Kategoria Artxiboak:Frantziako Tourra

3. etapa: Cambridge > London (155km). Profila eta aurre analisia

3. etapa

IBILBIDEA

Frantziako Tourreko 3. etapa lasterketako errezenetarikoa izango da. Oso etapa laburra izango dute txirrindulariak aurretik, 155km-ko besterik ez ibilbide lau batean. Etapa honen ikusmina ordea azken kilometroetan etorriko da, Londreseko hiriburuan sartzen direnean. Esprinterako etapa izango dela ez dago esan beharrik.

FABORITOAK

Lehen bi etapek emandakoa ikusirik, apostu garbia egin beharra dago Kittelen (GIA, %33,1) alde. Cavendish (OPQ, %14,9) eta Modolo (LAM, %6,9) esprinterrak jokoz kanpo geratu direlarik, Londresen garaile izateko kontuan izan beharreko beste izenak Greipel (LOT, 1,3%) eta Demare (FDJ, %24,7) izango dira. Kokapen on bat eta abiadura puntua funtsezko ezaugarriak izango dira 3.etaparako. Hona hemen faboritoak;

*** Kittel (GIA, %33,1)

** Greipel (LOT, %1,3) / Demare (FDJ, %24,7)

* Kristoff (KAT, %42,7) / Sagan (CAN, %50,5) / Coquard (EUR, %22,2)

2. etapa: York > Sheffield (201 km). Profila eta aurre analisia

2014_Tour_2etapa_profila

IBILBIDEA

2. etapa honek oso bestelako ibilbidea du. Atzo esprintean amaitzeko aproposa zen etapa bagenuen ere, gaurkoan klasikomano bezala ezagutzen diren txirrindularientzako egokia den etapa izango da. Yorketik hegoalderantz egin beharko dute Sheffiledera iristeko. Etapa luzea, 201 km, eta gorabeheratsua, bistan den bezala: 9 mendate igo eta jaitsi beharko dituzte, 2. mailako bat, 3. mailako bost eta 4. mailako hiru. Amaieran ez dago aldaparik, beraz, aurreko tropeltxoan iristen den azkarrenak eramango du etapa eta, ez ahaztu, liderraren maillot horia.

Txirrindulariak 12:20etan ekingo diote lehiari eta gaurko etapa osorik ikusteko aukera izango da ETBK eta Teledeporte telebista kateetan eta EITB.eus webgunean streaming bidez.

FABORITOAK

Klasikomanoentzako etapa dela aurreratzen nuen eta zalantzarik gabe hala izango da. Izan ere etapa garaipenaz gain maillot horia dago jokoan gaurkoan. Horien artean faborito nagusia Sagan (CAN, %50,5) da. Atzokoan bigarren izan zen Kittelen (GIA., %33,1) atzetik eta gaur etapa irabazita lider jarriko litzateke. Wolverinek atzaparkada emango duelakoan naiz.

Ez diote, ordea, erraz jarriko gainontzeko arerioek. Horien artean Gerrans (OGE, %25,6), Kwiatkowski (OPQ, %24,9), Thomas (SKY, %6,7), Slagter (GRS, %5,8), Valverde (MOV, %47,5) edo Rui Costa (LAM, %58,9) izan daitezke. Multzo honetan norbait nabarmentzekotan australiarra nabarmenduko nuke. Ez dakit Gerransi atzoko erorikoak zenbat eragingo zion, baina zalantzarik gabe helburua jarrita zuen gaurko etapan.

*** Sagan (CAN, %25,6) / Gerrans (OGE, %25,6)

** Thomas (SKY, %6,7) / Slagter (GRS, %5,8) / Kwiatkowski (OPQ, %24,9)

* Valverde (MOV, %47,5) / Rui Costa (LAM, %58,9)

1. etapa: Leeds > Harrogate. Profila eta aurre analisia

1 etapa

IBILBIDEA

Leedsen hasi eta Harrogate herrian amaituko da aurtengo edizioko Frantziako Tourraren lehen etapa. 190km burutu beharko dituzte txirrindulariak lehen egunean, esprintak lehen liderra ezagutzera eman arte. Lehen 65km-ak lauak dira, espero den ihesaldiak beraz errenta handitzeko parada izango du etapako une honetan. Hemendik aurrera 3 portutxo kateatuko dituzte: Cote de Cray 4º (1,7km-7,1%), Cote de Buttertubs 3º (4,5km-6,8%) eta Cote de Grinton Moor (3km-6,6%), azken hau helmugara 60km faltan igoko dutelarik. Hiru portu hauek lasterketako lehen mendiko liderra emango digu. Gainera, aipatu beharra dago tarteko esprinta lehen portuaren ondoren biziko dela eta erregulartasunaren sailkapena kontuan izanda pelotoiaren abiadak ihesaldiaren errenta nahi gabe murriztuko du. Azken 60km-ak ikusirik esprinta aurreikusten da Tourreko lehen etapan.

Azken kilometroak pixka bat gorantz egiten badu ere azken 250m-ak lauak eta zuzen egingo dituzte txirrindulariak, beraz esprint garbi bat aurreikusten da Harrogateko helmugan.

FABORITOAK

Faboritoez zer esan, iazko izen berdinak azaltzen zaizkigu aurten ere esprintean amaituko diren etapetarako. Kittel (GIA) izango da erreferentzia nagusia aurtengo esprintetan, baina berriki jokatu den Alemaniako txapelketan estu eta larri ikusi genuen tropelean ezin iritsi, bertan Greipel (LOT) izan zen irabazlea eta honek zalantza puntu bat eragin du. Honekin, esan beharra dago Cavendishek (OPQ) etxean korritzen duela eta motibazioz gainezka egongo dela etapa hauetan, kontu beraz Maneko txirrindulariarekin. Hau esanez, hona hemen lehen etapa honetarako nire faboritoak:

*** Cavendish (OPQ)

** Kittel (GIA) / Greipel (LOT) / Demare (FDJ)

* Sagan (CAN) / Kristoff (KAT) / Modolo (LAM)

Ypres, infernutik infernura

ypres

1914. urtean Flandeseko Ypres hiria Europako gunerik garrantzitsuenetakoa bihurtu zen. Lehen Mundu Gerraren hastapenak ziren haietan, Alemaniak Belgika neutrala okupatu zuen, bertatik Frantzian sartu eta berebiziko kolpea jo asmoz, euren Schlieffen Planak aurreikusten zuenaren arabera. Alemaniarren iragarpenak ez ziren bete ordea, gerrak uste zena baino askoz luzeago jo zuen, eta Ypres-eko biztanleek gudaren lazgarritasuna euren azaletan nozitu behar izan zuten: lau urte luzeko odolustea, eta guneak suposatzen zuen estrategikotasuna zela eta, hiru gudu garrantzitsu bezain gordin. Continue reading “Ypres, infernutik infernura”

#93 Tropela.net podcastak: Frantziako Tourra 2014. Txirrindularien azterketa

Contador eta FroomePost honetan Iosu Garatek (@iosugarate), Andoni Aranzabalek (@seiibol) eta Egoitz Lizasok (@elizaso) grabatutako podcasta aurki dezakezue. Podcast honetan 2014 Frantziako Tourrareko txirrindulariei eta kinielari errepasoa egiten diote. Hona hemen jorratu diren gai nagusiak:

– Kinielaren egitura berria. Zer iruditu zaizue?
– Hautagai nagusiak eta hautagaiak. Garbi al dago zein multzotan den irabazlea?
– Azkarretan azkarrena hautatzekotan, aurreko urteetako emaitzari erreparatzeak laguntzen al du?

– Azkarretako multzoan zeren baitan aukeratu?

– Beste azkarretan hautatzerako orduan kontutan hartu esprinter nagusiak direnak

– Zein izango da sailkapen nagusiko euskaldunik onena Parisen?

– Ehiztarien multzoa, lehen aldiz Tropelan

– Besteak multzoa bitan banatuta

Continue reading “#93 Tropela.net podcastak: Frantziako Tourra 2014. Txirrindularien azterketa”