#519 Tropela.eus podcastak: 2021eko Espainiako Vuelta. Errepasoa – 10. etapa

Storer-ek (DSM) bigarren etapa garaipena berriro ere ihesaldian indartsuena izanda

Ihesaldi mardulak bide eginda, eta akaso tropel nagusiari denbora tarteak eskuetatik joanda, gaur ere ihesaldian izan den Storer (DSM) australiar gazteak etapa garaipena lortu du. Sailkapen nagusikoen artean ere lehia izan da Roglicek (TJV) berak erasoa jota, nahiz eta gero lurrera ere erori den. Edozein kasutan, faboritoen artean denbora tarteak izan badira ere, ihesaldian zen Eikingek (IWG) jantzi du maillot gorria. Ezin aipatu gabe utzi Alex Aranburu (APT) eta Julen Amezketa (CJR) ihesaldian izan ditugun euskal ordezkariak izan direla.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#518 Tropela.eus podcastak: 2021eko Espainiako Vuelta. Errepasoa – 9. etapa

Carusok (TBV) erakustaldia emanda lortu du etapa garaipena

Ihesaldiak bide eginda, erakustaldia eman du Carusok (TBV), aurtengo Giroan podiumean izan den txirrindulari italiarrak. 70kmren faltan ihesaldiko kideei erasoa jo eta helmugaraino, sailkapen nagusiko oilarren erritmoa nahikoa izan gabe, etapa garaipena lortzeko. Gainera mendiko sailkapenean ere lider jarri da. Aipatzeko ihesaldi berean Julen Amezketa (CJR) izan dela. Sailkapen nagusiari dagokionez, Roglic (TJV) eta Mas (MOV) izan dira indartsuenak. Hautagai Nagusiko gainontzekoei dagokionez, Adam Yates (IGD) izan da Ineoseko onena gaurkoa eta Bernalek (IGD) ahuleziak erakutsi ditu. Carapaz (IGD) atzerago sailkatu da, baina guztietan okerren Mikel Landa (TBV) izan da. Murgiakoa portuaren hasieran erritmoa jarraitu ezinik lasterketa irabazteko lehiaz kanpo geratu da.

Gaurko etapak emandakoak eta etzikoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#517 Tropela.eus podcastak: 2021eko Espainiako Vuelta. Errepasoa – 8. etapa

Jakobsenek (DQT) bigarren etapa garaipena Vuelta honetan

Aurreko podcastean aipatu moduan, gaurko etapa azkarrentzako zen eta hala izan da. Jakobsenek (DQT) irabazi du etapa Dainese (DSM) eta Philipsenen (AFC) aurretik, aurtengo gizonik azkarrenak seguruenera. Honenbestez, Jakobsenek bigarren etapa garaipena lortu du, Philipsenen kopurua berdinduz. Hori bai, 9. etapan berdez Jakobsen abiatuko da. Sailkapen nagusian aldaketarik ez eta Roglicek (TJV) jarraitzen du lider.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#516 Tropela.eus podcastak: 2021eko Espainiako Vuelta. Errepasoa – 7. etapa

Storer (DSM) australiar gazteak irabazi du Vueltako lehen eta menditsua

Gaur jokatu da Vueltako 7. etapa, sailkapen nagusiko gizonentzat lehen etapa “serioa”. Bertan ihesaldiak bide egin du eta Storer (DSM) gazteak lortu du meritu osoz etapa garaipena. Ihesaldi mardulean sailkapen nagusian lidergoa hartzeko aukera zute txirrindulariak ziren, tartean Großschartner (BOH), baina Jumbok lana ondo egin eta Roglicek (TJV) gorriari eusten dio. Bajei dagokionez, besteak beste, gaurkoan Carthyk (EFN, %84,1ak du Tropelan) eta Valverdek (MOV, %12,3ak du Tropelan), azken honek eroriko baten ondorioz. Biak ala biak Hautagaiak multzoan genituen.

Gaurko etapak emandakoak eta biharkoak etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#513 Tropela.eus podcastak: 2021eko Espainiako Vuelta. Errepasoa – 2. etapa

Philipsen (AFC) nagusitu da Vuelta honetako lehen esprintean

Vueltako 2. etapa espero bezala esprintean amaitu zen. Azkarrena Philipsen (AFC) eta horrenbestez Alpecin taldeak hiru handietan etapa garaipenak lortu ditu aurtengoan. Alex Aranburu (APT) ere bikain 5. sailkatuta eta maillot berdearen lehian sartuta. Ezin ahaztu 6. sailkatu den Jon Aberasturi (CJR) eta ihesaldian izan den Xabier Mikel Azparren (EUS). Sailkapen nagusian aldaketarik ez eta Roglicek (TJV) jarraitzen du gorriz.

Atzoko etapak emandakoak eta gaurko etapak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu