera bizia joan zen, zailtasunik handienak bertan baitzituzten. Bazirudien boskoteari lagun gehiago gehituko zizkiola atzetik. Jazarpenean zihoan taldetxo horretan Sagan zegoen beste bi taldekiderekin baina azkenean talde hori tropelak irentsi zuen. Orduan aurretik zihoazenek hamar minutu baino gehiagoko abantaila hartu zuten. Continue reading “David Millarrentzat etapa Luxenburgon extralurtarrak hartu zuen urteurrenean”

Alpeak, berde-berde

Atzo Voecklerrek irabazi zuen etapa eta gaur, Europcar talde berdearen beste kide batek: Rollandek irabazi du Alpeetako etapa nagusia. Lehen kilometroetan sortutako ihesaldian sartu da frantziarra eta azken bururaino eraman du. Tourreko sailkapen nagusia lehiatzen ari direnei dagokienez, elkarrekin iritsi dira Froome, Wiggins Nibali eta Van den Broeck. Evansek minutu eta erdi galdu du talde horrekiko eta Haimar Zubeldiak hiru minutu.Beste behin ere etapa labur batek ikuskizun handia eskaini du. 150 kilometro eskasetan hiru mendate jarrita, erasoak izan dira hasiera-hasieratik. 250 kilometrokoak baino eraginkorragoak eta ikusgarriagoak dira etapa hauek, benetan. Joan den urtean oso antzekoa izan zen L’Alpe d’Huezen bukatu zena Telegraphe, Galibier eta L’Alpe d’Huez bera igo zituzten eta Rollandek irabazi zuen gaur bezala. Continue reading “Alpeak, berde-berde”

#66 Tropela.net podcastak: Frantziko Tourra 2012. Lehen asteari errepasoa

Frantziako Tourreko lehen asteari errepasoa egiten dute podcast honetan Eneko Garate (@egarate), Axier Sukia (@sukigalp) eta Egoitz Lizasok (@elizaso). Gainera podcast honetan Haimar Zubeldiari atseden egunean egindako elkarrizketa duzue entzungai.

Ondorengo edukia aurkituko duzue podcast honetan:

– Haimar Zubeldiari egindako elkarrizketa.
– Euskal txirrindulariak.
– Sky taldearen nagusitasuna. Espero zen?
– Zein talde dira Sky sendo honi aurre egiteko gai?
– Faboritoak, bai kanpotik eta baita tropeletik bertatik ere.
– Beste izen propio batzuk: Sagan, Pinot, Cavendish eta Greipel.

Argazkia: radioshacknissantrek.com

Pirinioetara joateko autobusak

Aurten ere euskal zale ugari hurbilduko da Pirinioetara euskal txirrindulariak eta Frantziako Tourreko tropel osoa animatzera. Joateko asmotan bazabiltza eta plana zehazteko baduzu, hona hemen pare bat aukera:

1) Astarloza Taldearen asteburuko plana (uztailak 14-15)

2) Lizarralde Kirolak eta ESAITen plana (uztailak 17-18-19)

[behean duzue plan hauetaz informazio gehiago]

Bi plan hauetaz gain, beste hainbat eta hainbat izango dituzuenez, zergatik ez diguzu zure plana kontatzen? Kontaiguzu nondik irtengo zareten eta lasterketa non ikusteko asmoa daukazun blogean edo Facebooken iruzkin bat utziz.

A! Eta ez ahaztu Pirinioetarako behar beharrezkoa den Tropelaren kit-a eramatea! Eskatu zure txapela, eta lagundu Tropelari!

Continue reading “Pirinioetara joateko autobusak”

Ikuskizuna eta notizia txarrak, egun berean

Tourrean, Giroan bezala – eta orokorrean kirolean bezala – ez dago gidoi batean idatzia zer gertatuko den. Gaur Samuel Sanchez-ek eman digu notizia txarrena, Pinot gazteak berriz askori jarri digu irrifarrea aurpegian.

Afizioa egiten duten etapa horietakoa bizi izan dugu gaurko Frantziako Tourreko 8. etapan, Belfort eta Porretruy arteko 157 kilometroak. Tartean 7 portu izan dituzte, horietako 4 bigarren mailakoak eta azkena lehen mailakoa. Eguneko ihesaldia harrapatzeko gerra baino gehiago egon da. Borroka horretan eguneko notiziarik txarrena gertatu da. Geldialdi batean Samuel Sanchez-ek eroriko gogorra izan du eta eskumuturra hautsita lasterketa utzi behar izan du. Ez dute zortea aldeko talde laranjakoek, etapa berean Gorka Verdugo ere etxerako bidea hartu du ezinean ibili baita hasieratik (baita ere ostiraleko ondorioen eraginez, eta gogoratzen badugu egun horretan Mikel Astarloza eta Amets Txurruka etxera joan ziren). Continue reading “Ikuskizuna eta notizia txarrak, egun berean”