#73 Tropela.net podcastak: Munduko Txapelketa 2012. Gizonezkoei eta emakumezkoei errepasoa

Post honetan Axier Sukiak (@sukigalp), Eneko Garatek (@egarate) eta Egoitz Lizasok (@elizaso) grabatutako bi podcast aurki ditzakezue. Bi podcastak hurrengo astean jokatuko den Limburgeko munduko txapelketaren ingurukoak dira. Bat emakumezkoen ingurukoa eta bestea gizonezkoen ingurukoa. Lagungarri izan daitezke Tropelako 2012 denboraldiko azken lehiaketarakoa. Kinielak prest?

Gizonezkoen inguruko podcasta (2012-09-13an grabatua)

– Ibilbideari errepasoa.
– Erlojuaren kontrako eta errepideko faboritoak.
– Euskaldun bat izango da lehian: Jonathan Castroviejo.
– Nola banatuko dira euskaldunen puntuak?

Emakumezkoen inguruko podcasta (2012-09-14an grabatua)

– Limburgeko ibilbidearen azterketa: erlojuaren kontrakoa (24km) eta errepidekoa (129km).
– Tropelako kinielan emakumezkoen multzoei azterketa.
– Limburgen izango diren emakume ordezkariak: Eneritz Iturriaga eta Ane Santesteban.
– Nola banatuko dira euskaldunen puntuak?

#72 Tropela.net podcastak: Munduko Txapelketa 2012. Emakumezkoei errepasoa

Aurtengo Munduko Txapelketa Limburgen jokatuko da. Londreseko Olinpiar jokoetan egin bezala, Munduko Txapelketa honetan emakumezkoak ere aukeratu behar dira Tropelako kinielan. Podcast honetan Eneko Garate (@egarate), Axier Sukia (@sukigalp) eta Egoitz Lizasok (@elizaso) emakumezkoek egin beharko dituzten ibilbideak eta emakumezkoak aztertzen dituzte.

Ondorengo edukia aurkituko duzue entzungai besteak beste:

– Limburgeko ibilbidearen azterketa: erlojuaren kontrakoa (24km) eta errepidekoa (129km).
– Tropelako kinielan emakumezkoen multzoei azterketa.
– Limburgen izango diren emakume ordezkariak: Eneritz Iturriaga eta Ane Santesteban.
– Nola banatuko dira euskaldunen puntuak?

#52 Tropela.net podcastak: Kopenhageko Munduko Txapelketa 2011

Eneko Garate (@egarate), Axier Sukia eta Egoitz Lizasorek (@elizaso) Kopenhagen aste honetan jokatuko diren 2011ko Munduko Txapelketaren inguruan aritu dira. Ondorengo gai hauek jorratzen dituzte:

Erlojuaren kontrako saioko faborito nagusiak.

Errepideko lasterketako faborito nagusiak. Zeini datorkio egokiago ibilbidea? Herrialde ezberdinetako taldeek zein jarrera izango dute?

Lehen euskaldunaren puntuak nola banatuko diren aipatzen dute.

Kiniela egiterako orduan zenbait iradokizun.

Aurreko podcastak hemen dituzu.

København ’11: hamar izen, ortzadar bakarra.

Urteko zitarik handienetakoa hemen da jada. Astebete baino ez da falta datorren urtean zehar ortzadar maillota soinean zeinek eramango duen jakiteko. Honezkero gehientsuenok jakingo duzuen bezala, Kopenhage-ko ibilbideak gogortasunerako tarte gutxi eskaintzen du, Munduko Txapelketa Danimarka-ko hiriburuan jokatzearen ondorio. Hala ere, zailtasun txiki horietako bat helmugan egoteak batzuen eta besteen aukerak baldintzatuko ditu. Horrela bada, faborito argirik gabeko lehia aurkezten zaigu hasiera batean.

Igandean txirrindulari asko izango da dominiaren bat eskuratzeko moduan azalduko dena, edo bere burua horretarako gai ikusiko duena behintzat. Kinielei begira badaude aurreneko postuan egotea hein handi batean ziurtatu baina garaipenerako itxaropen gutxi daukatenak. Kasu honetan, guk podiumeko goreneko postua zapaltzeko faboritoak zeintzuk diren aukeratu eta jarraian izendatu ditugu, euren izena ortzadar kolorez janzteko hautagai nagusiak, alegia:

1. Thor Hushovd (Norvegia): egungo txapelduna, ezaugarri horregatik baino urteek aurrera egin ahala erakusten ari den dohain guztiengatik dugu aurreneko postuan batez ere: bere erresistentziak bete-beteko sprinterren abiadurari aurre egitea ahalbidetzen dio ibilbide luze eta zailetan. Kasu honetan, luzeraz gain helmugako malda txikia alde izango du. Lasterketa gogor baten ostean egon litekeen sprintean da batez ere faborito. Continue reading “København ’11: hamar izen, ortzadar bakarra.”

Euskaldunen puntu banaketa Munduko Txapelketan

Datorren astean zehar jokatuko dira aurtengo Munduko Txapelketako lasterketa ezberdinak. Hitzordua Kopenhagenen da aurten. Tropelako lehiaketan iaz bezala elite mailako erlojuaren kontrako saioa eta errepidekoa jokatuko dira. Lehena asteazkenean jokatuko da eguerdiko 12:30etatik aurrera eta bigarrena, errepidekoa, igandean goizeko 10:00etatik aurrera.

Ohi bezala bai erlojuren kontrako saioan bai errepidekoan, lehen 25 txirrindulariei banatuko zaizkie puntuak gure arauetan agertzen dugun moduan. Lehen euskaldunari dagokionez, ordea, erlojuaren kontrako saioan ez dira 50 puntuak banatuko euskaldun bakarra arituko baita, Jonathan Castroviejo.

Errepideko lasterketan bai, igandean lehen sailkatzen den euskaldunari 50 puntu emango dizkiogu. Gogoratu bi izango ditugula lehian, Imanol Erviti eta Juanma Garate.

Zorte on guztioi eta gozatu Kopenhageneko Munduko Txapelketaz!!