Etorkizuneko izarrak Bidasoan

Juanma Garate Bidasoako ItzulianDatorren asteazkenean hasiko da 23 urte azpiko frogarik nagusienetariko bat, Bidasoa Itzulia.

Txomin Perurena, Luis Ocaña, Abraham Olano, Carlos Sastre edo Andrei Amador irabazi duten lasterketa honek izena ematen dion eskualdea urtez urte etorkizuneko txirrindulariekin disfrutatu ohi du.

Berez, 43 edizio betetzen dituen itzuli honek iaz orain profesional diren Loic Chetout (Cofidis), Iuri Filosi (Nippo-Fantini), Jakub Kazmarek (CCC), Manuel Senni (BMC), Movistarren den Marc Soler katalana edo Caja Rural-eko Benito ibili ziren.

Jon Odriozolak zuzentzen duen Continental mailan dabilen Murias Taldeko sei gaztek pedalkadak eman zituzten Jaizkibel eta Erlaitz mendateen gora Bidasoan.

Amador Bidasoak ItzulianGuztira 14 dira gaur amateur maila utzi zituztenak eta Alberto Contador, Oscar Freire edo Juanma Garate irundarra egin zuten antzera hemen distiratu eta talde garrantzitsuen atera jo dutenak.

Gaur egun, bai Nafarroako Igantzi eta Gipuzkoako Orio herriek zabaltzen dute amateur egutegiko karrera interesgarri hau zaleon gozamenarentzat.

Aurten sasoiko dabilen Julen Amezqueta, Gorlan irabazitako Jonathan  Lastra edo Steven Calderon kolonbiarra dira etorkizunean aukera izan dezaketen izen batzuk.

Euskaldunen aukerak

Beñat IntxaustiParis-Niza eta Tirreno Adriatikoan egongo diren gure txirrindularien analisia ekarri nahi izan dizuet post honetara.

Orokorrean, sailkapen nagusiaren lehian egon beharrekoak Movistar Teameko Ion Izagirre eta Beñat Intxausti izango lirateke. Bestetik, Mikel Nieveleitzarra asteazkenean hasten den Tirrenon  liderraren luxuzko gregario lanetan arituko da.

“Eguzkiko lasterketa” deitzen den froga frantziarrean Izagirre anaietariko gazteena den Ionek Col d´Ézeko krono igoera bere alde du. 2013an 10. postuan bukatu zuen eta argi dago Euskaltelen zegoenetik hona erlojupekotan hobetuz joan dela. Continue reading “Euskaldunen aukerak”

Euskadi Fundazioa: iraganeko proiektu berria

Euskadi Fundazioa 2015“Objektibo nagusia Fundazioak bere garaian hasitako bidea berreskuratzea da, taldea profesional mailara bueltatzea da” zioen Miguel Madariagak Bilboko Guggenheim Museoan egindako aurkezpenean.

EDP-Euskadi Fundazioa ekitaldi honetan bere etapa berri honetan duten “gosea” eta nahiak adierazi zituzten han bildu ziren lagun eta komunikabideei.

Bere 23. urtean, ekipoaren gaztetasuna nabarmen da non 1995 eta 1996. urtean jaiotakoek presentzia handia dute. Beraz, taldea 19 txirrindulari hauek osatzen dute: Gotzon Martin, Paul Ormaetxea, Mikel Alonso, Yeray Dominguez, Ibai Azurmendi, Marc Buades mallorcarra eta Lapurdin jaiotako Cyril Barthe izango dira jubenil adinekoak. EDP 23 azpikoan ibilitako: Javier Martin, Eder Saez de Ocariz, Ander Etxebarria, Oscar Gonzalez, Jon Irisarri, Xabier San Sebastian eta Alberto Contador Fundazioan ibilitako Iosu Angoitia.

Bestetik, Euskadi-n egondako Mikel Aristi, Mikel Iturria eta Illart Zuazubiskar dira taldekideei esperientzia puntu hori emateko arduradunak.

Egutegiaren aldetik, gazteenak Lehendakari eta Euskaldun izeneko txapelketetan ibiliko dira, izan ere, proba gehienak bai estatu mailan baita Frantzia eta Portugalen jorratuko dituzte.

Talde honek badu pausoz pauso, kilometroz kilometro hezten joateko aukera paregabea.

Murias Taldearen lehen pedalkadak

2015 Murias taldeaJon Odriozola oñatiarrak zuzentzen duen taldeak Gasteizen egindako kontzentrazioaren ondoren, lasterketarako prest dago. “Hau nire ametsa da” aipatu du Odriozola-k, baina egia esanda ametsak ez dira errez egi bihurtzen, gogor lan egin behar da horretarako.

Zalantza izpirik gabe lorpen handia da, Murias Taldeak Mallorcako Challenge-an egotea baina lasterketetan euskaldun talde berriak badu errepidean anbizio hori jorratzeko aukera.

Ander Barrenetxea eta Adrian Gonzalez azterketak direla eta etxean geratuko dira. Euskadi Fundazioa-n egondako Haritz Orbe hilabete hasieran izandako eroriko baten ondorioz deialditik kanpo geratuko da.

Guztira bederatzi txirrindulariekin doa Murias, Egoitz Garcia eta Gari Bravo haien esperientzia baliatzen lider lanetan saiatuko dira. Beñat Txoperena-k ihesalditan sartzeko askatasuna izango duelarik.

Mikel Bizkarra-k (Gomur) eta Aritz Bagues-ek (Gipuzkoa) badute aurten iaz espainiar kanpo amateurrean emandako maila itzela errepikatzeko helburua.

Imanol Estevez, Ion Ander Isausti, Unai Intziarte eta Eneko Lizarralde-k debuta egingo dute eta esperientzia hartzen joango dira teorian “presiorik” gabe.