Ipuinak soilik garaileentzat amaitzen dira ondo

Gasparotto Amstel Gold Racen garaileGaur Amstel Gold Race klasikoa ospatu da Herbeeretako errepideetan, Maastrich eta Valkenburg-en artean 261 kilometro osatu behar izan dute txirrindulariek. Ardeentako hirukotearen lehen lasterketako ezaugarri nagusia igotzen diren muino kantitate handia da, guztira 31. Laburrak izan arren lasterketaren luzeraren ondorioz azkenean klasika oso gogorra egiten da txirrindularien hankentzat.

Txirrindularitzan azken urteetan ohikoa bilakatu den bezala horrelako ibilbideetan, lasterketak ihesaldi bat izan du protagonista. Bederatzi txirrindularik osatu dute taldetxoa hau. Bi izen nabarmendu behar dira. Lehena euskalduna, Peio Bilbao (Euskaltel-Euskadi), bertan egon baita ia ihesaldiaren amaierara arte. Bigarrena Romain Bardet frantziarrarena (Ag2R), ihesaldiko azken partaidea izan da tropelak lasterketa burua lortu duen arte.

Continue reading “Ipuinak soilik garaileentzat amaitzen dira ondo”

#58 Tropela.net podcastak: Ardenetako Hirukotea 2012. Ibilbidearen eta txirrindularien azterketa

Iosu Garate (@iosugarate), Eneko Garate (@egarate) eta Egoitz Lizasok (@elizaso) 2012ko Ardenetako Hirukotea osatzen duten Amstel Gold Race, Flèche Wallonne eta Liège-Bastogne-Liège klasikoez aritu dira. Batez ere kiniela egiterako orduan beraien analisia egiten dute. Kinielan zalantzak badituzue gomendatzen dizuegun saioa da.

Aurreko podcastak hemen dituzu.

#57 Tropela.net podcastak: Euskal Herriko Itzulia 2012. Errepasoa

Iosu Garate (@iosugarate), Eneko Garate (@egarate) eta Egoitz Lizasok (@elizaso) Euskal Herriko Itzulia 2012ari errepasoa egiten diote podcast honetan. Txirrindulariez gain, ibilbidea eta Tropelako sailkapena dituzte mintzagai.

Aurreko podcastak hemen dituzu.

Euripean lehena, eta euripean bigarrena

Euria ari zuen goian behean 2003ko Euskal Herriko Itzuliko azken etapan ere. Hondarribiko itsasargira igo ziren ziklistak erlojuz kontrako lehian. Orduko hartan Iban Mayok irabazi zuen. Euskaltel-Euskadiren lehen garaipena izan zen etxeko itzulian, eta asko ginen bizkaitarra Tourrean Armstrong bera kate motzean lotuko zuela pentsatzen genuenok. Gaur, Samuel Sanchezek bigarrena erdietsi du, duela bederatzi urte bezala euripean.

Sailkapen nagusia bakarrik ez; erlojuz kontrako etapan ere gailendu da Sanchez. Lanerditarako lasai egoteko aldea bazuen Euskaltel-Euskadiko txirrindulariak hasiera batean aurkari arriskutsuenak izan zitezkeenekiko, Rodríguez eta Martinekiko. Ibilbidearen erdian, baina, azkarrena Mollema holandarra izan da. Bigarren zatian, Sanchezek abantaila handitu du kontrarioekiko eta Mollema gainditzeko gauza ere izan da. Continue reading “Euripean lehena, eta euripean bigarrena”

Bigarrena jarraian Puritok

20120406-202819.jpgJoaquin Rodriguez (KAT) etapa ehiztari bikaina dela agerian geratu da. Bigarren garaipena lortu du jarraian eta lidergoari eutsi dio. Gaur ere bigarren Samuel Sanchez (EUS).

Ihesaldiak sortzen saiatu dira. 16ko bat osatu osatu da, baina Sky taldeak ihesaldian inor sartzerik lortu ez duenez, tropelari ederki tira dio saiakera zapuztu arte. Ibilbidea, ordea, iheslariei aukera emateko modukoa zenez, saiakera gehiago izan dira. Continue reading “Bigarrena jarraian Puritok”