Kategoria Artxiboak:tropela.eus

10. Tourrean, Tropela eta Laboral Kutxa elkarlanean

Laboral Kutxa SariaDakizuen moduan, aurtengoa Tropelak lehiatuko dugun 10. Tourra izango da. A ze marka!! Hori gogorarazteko harro aldatu dugu goiburuko logoa 10 zenbaki dotorea gehituz. Eta beti esan ohi dugun moduan, hein handi batean zuei eskerrak! Eskerrik asko guztioi hainbeste urtez zintzo Tropelan parte hartzen jarraitzen duzuelako!

Berrikuntza eta aldaketa ugari jasan ditu Tropelak urte guzti hauetan zehar eta aurtengoa ere ez da aparte izango. Urte guzti hauetan zehar makina bat babesle eta laguntzaile izan ditugu – eskerrik asko zuei ere!! – eta aurtengoan, modu berezian, Laboral Kutxarekin gauzatu dugu elkarlana. Izan ere, Laboral Kutxak Frantziako Tourreko lehiaketan babestutako sailkapen propio bat izango du Laboral Kutxa Saria izena duena. Erabiltzaile guztiok zaudete gonbidatuta sailkapen horretan parte hartzera eta sari zoragarriak irabazteko lehiatzera: Orbea bizikleta, Forum Sporten gastatzeko bonoak, … Gainera Laboral Kutxa Saria sailkapeneko erabiltzaile guztien artean maillot eta kuloteak ere zozketatuko dira.

Gure aldetik Laboral Kutxari eskerrak eman nahi dizkiogu gugan jarri duen konfiantzagatik eta Tropelako lehen sailkapen babestua berea izateagatik.

Zorte on guztioi eta goza dezagun hamargarren aldiz Tourraz Tropelan!

 

Bertsolari txapelketan ere txirrindularitza hizpide

Ostiralean elkarteko zenbait kide afaltzeko hitzartuak ginen Ipintza sagardotegian. Jakingo duzuen moduan Ipintza gure babesleetako bat da eta hori da arrazoi nagusia bertan biltzeko jaki, sagardo eta giro paregabeaz gain.

Agin Laburu bertsolaria da Ipintza sagardotegiko arduraduna eta zalantzarik gabe Tropelaren jarraitzailerik leialenetakoa. Zorionez ostiraleko elkarretaratzean Agin bera ere gurekin izan genuen. Ez dakigu ostiraleko afariak zenbateraino baldintzatuko zuen, baina atzo Maule-Laxterren jokatu zen bertsolari txapelketa nagusiko finalaurreko kartzelako gaian -“Nehork ez zuen espero baina lortu egin duzu”- Agin txirrindulari profesional bilakatu zen eta ondorengo bertso hauek abestu zituen: Continue reading “Bertsolari txapelketan ere txirrindularitza hizpide”

2013ko Urteko sailkapeneko irabazleak sariak jaso ditu

Atzo elkartu ginen 2013ko Tropelako Urteko sailkapeneko irabazleari sariak emateko. Izan ere kepaeik TiendaAzul.com etxetresna merkeen web bidezko dendak emandako Philips telebista zoragarria eta Tropelaren aski ezaguna den maillota jaso behar zituen.

Lekeitiarrak ez zuen erraza izan Urteko sailkapena irabazteko azken lehiaketan aurreratu baitzuen lados Gernika-Lumoko erabiltzailea. Azkenean ladosek podiumeko 3. postuarekin konformatu behar izan zuen marangoni zarauztarrak era aurre hartu baitzion. Honela geratu da aurtengo podiuma Urteko sailkapenean:

1. kepaei 31.802 puntu

2. marangoni 31.353 puntu

3. lados 31.184 puntu

Ez da meritu makala podiumeko postuetan sailkatzea 17.472 erabiltzaileren artean. Gure zorionik beroenak aurrean amaitu duzuen guztioi nahiz eta sariak irabazlearentzako soilik genituen aurtengo urte honetan.

Ondoren bideo honetan Kepari, 2013ko Urteko irabazleari, eta Aitorri (TiendaAzul.com) egindako elkarrizketa duzue ikusgai:

Gure eskerrik beroenak aurtengoan ere Tropelari lagundu dioten babesleei, TiendaAzul.com eta Ipintza Sagardotegiari. Baita gure kolaboratzaile guztiei ere. Baina bereziki eskertu beste urte batez ere Tropelan parte hartu duzuen guztioi, zuek gabe ez baikenuke hemen jarraituko.

Zer egin erlojuaren kontrako taldekako etapekin? [Inkesta]

Aspaldidanik daukagu zalantza erlojuaren kontrako taldekako etapetan puntuak banatu ala ez. Funtsean dagoen zalantza, ordea, ez da puntuak banatzea ala ez, baizik eta banatzekotan nola banatu.

Hori dela eta atzo Twitter bidez “inkesta express” bat egin genuen bi galderekin:

1. Erlojuaren kontrako taldekako saioetan puntuak banatu bai ala ez?
2. Nola eta zenbat banatu?

Hainbat erantzun jaso genituen (eskerrik asko erantzun zeniguten guztioi!) eta denetarik. Erantzun horiekin eztabaida gure blogera ekartzea nahi genuen eta inkestatxo bat antolatu dugu zuen iritzia jasotzeko asmotan.

Zuen iritziak entzuteko irrikitan gaude!

Aurten sariak izango ditugu!

2013ko sariakIazko urtean zehar ezin izan genituen saririk banatu baina aurtengo honetan sariak jartzeko moduan izango gara gure babesleei esker.

Alde batetik Frantziako Tourrerako sariak izango ditugu: sagardotegian otorduak (Ipintza sagardotegiak eskainia), Tropela.net maillotak eta txapelak eta Raul Perez Martinezek idatzi zuen Jacques Anquetilen biografia euskaraz. Sari gehiago izan daitezke eta gehitzen joango gara gure sarien atalean.

Urteko sailkapenari begira, berriz, www.TientaAzul.com webguneak eskainitako Phillips 40 hazbeteko telebista bikaina oparituko diogu aurtengo irabazleari, baita Tropela.net maillota ere bai. Hori bai, Tourrean eta gainontzeko lasterketatan bikain ibili beharko da sari hau eskuratu nahi baduzue!

Gogoratu Tropela.net maillot eta txapelak salgai ditugula nahi duzuen guztientzat.