Kategoria Artxiboak:Espainiako Vuelta

2009ko ibilbideen aurkezpenak (III): Espainiako Vuelta

Espainiako Vuelta 2009Nork esan behar zidan niri, hiru asteko proben ibilbideen aurkezpenen ondoren, Espainiako Vueltarena gehien gustatuko zitzaidan urteren bat ezagutuko nuenik? bada, aurtengoak uste dut lortu duela.

Azken urteetako ibilbide negargarriaren ondoren, ez zegoen zaila hura hobetzea, baina egia esateko zeharo harrituta utzi naute aurkeztu berri duten ibilbidearekin. Egia esateko, APM txirrindularitza foruko mutilen lana atzean nabari da, baina aurreko urteetan ez bezala Unipublic-ek kasu pixkat egin diela ematen du eta ibilbideak sekulako hobekuntza jaso du.

Ez da helburua ibilbidea etapaz-etapa aztertzea —horretarako hobe www.lavuelta.com web gunetik pasatzea— baina orokorrean aspaldian Espainiako Vueltan ikusi ez diren bezalako etapak prestatu dituzte, bai goi-mendiko etapetan: Aitana, Velefique eta Sierra Nevadako etapak bikainak, bai erdi mailako mendi etapetan: Cati, Avila edo Navacerradako etapak ere, eta ibilbide guztian zehar aurkituko dituzten hainbat eta hainbat tranpa. Honetan ere litekeena da ASOk bere eskua sartu izana —askotan euren proba nagusian, Tourrean, horrelakorik egiten ez badute ere—.

Ibildeari akats bat aurkitzekotan, erlojupekoen kilometro falta da. Azken urteetako mendi negargarriekin ez nien hain kilometro gutxiko erlojupekoei hainbesteko garrantzirik ematen, azkenean dena nahiko konpentsatuta geratzen baitzen, umeentzakoak zirela pentsatzen banuen ere, baina 2009ko edizioko mendiko etapak ikusi ondoren, 30 eta 26km-ko erlojupeko bakoitzari 10na kilometro igoko nizkieke ibilbide benetan borobila osatzeko.

Angliru: Vuelta erabakita eta Igor etxera

Contador AnglirunAsko espero zen aurtengo Espainiako Vueltako 13. etaparengandik. Angliruko mendate gogorrean amaitzen zen eta edizio honetako ziklista indartsuenek (gehienak igotzaileak) dena eman behar izan dute azken igoera gogorrean. Eskerrak eguraldiak lagundu duen eta zorua lehorra zegoen, bestela arriskua handitu egingo zen tarte gogorrenetan jende ugari eta batzuk zoroen pare baitzeuden.

Logikak agindu du (orain arte ikusitakoarekin uste genuen bezala), Astana taldeak lan bikaina egin du etapa garaipena lortzeko eta Contadorrek oraintxe tropeleko -igotzaile- indartsuena dela erakutsi du. Etapa, lidergoa eta sailkapen nagusiko bigarren postua beraientzat. Denborei dagokionez ere, jada bere aurkari guztiak oso atzeratuta dituela esan daiteke eta beraz, Vuelta erabakita dagoela.

Vuelta honetako beste talde indartsua, Caisse d’Epargne, -gaurko etapan 4 ziklista 15 lehenen artean- ez da batere mugitu baina ziklistak aurrean izan ditu. Halere, ostegunean Valverdek egindako hutsegitearekin Contadorri aurre egiteko aukera guztiak galdu zituzten. Gaur, irudia garbitzea eta beraien animoa berreskuratzea lortu dute eta hemendik aurrera gerra pixka bat eman dezaketen bakarrak direla iruditzen zait, liderra baino indartsuagoak izan ez arren kopuru aldetik dezente direlako. Halere, daukaten zuzendariarekin eta berak esandakoengatik taldean eduki dezaketen giroarekin ez dut esperantza gehiegirik.

Gaurko atsekabea, Igor Antonen eskutik etorri da. Beti bezala, erretransmisioa anuntzioetan zegoela gertatu da. Azkenaurreko mendatea jaisten ari zirela, arrisku berezirik ez zuela zirudien kurba batean lurrera joan da Euskaltel-Euskadiko liderra. Berehala konturatu da golpea ez dela txantxetakoa izan eta hezurren bat hautsita izango zuela eta etxerako bidea hartu behar izan du.

Berari entzundakoagatik, taldeak orain arte eman duen itxura ikusita eta abar, esperantza handiak genituen euskal zaletuok Igorrengan eta guztiontzat golpe gogorra izan da. Egoi Martinezek liderraren maillota galduko zuela argi zegoen, baina Igorrek Alberto Contadorri noraino eutsiko zion jakiteko gogoarekin geratu gara asko eta asko. Beste batean izan beharko du. Animo Igor eta eutsi goiari!

Orain ze helburu aldaketa egingo ditu Euskaltel-Euskadi taldeak? Oraindik beste aste oso bat geratzen da Vueltan eta dena erabakita eta euskaldunon ikuspuntutik ilun dagoen arren, sorpresa gehiagori ere leku egin beharko diogu. Ea oraingoan sorpresa denon gustukoa den!

Argazkia: AFP Photo

Erlojupekoa, lehen testa

fs028.jpg Orain arte ez da gauza handirik ikusi Vueltan, ez hautagai nagusiei dagokienez. Baina bihar izango dute lehenengo proba serioa: 42,5 kilometroko erlojupekoa, lau-laua, Ciudad Realen. Bero izugarriarekin, seguruenik. Orduan ikusiko da nortzuk dauden Vuelta lehiatzeko moduan eta nortzuk ez. Continue reading “Erlojupekoa, lehen testa”

Lanera bueltan, Vuelta!

Vuelta 2008ko mapaBadatorkigu 2008ko Vuelta ere. Batzuri opor egunak amaitzen ariko zaizkie, beste batzuoi (eskerrak!) atseden egunak datozkigu. Baina guztiok bueltan-bueltan, Vueltaz gozatzeko aukera izango dugu!

23 egunetan 21 etapa eta 2 atseden egun. Granadan hasiko da abuztuaren 30ean taldekako erlojupeko batekin. 7 kilometrok erabakiko dute lehen urrezko txirrindularia. Itzulian beste bi erlojupeko jokatuko dira, bata Ciudad Realeko 40 kilometrotan eta bestea azken aurreko etapako 16 kilometrotako kronoeskaladan. Continue reading “Lanera bueltan, Vuelta!”

2008ko “Itzuli Handien” ibilbideak – III – . Espainiako Vuelta

2008ko Vueltako ibilbideaHemen dugu falta zitzaigun azkenengo “itzuli handiaren” aurkezpena, Espainiako Vuelta. Jadanik jakinaren gainean izango zarete proba honek ez didala beste lasterketa askok adinako irrikarik sortzen, agian korritzen den garaian korritzen delako, agian partehartzaileen mailagatik… hala ere, batez ere, bere ibilbideak proba ikusgarria izaten laguntzen ez duelako da, nire kasuan behintzat, proba hau ikusi “behar” hori ez izateko arrazoia.

Duela hilabete gutxi amaitu den Vueltak berriro ere garbi utzi zuen 3 itzuli handietatik eskasena, diferentziarekin gainea, Vuelta dela. Ibilbide negargarri hark ez zuen utzi borroka gehiegirik ikusten. Aurtengo aurkezpenaren, aurretik entzuten nituen zurrumurruen ondoren, berriro ere oso ezkor nengoen baina azkenean ez dute hain-hain ibilbide txarra aurkeztu. Egia da, hala ere, oraindik Giro eta Tourretik ikaragarri urrun dagoela. Continue reading “2008ko “Itzuli Handien” ibilbideak – III – . Espainiako Vuelta”