Etiketa Artxiboak:Coquard

Aurre analisia: 6. etapa, Abbeville / Le Havre (191.5 km)

etapa 66. etapa honek, benetan amaiera bihurria izango du. Hasiera hasieratik txirrindulariak ibilbide gorabeheratsuan ibiliko dira, eta gainera, kostaldetik doazen heinean, bat baina gehiagok estu ikusi dezake bere burua tropel handia jarraitzerako. Esprinta da aukera fidagarriena noski, baina ihesaldi indartsu bat antolatzen baldin bada etapako lehen zatian beraien aukeratxoa ere izan dezakete.

Etapa honetan ere haize-babesak beraien garrantzia izan dezakete, etaparen azken zatia ere kosta partetik egingo dutelako. Etaparen azken kilometro pasea goranzko joera garbia dauka (850m, 7%), azken 500m-ak lau antzean izango direlarik (1%). Duda gabe, aldapa honek esprinter bat baina gehiago jokoz kanpo utziko du eta gure ustez, Sagan (TCS) bezalako txirrindulari batentzat amaiera ezin hobea da. Matthews (OGE) ondo egon balitz, etapa polita izango litzateke berarentzat, baina erorikoa dela eta ez da bere momentu hoberenean aurkitzen. Saganek (TCS) garaipena gertu izan du egun hauetan baina oraindik ez du besoak altxatzea lortu, egoera hau aldatzekotan egongo da eslovakiar gaztea. Le Havreko amaiera beretzat egina dagoela dirudi, faborito argia izango da etapa irabazteko. Continue reading “Aurre analisia: 6. etapa, Abbeville / Le Havre (191.5 km)”

Aurre analisia: 5. etapa, Arras Communauté Urbaine / Amiens Métropole (189.5 km)

etapa 5Atzoko etapa urduriaren ostean, barea iritsiko da berriz ere pelotoi nagusira. 5. etapa, ibilbideari dagokionez, lasterketako etaparik errazenetarikoa izango da eta sailkapen nagusiko hautagaiak erlaxatzeko aukera izango dute etapa honetan. Nahiz eta perfilak gogortasun puntu bat adierazi, ez dute mendate puntuagarririk izango Amiensera bidean, beraz gizon azkarren esprinta ziurtatuta dagoela esan dezakegu.

Perfilari tentuz erreparatzen baldin badiogu, ikusiko dugu nola ibilbidearen zehar hainbat aldapatxo gainditu beharko dituzten, aparteko zailtasun gabekoak ordea. Hala ere, esfortzu hauek txirrindulari azkarren indarrak lermatuko ditu. Eguraldiak ere bere garrantzia izan dezake etapa hontan, euri pixkat espero baita egunean zehar. Continue reading “Aurre analisia: 5. etapa, Arras Communauté Urbaine / Amiens Métropole (189.5 km)”

Aurre analisia: 2. etapa, Utrecht / Zélande (166 km)

Frantziako Tourra 2015: 2. etapa

Tourreko 2. etapa, oraindik lur Herbehereetan murgildurik, Utrecht hiritik Zélandera eramango dituzte txirrindulariak, Tourreko lehen lineako etapa izango dena, etapa arriskutsua benetan.

Denok dakigunez, Tourreko lehen asteak oso urduriak izaten ohi dira. Taldeak guztiek pelotoi buruan kokatze nahiak zoramena dakar eta hau, tamalez, erorikoetan bilakatzen da. Lehen etapa hau ez da salbuespen bat izango, are gehiago, etapa urduri eta arriskutsua espero da etapako azken 50 kilometroak kostaldean egingo dituzten heinean, haizearen presentzia ziurtaturik dagoelako. Haize-babesak bere garrantzia izango du etapa honetan.

Taldeei erreparatzen baldin badiogu EQS, BMC, SKY edota AST bezalako taldeek pelotoia mila zatitan apurtzeko ahalmena eta indarra daukate, beraz ikusiko dugu ea ze jarrera hartzen duten talde ahaltsu hauek. Ez dago dudarik etapa esprintean amaituko dela, kontua da ea ze esprinter izango ditugun etaparen lehian, bat edo bestek bere aukerak galduko baititu Zélandera bidean.

Continue reading “Aurre analisia: 2. etapa, Utrecht / Zélande (166 km)”

15. etapa: Tallard > Nimes (222 km). Profila eta aurre analisia.

etapa15

IBILBIDEA

Tourra aurrera doa, hau izango da 2. asteko azken etapa. Etapa erreza dirudi bistaz, baina etapa bihurri xamarra da gaurkoa. Berez trantsiziozko etapa da, esprinterrentzat etapa laua. Berez horrela izan beharko luke, baina talderen batek jolasteko gogoa baldin badu bateren bat harrapa lezake. Oso errepide estuak dira eta haizea gogor sartzeko arriskua ere badago, honi euria egin dezakeela gehitzen badiogu, etapa arriskutsua bilakatu daiteke. Dena den, dena txirrindularien jarreraren menpe geratuko da. Azken 5 km-etan 6 biribilgune pasa beharko dituzte, beraz kokapen on bat ziurtatzea beharrezkoa izango da esprintean arrakasta lortzea nahi baldin bada. Azken 500 m-ak pixka bat aldapa behera izanez esprint oso azkarra ikusiko dugu eta esprinter gihartsuei ondo datorkiena.

FABORITOAK

Esprint hitzarekin bat, Kittelen (GIA, %33,1) izena dator. Bera izango da gaurko faboritoa. Bi astetan galdu samar egon ostean gaur beste behin bere potentzia erakusteko aukera izango du. Alemaniarren atzetik beste esprinter guztiak egongo lirateke, baina amaieraren ezaugarriak ikusiaz Kristoff (KAT, %42,7) eta Greipel (LOT, %1,3) izan daitezke altenatibak. Beste esprinter guztiak hauen baino puntu bat baxuago ikusten ditut. Hona izarrak:

*** Kittel (GIA, %33,1)

** Kristoff (KAT, %42,7) / Greipel (LOT, %1,3) / Demare (FDJ, %24,7)

* Sagan (CAN, %50,5) / Coquard (EUC, %22,2) / Renshaw (OPQ, %3,5) / Degenkolb (GIA, %23,3)

 

7. etapa: Épernay > Nancy (234,5 km). Profila eta aurre analisia.

etapa7

IBILBIDEA

7. etapa hau aurrekoaren tankera berdina du, salbuespen garrantzitsu batekin, azken 4º mailako tontorra helmugatik 5 km-tara igotzen dutela. Oso etapa luzea izango da txirrindularientzat, 234,5 km bota beharko baitituzte gaurko egunean. Asteburuan datorrena jakitun, etapa lasai xamarra espero dut azken 20 km-etaraino, bi tontorrak igo behar dituzten arte alegia.

FABORITOAK

Etapa hau ikustearekin bakarrik izen bat datorkit burura, Sagan (CAN, %50,5). Azkarra, tontorretan bikain eta jaitsieretan hoberenetarikoa. Azken bi portu horiek beste esprinter azkarragoak jokoz kanpo uzteko aukera ematen dute eta argi daukat horrela gertatuko dela. Etapa bihurria izango da eta mugimendu asko ikus dezakegu azken 10 km-etan. Azken tontorrean lehen 15 txirrindularien artean egotea funtsezkoa izango da etapa amaierarako, jaitsi bezain azkar helmuga harrapatuko baitute. Ez ninduke arrituko tropelak lan guztia Cannondale taldeari uztea, beraz entendimentu falta edo Cannondalen gaitasun faltagatik ere ez nuke lehen ihesaldiaren arrakasta baztertuko badaezpada. Hona hemen nire izarrak:

*** Sagan (CAN, %50,5)

** Kristoff (KAT, %42,7) / Rojas (MOV, %61) / Gerrans (OGE, %25,6)

* Albasini  (OGE, %8,5) / Coquard (EUC, %22,2) / Kwiatkowski (OPQ, %24,9)