Kategoria Artxiboak:Frantziako Tourra

#417 Tropela.eus podcastak: 2020ko Frantziako Tourra errepasoa – 20. etapa

Pogacarrek (UAD) Tourra eta gainontzeko “guztia” irabazi du

Gaurko 20. etapa erabakigarria izan da 2020ko Frantziako Tourreko garailea erabakitzeko. Bertan ezustekoa emanda, Pogacarrek (UAD) izugarrizko erlojuaren kontrako saioa eginda, etapa garaipena, mendiko sailkapena, gazteen sailkapena, eta garrantzitsuena, Tourra bera irabazi ditu Roglicek (TJV) hein batean ez baitu espero zen bezain saio ona burutu. Podiumeko postuetan ere aldaketa izan da Portek (TJV) saioa ona egin baitu eta aldiz Miguel Angel Lopezek (AST) oso kaxkarra. Hain kaxkarra non Mikel Landak (TBM) eta Enri Masek (MOV) sailkapen nagusian ere aurreratu egin duten kolonbiarra.

Etapari errepasoa eta biharko azken etapak eman dezakeenaren kontakizuna duzue podcast honetan bilduta Iban Hernandezen (@piban) eskutik.

Podcastera harpidetu

#416 Tropela.eus podcastak: 2020ko Frantziako Tourra errepasoa – 19. etapa

Kragh Andersenek (SUN) bere bigarren etapa garaipena Tour honetan

Etapa eta maillot berdearen lehiak baldintzatutako etapa izan da. Azken igoeran tropeltxo batek aurrera egin du eta bigarrenez, guztiak ezustean hartuta, Kragh Andersenek (SUN) tropeltxo horretan erasoa jo eta bere bigarren etapa garaipena lortu du 411. podcastean aipatzen genuen moduan. Berdearen lehian Sam Bennett (DQT) nagusi izan da eta sailkapen nagusian aldaketarik ez, Roglicek (TJV) jarraitzen du lider.

Hau eta Frantziako Tourreko 20. etaparen ingurukoak biltzen ditu Iban Hernandezek (@piban) podcast honetan.

Podcastera harpidetu

#415 Tropela.eus podcastak: 2020ko Frantziako Tourra errepasoa – 18. etapa

Ineos horrenbeste behar zuen etapa garaipena lortu Kwiatkowski (INS) eta Carapazekin (INS)

Gaur jokatu da aurtengo Tour honetako azken mendiko etapa garrantzitsua. Bertan ihesaldi mardul bateko parte izanda, Carapaz eta Kwiatkowski (INS) helmugaratu dira elkarrekin azken honek etapa garaipena lortuz. Azpimarratzekoa Pello Bilbaoren (TBM) lana etapa lehiatzeko hauekin izan baita atzeratuta geratu den arte, eta edozein kasutan, ondoren Mikel Landari (TBM) sailkapen nagusian aurrera egiten laguntzeko ere lanean izanik. Mikel Landa (TBM) mugitu da, baina, gutxi ez izanik ere, lortu duen saria sailkapen nagusian 5. postura igotzea izan da Adam Yates (MTS) eta Urani (EF1) denbora aterata.

Biharkoak trantsizioko etapa behar luke eta ihesaldia zein esprinterren arteko lehia espero da. Sailkapen nagusikoentzat atseden eguna izango da, larunbateko erlojupeko garrantzitsurako indarrak errekuperatzeko eguna.

Hau eta gehiago duzue entzungai Egoitz Lizasoren (@elizaso) eskutik datorkizuen podcast berri honetan.

Podcastera harpidetu

#414 Tropela.eus podcastak: 2020ko Frantziako Tourra errepasoa – 17. etapa

Miguel Angel Lopezek (AST) etapa garaipenaz gain podiumeko postuan sartze lortu du

Gaur jokatu da 2020ko Frantziako Tourreko 17. etapa, mendiko etaparik garrantzitsuenetako bat. Mikel Landaren (TBM) Bahrein taldeak tropel nagusian erritmoa ezartzen izan den arren, etapa garaipena eta podiumerako postua Miguel Angel Lopezek (AST) lortu ditu. Roglicek (TJV), aldiz, Pogacarrekiko (UAD) aldea zabaltzea lortu du.

Biharko 18. etapa eskalatzaileek azken aukera izango dute arerioei denbora ateratzeko. Saiatuko ote dira? Bai gaurko etaparen inguruan baita bihar ikus dezakegunaren inguruan Iban Hernandezen (@piban) eskutik entzungai duzue podcast berri hau.

Podcastera harpidetu

#413 Tropela.eus podcastak: 2020ko Frantziako Tourra errepasoa – 16. etapa

Kämnak (BOH) azkenean lortu du Borak hainbeste desira zuen etapa garaipena

Ihesaldi mardula osatu da gaurkoan tartean hiru euskaldunekin: Mikel Nieve (MTS), Romain Sicard (TDE) eta Imanol Ervitirekin (MOV). Zoritxarrez ez dira etaparen lehian izan baina bai Kämna (BOH), azken aurreko igoeran erasoa jo eta bakarrik helmugaratu delarik. Sailkapen nagusian mugimendurik kasik ez da izan eta Rogicek (TJV) ez du arazorik izan maillota mantentzeko.

Hau eta biharko etapa garrantzitsuak eman dezakeenaz aritzen da Egoitz Lizaso (@elizaso) podcast honetan.