Etiketa Artxiboak:Armstrong

Armstrong “txapeldunaren” itzulera?

Lance Armstrong bustitaLance Armstrong 2009an profesionaletara itzuliko omen da Astana taldearekin, atzo, Velo News webzineak argitaratu zuenaren arabera. Estatu Batuetako txirrindulari famatuak lasterketa jakinetan parte hartuko luke. Tartean, Frantziako Tourra. Baina baita Californiako Itzulia, Paris-Niza, Georgiako Itzulia eta Dauphin�-Liber� ere. Velo News aldizkariak amerikarraren familiakoekin hitz egin ondoren sareratu zuen zurrumurrua.

Frantziako Tourra zazpi bider irabazi ondoren, 2005ean maila profesionala uztea erabaki zuen Lance Armstrong estatu batuetako txirrindulariak. Ordutik, kirol mundua ez du inolaz ere baztertu eta korrika edo bizikleta gainean ikusi dugu izen handiko hainbat probetan. Orain, ordea, zurrumurruen arabera Armstrong �txapelduna� handien artera itzuliko dela dirudi. Gogoratu, amerikarrak laster 37 urte beteko dituela.

Informazio honen harira, erreakzio ugari eman dira tropelean. Velo News aldizkariak Astana taldea aipatu badu ere, Csc edo Rabobank taldeen izenak ere aipatu dira. Esaterako, albiste honen aurrean Johan Bruyneelek, lagun zaharra eta egun Astana taldeko zuzendariak, adierazi du oso zaila ikusten duela Armstrong amerikarraren itzulera eta zurrumurru bat baino besterik ez dela. Ziur ez dela adierazpenak egiten bakarra izango.

Bestalde, Velo News aldizkariak gaineratu zuen Vanity Fair izeneko aldizkariaren hilabete honetako zenbakiak argituko duela Armstrong mediatikoak bere etorkizuna.

Txirrindularitzaren benetako arazoaz

VerbruggenTxirrindularitza kinka larrian dago. Errepideko txirrindularitza profesionala zehazkiago esateko. Zalantzarik ez. Baina ez da doping-a errudun nagusia. Doping aferak arazo sakonago baten ondorioetako batzuk besterik ez dira, zoritxarrez jendartean ezagunenak eta minik gehien egiten ari zaizkienak kirol honi. Baina oker dabiltza txirrindularitza doping-aren arazoa konpontzeak salbatuko duela pentsatzen dutenak.

Txirrindularitzaren arazoa, instituzionala da. Egiturazkoa, nolabait esateko. Goitik hasita, hots, UCI nazioarte mailan, beheraino, probintziarteko edo autonomietako federazioak, lotsagarri jokatzen ari dira arlo askotan. Eta nire irudipena da beren kirola krisian ikustearekin batera areagotzen ari dela erabaki okerrak hartzeko duten joera. UCI eta 3 handien arteko liskarra edo gipuzkoar eta euskal federazioetako klanen arteko botere borroka etengabea aski ezagunak dira txirrinduzale askorentzat. Baina erakunde hauen funtzionamenduari arreta pixka bat jarri dionak badaki 2 adibide hauek ur tanta batzuk besterik ez direla astakerien ozeanoan. Continue reading “Txirrindularitzaren benetako arazoaz”

Nire Tourra

Tropela.net elkarteko kideek Tour-ari buruz zerbait idazteko eskatu eta ezpainari heldu diot. Behin izan naiz Frantziako Tour-ean, eta mota ezberdinetako oroitzapenak utzi zizkidan, ezpainekoa barne.

Tourmaleten hasiera2002an joan ginen Jon Gonzalo lankidea eta biok Tour-era, irratiak bidalita. Pirinioetako etapa batera joan, eta zaletuekin egon behar genuen, bertako giroa jasoz.

Hamaikagarren etapa Paun abiatu zen eta La Mongie eski estazioan amaitu, 158 kilometroko ibilbidea zuten txirrindulariek, eta bidean Aubisque igo behar zuten. Lankidea eta biok goizeko 8etarako iritsi ginen Sante Marie de Campan herrira, hortxe hasten dira mendateko lehen maldak. Sekulako jendetza zegoen ordu horretarako herrian, eta kotxea ahal izan genuen moduan aparkatuta, gorako bideari ekin genion, goizeko freskurak lagunduta, nahiz eta garbi zegoen eguraldi beroa izango genuela. Continue reading “Nire Tourra”

Armstrongek irabazi du 2005eko etapa bat

Rasmussen Tourraren handitasunak irentsi egin zuen.

Atzo jokatu zen 55.5 kilometrotako erlojupekoa eta Armstrong izan zen garaile. Era honetan aurtengo Tourra irabazteaz gain, etapa garaipen bat lortu du, aurtengo bakarra. 20. etapako saioan galtzaile nagusia Rasmussen izan zen podiuma galtzeaz gain postuetan atzera egin baitzuen 7. posturarte.

Tropelako lehiaketari dagokionez durangoko TXIKITO izan genuen garaile atzokoan eta berarentzat izango da Joane Somarribak eskainitako eta sinatutako maillot hori. Sailkapen nagusian jmurgiondo bergararra da lehen postuan, baina gaur jakingo da garailea zein izango den.

20. etapa: St. Etienne – St. Etienne

Aurten ez dute erlojupekoan ondo ibiltzen direnek aukera gehiegirik izan. Gaurkoan 55 km dituzte baina ez espero garai honetan erlojupekoan espezialista hutsak direnek irabazteko aukerarik izango dutenik, ez behintzat eguraldiak edo beste baldintzaren batek aurkakorik esaten ez badu. Gogoratu 2003 urtean izan zen azkeneko erlojupeko, bertan Millar, eguraldi txarraren ondorioz garaile izan zela.

Gaurko hautagai nagusia Lance Armstrong dela esateak ez dut pentsatzen inor harrituko duenik. Aurtengo denboraldi osoan ez du garaipenik eta bera ezagututa ez dut uste horrek grazia handirik egingo dionik. Tour honetako “boss”-a dela behin betikoz garbi uzteko ere asmoa izango duela iruditzen zait eta ziurrenik hori lortu ere bai.

Agian, etapa garaipena lortzeko baino handiago izango da podiumeko 3. koska edo 10 aurrenekoen artean posturen bat irabazteko borroka. Armstrong eta Basso-ren aurreneko eta bigarrengo postua ia ziur daude, ez ordea Rasmussen-ek momentu honetan duen 3.a. Atzo Ullrich-ekiko galdu zituen segundotxoak erabakigarriak izan daitezke. Kolokan dauden beste postuak Mancebo eta Leipheimer-en artekoa eta Evans, Vinokourov eta Landis-en artekoak izan daitezke. Kasu hauetan, azkenean Ullrich, Leipheimer eta Vinokourov garaile irtengo direla iruditzen zait.

Beraz, etapa garaipenerako Lance Armstrong da hautagai nagusia eta sailkapen nagusia honela gelditu daitekeela iruditzen zait:

  1. Armstrong
  2. Basso
  3. Ullrich
  4. Rasmussen
  5. Leipheimer
  6. Mancebo
  7. Vinokourov
  8. Evans
  9. Landis
  10. Pereiro