Euskara, teknologia eta txirrindularitza
Egoitzek (@elizaso) 2017ko Italiako Giroko 21. eta azken etaparen analisia egiten digu mini podcast honetan. Bertan nola Van Emdenek (TLJ) erlojupekoa irabaztea lortu duen kontatzen dun, eta bigarren Dumoulin (SUN) bera, aurtengo edizioko irabazlea. Sailkapen guztiei errepasoa ematen die gogoratuz Mikel Landak (SKY) mendiko sailkapena irabazi duela lehen euskalduna izateaz gain.
Tropelako sailkapenei ere errepasoa egiten die irabazleak aipatuz, baita Laboral Kutxa Sariari ere.
Aurtengo denboraldia berezia izan da, izan ere Tropelan 10. urtez Tourra lehiatzeko aukera izan baitugu aurtengo edizioan. Oraindik argi dugu gogoan Tropelaren hastapen egun haiek!
Denborak aurrera egiten jarraitzen du eta aurtengoan inoiz baino garaile gehiago izan ditugu Tropelan. Alde batetik, lehiaketa gehiago izan ditugulako: 21 lehiaketa izan dira aurtengoan, iaz, aldiz, hamar besterik izan ez zirenean. Iaz baino 11 garaile izan ditugu, beraz, aurtengo urtean. Baina ez horregatik bakarrik, izan ere, aurtengoan sailkapen gehiago izan dira. 21 lehiaketetako sailkapenez gain, Urtekoa ere izan dugu aurreko edizioetan bezala; baina Urtekoaz gain urtekoak izan diren beste sailkapen batzuk izan ditugu: Itzuli Handien sailkapena, Itzuli Txikien sailkapena, Klasikoen sailkapena, Emakumezkoen sailkapena eta Euskal Herriko (EH) Koparen sailkapena. 5 sailkapen gehiago, 5 irabazle gehiago. 27 dira aurten irabazleak Tropelan, meritu handiz, milaka erabiltzailez osatutako sailkapenetan lehenak izateko gai izan direnak. Honatx guztiak: Continue reading “Amaitu da 2014ko Tropelaren denboraldia, inoiz baino irabazle gehiagorekin”
Lagun asko bildu zen Zestoako Bainuetxean.
Aurreko ostiralean izan zen sari nagusien banaketa Zestoako Bainuetxean. Patxi Vila, Andoni Aranaga, Mikel Astarloza, Joseba Albizu eta Joseba Zubeldia txirrindulariak izan genituen laguntzaile sariak banatzerakoan eta aurkezle lanetan Kepa Iribar Euskadi Irratiko kirol esataria. Gure eskerrik beroenak zuen partehartzeagatik.
Lagun asko bildu bazen ere, sari guztiak banatu gabe geratu ziren, kamisetak, kafe otarrak? eta aquariumerako sarrerak kasu. Irabazle guztiok postaz jasoko dituzue zuen sariak.
Tropela Elkarteak jaialdian esan bezala lanean jarraituko du euskara eta teknologia berriak jorratzen. Beraz, ”tropelzale” guztioi adi izatea gomendatzen dizuegu berriak izango baitira.
Sari banaketa Zestoako bainuetxean uztailak 29an.
Tourra bukatu da eta berarekin batera gure lehiaketa ere. Saritu guztien zerrenda Sariak atalean duzuen arren, esan 21. etapako irabazlea JONJO donostiarra izan zela. Berak irabazi du Igor Astarloak eskainitako ostadar koloreak dituen maillota.
Aurtengo edizioan jose lezotarra izan da garaile 5429 punturekin eta lehen postuetan lehia bizia izan dela esan beharra dago.
Saritu banaketa Zestoako bainuetxean izango da ostiral honetan arratsaldeko 7etatik aurrera. Lehen hamar postuetan sailkatuak eta txirrindularien maillotak irabazi dituztenak Zestoako bainuetxean jasoko dituzte sariak. Hauei posta elektroniko bidez luzatu zaie gonbitea. Gainontzeko sarituei jakinaraziko zaie dagozkien sariak nola igorriko zaizkien.
Eskerrik beroenak parte hartu duzuen guztioi, laguntzaile denei eta maillotak eskaini dituzten euskal txirrindulari guztiei.
Ihesaldi baten fruitua izan da. Gaur 19. etapa jokatu da eta T Mobileko Guerini italiarra izan da garaile. Bakarrik helmugaratu bada ere, Casar, Pellizotti eta Pereirorekin batera izan da ihesaldian.
Gaurko saria Unai Yusek eskainitako maillota izan dugu eta garailea ondarruko DVD izan da. Sailkapen nagusian, aldiz, aldaketa izan dugu. Orain arte lehen postuan izan den jexux, jmurgiondo bergarrak ordezkatu du.