Kategoria Artxiboak:tropela.eus

2015ean ere Tropela eta Laboral Kutxa elkarlanean!!

Laboral Kutxa SariaAurtengo denboraldian ere Tropela eta Laboral Kutxa elkarlanean izango gara. Esango dugu iaz baino estuagoa izango dela izan ere Laboral Kutxa Saria lau lehiaketa garrantzitsutan izango dugu aurtengoan: Euskal Herriko Itzulian, Italiako Giroan, Frantziako Tourrean eta Espainiako Vueltan!

Erabiltzaile guztiok zaudete gonbidatuta Laboral Kutxa Saria babestutako sailkapen horretan parte hartzera eta sari zoragarriak irabazteko lehian izatera. Esaterako, Euskal Herriko Itzulian Orbea bizikleta, HP akzio kamerak, Forumen gastatzeko bonoak, Luxuzko Gregario bihurtzek aukera… izango dira, bai lehen sailkatuentzat baita sailkapenean parte hartzen duzuen guztien artean zozketa bidez banatzeko. Ez ahaztu behin kiniela egin eta gero izena ematea Laboral Kutxa Saria sailkapenean!!

Gure aldetik Laboral Kutxari eskerrak eman nahi dizkiogu gugan konfiantza izaten jarraitzen duelako.

Zorte on guztioi eta goza dezagun denboraldi bikain honetaz!

Tropelak 10 urte betetzen ditu gaur!!

Tropela 10 urteAtzo izango balitz bezala dugu gogoan proiektu honi ekin genion eguna. 2005eko Frantziako Tourra bizi izan genuen Tropelarekin lehen aldiz. Gaur egun, ordea, nekez pentsa dezakegu Frantziako Tourra Tropelarik gabe, ezta?

Bi izan ziren 2005ean antolatutako ekitaldiak; egun 21 dira antolatzen ditugun lehiaketak. Parte hartzaileei dagokionez ere goraka doa tropelaren tamaina, goraka txirrindularitza Tropelarekin bizi nahi dutenen kopurua.

Tropela bere hastapenetatik ezagutu duzuenok webguneak izan duen garapena ere gogoan izango duzue. Badu egungo Tropelak 2005koaren antza, baina zalantzarik gabe oso desberdina da. Teknologia berriek eskatzen dutenaren egokitzapenetara moldatzen saiatzearen ondorio, nahiz eta askotan nahi bezainbeste aurrera egin ez.

Berrikuntzak izan dira eta berrikuntza berriak ere etorriko dira. Espero dezagun guztion gustukoak izatea!!

 

HAU OSPATU BEHARRA DAGO!!

10. urteurren hau ospatzeko, bi lehiaketa antolatzea erabaki dugu. Ondo irakurri!

Lehen zozketa sare sozialetan eta blogean bertan egingo duguna da. Zoriontzeko mezuak bidaltzen dizkiguzuen artean Tropelaren 10 kamiseta zozketatuko ditugu. Horretarako ondorengo bide hauek erabil ditzakezue:

– Twitter: #tropela10urte traola erabiltzen duten zorion mezuak norberaren Tropelako erabiltzaile izena gehituz

– Facebook eta Google+: gure orman zorion mezuak gehituz, Tropelako erabiltzaile izenarekin bateraLuxuzko Gregario bidoia

– Blogean: post honen ondoren zuen mezuak txertatuz, Tropelako erabiltzaile izenarekin batera

Zozketa hau igande gauean burutuko dugu, beraz, parte hartzeko epea igande honetan arratsaldeko 18:00etan itxiko dugu, Flandriako Tourra amaitu ondoren. Zozketan honetan Tropelako erabiltzaile guztiek parte hartu ahalko dute.

Bigarren zozketa Luxuzko Gregarioei zuzendua izango da. Luxuzko Gregarieon 10 bidoi ditugu, nola ez, Luxuzko Gregario zareten guztion artean zozketatzeko. Zozketa hau ere igande gauean egingo dugu kamiseten zozketarekin batera, beraz, oraindik Luxuzko Gregario ez bazara bihurtu zaitez igandea baino lehenago zozketan parte hartzeko!!

2015 denboraldirako prest!

Tropela 2015 egutegiaBuru belarri gabiltza lanean 2015eko denboraldi hau ahalik eta hoberena izan dadin. Izan ere aurten beteko ditu Tropelak 10 urte; a ze marka!!

Asko zineten galdezka ea aurtengo denboraldiko egutegia zein izango den. Bada iazkoren bide beretik jotzea erabaki dugu. Martxoan hasiko gara Paris-Niza lasterketarekin eta Lombardiarekin amaituko dugu urrian. Asmoa denboraldik lasterketarik garrantzitsuenak Tropelan izatea da.

Gogoratu urteko sailkapen desberdinak izango direla aurten ere: Urtekoa, Itzuli Handiena, Itzuli Txikiena, Klasikoena, Emakumezkoena eta EH Kopa.

Denboraldiari ekiteko eguna iritsi bitartean guk lanean jarraituko dugu. Zuek, bitartean, hasi prestatzen!!

Amaitu da 2014ko Tropelaren denboraldia, inoiz baino irabazle gehiagorekin

Tropela.netAurtengo denboraldia berezia izan da, izan ere Tropelan 10. urtez Tourra lehiatzeko aukera izan baitugu aurtengo edizioan. Oraindik argi dugu gogoan Tropelaren hastapen egun haiek!

Denborak aurrera egiten jarraitzen du eta aurtengoan inoiz baino garaile gehiago izan ditugu Tropelan. Alde batetik, lehiaketa gehiago izan ditugulako: 21 lehiaketa izan dira aurtengoan, iaz, aldiz, hamar besterik izan ez zirenean. Iaz baino 11 garaile izan ditugu, beraz, aurtengo urtean. Baina ez horregatik bakarrik, izan ere, aurtengoan sailkapen gehiago izan dira. 21 lehiaketetako sailkapenez gain, Urtekoa ere izan dugu aurreko edizioetan bezala; baina Urtekoaz gain urtekoak izan diren beste sailkapen batzuk izan ditugu: Itzuli Handien sailkapena, Itzuli Txikien sailkapena, Klasikoen sailkapena, Emakumezkoen sailkapena eta Euskal Herriko (EH) Koparen sailkapena. 5 sailkapen gehiago, 5 irabazle gehiago. 27 dira aurten irabazleak Tropelan, meritu handiz, milaka erabiltzailez osatutako sailkapenetan lehenak izateko gai izan direnak. Honatx guztiak: Continue reading “Amaitu da 2014ko Tropelaren denboraldia, inoiz baino irabazle gehiagorekin”

Eta Vueltan ere Laboral Kutxarekin elkarlanean!

Laboral Kutxa Saria Vueltan ereAurtengoan Vuelta ere 10. lehiaketa izango da Tropelan. Gogoan dugu nola 2005ean, Tourra amaitu ondoren, nola erabiltzaileek Vueltarako lehiaketa antolatuko al genuen galdetzen aritu zirela. Eta guk ezin ezezkorik esan! Beste marka bat, beraz, heltze prozesu honetan.

Konturatuko zineten moduan Vueltan ere Laboral Kutxarekin elkarlanean jarraitzen dugu. Poztekoa, ezta? Tourrean izan genuen moduan Vueltan ere Laboral Kutxa Saria, #laboralkutxasaria, sailkapen babestua izango dugu. Bertan Orbea Orca bizikleta, Forumen gastatzeko bonoak, eta beste hainbat sari izango dira, baita zozketa bidez ere. Hori bai, ez ahaztu sari hauen lehian izateko Laboral Kutxa Sarian izena eman beharra duzuela behin kiniela egin eta gero:

Laboral Kutxa Saria sailkapen babestuan izena eman

Zorterik onena opa dizuegu guztioi Vuelta honetan! Eta ez ahaztu Laboral Kutxa Saria sailkapen babestuan izena ematea sustorik izan ez dezazuen ;-)