Euskara, teknologia eta txirrindularitza
Gutxien espero zenean, transiziokoa izan behar zuen egunean Contador-ek hankaz gora jarri du Espainiako Itzulia. Contador berak ‘kamikaze’ hitza erabiliz deskribatu du bere erasoa. Bukaeran, kostata bada ere, garaipena eman dion erasoa.
Eta ez, ez da akerbiderik behar izan. Ez da eski estazio bateko pistetan barrena joan behar izan lasterketa. Txirrindularitza klasiko eta ausartak eman dio lasterketari behar zuen etapa azkenean.
Continue reading “Txirrindularitza”
Hori gertatu zaio Alberto Contadorri. Espainiako Itzuliko 15. etapa (Asturiar etapetako triptikoko bigarrena) Lagos de Covandongara iritsi da, eta horrela txirrindulariek etapa gogor bat atzean utzi dute. Azken igoerara iritsi baino lehen Mirador de Fito lehen mailako mendatea pasa behar izan du tropelak.
Eguneko ihesaldian sartu ostean etapa garaipena Caja Rural talde gonbidatuko Antonio Piedra izan da. Bigarren postuan iritsi da Ruben Perez (Euskaltel-Euskadi). Sailkapen nagusia lehiatzen ari direnen artean alderik ez da izan Joaquim Rodriguez, Alberto Contador eta Alejandro Valverderen artean. Gaur murtziarra hirugarren kokatu Froomek segundu batzuk galdu ostean hirukoarekiko.
Continue reading “Atzeraka begira bazaude, aurrean dagoena ez duzu ikusten”
Joaquim Rodriguezek irabazi du Ancareseko mendiko etapa. Contador bigarren sailkatu da bost segundora, Valverdek hamahiru segundo galdu ditu eta Froomek ia 40 segundo. Hauek guztiak zenbakiak baino ez dira. Zenbaki hotzak. Baina behin helmugara iritsita telebistak erakutsitako irudiek informazio asko eman dute. Contadorrek, etsipen puntuarekin, kazetari baten mikroa aldendu du. Igotzaile espainiarrak helmugatik bi kilometrora erasorik gogorrena jo du eta baita tartea ireki ere. Ez zaio, ordea, nahikoa izan eta Ezaron bezala, Rodriguezek Contador atzeman eta azken metroetan atzean utzi du. Katushako taldeburuak hiru etapa irabazi ditu dagoeneko. Bikain. Continue reading “Joaquim Rodriguez Contador erretzen ari da”
Gaur ospatu da 2012ko Vueltako 12. etapa, Pontevedra eta Ezaroko begiralekuaren artekoa. Ohitura bihurtu denez Espainiako Itzuliko edizio honetan antolatzaileek etapa garaipena erabakitzeko azken kilometroetan aldapa oso pikoa jarri dute (batez besteko % 15 aldapa, gehienez % 30 ).
Polemikoa izaten ari da ibilbidea. Iosu Garate lagunak argitaratutako azken postean eztabaida hori ikusi ahal izan da. Normala den bezala, gai honen aldekoak eta kontrakoak ditu. Continue reading “Aproposa telebistatik emateko, eta hala ere…”
Gaurkoan laugarren etapa garaipena eskuratu du alemaniarrak. Zalantzak bazeuden ere, aurtengo Vuelta honetan indartsuena eta azkarrena, nola ez, bera dela argi geratu da.
Galizian da tropela eta bertan izango da hurrengo egunetan ere. Profilari begiratuta bazirudien gaurkoan iheslariek aukeraren bat izan zezaketela; horretan saiatu dira Javier Aramandia (CRJ) – dagoeneko laugarrenez! Gaur ere lehiakorrenaren saria eman diote – eta Palomares (ACG). Tropelak, ohi moduan, ibilbide gorabeheratsua izanik ere, ez du behar besteko esfortzurik egin beharrik izan lasterketa kontrolatzeko.
Azken 20 kilometroetan urduritasuna nabaritu da. SKY taldea izan da tropelari ibilbidea irekitzen, bai Swifti esprinta prestatzeko bai Froome arazorik gabe aurrean izan zedin. Bitartean Cobo (MOV) beste zenbait txirrindularirekin atzean geratu da, lasterketatik erabat deskonektatuta bailitzan.