Kategoria Artxiboak:Aurre analisia

9. etapa: Gérardmer > Mulhouse (170km). Profila eta aurre analisia.

Tourreko 9. etapa

IBILBIDEA

Atzo eduki zuten txirrindulariek lehen kontaktua Bosgoetako mendateekin. Igandeko etapak ere ibilbide gogorra izango du, 170 km-tan 6 mendate puntuagarrirekin: 3º mailako 3 mendate, 2º mailako 2 mendate eta aurtengo Tourreko 1º mailako lehen portua. Aipatu beharra dago azken portua helmugatik 43 km-tara igoko dutela eta jaitsiera luze baten ondoren 21 km geratuko zaizkiela ibilbide lau batean, etapak izango duen ibilbide lau bakarra. Ihesaldiak atzo bezala arrakasta izateko aukera guztiak dauzkala pentsatzen dut, hala ere faboritoen artean taldeko estrategiak medio mugimendu interesgarriren bat ikus genezake.

FABORITOAK

Errepideak bakoitza bere tokian ipiniko du. Ihesaldi interesgarri bat ikus genezake, sailkapen orokorraren lehiatik kanpo baina igoeretan majo ibili daitezkeen txirrindulariekin osatua.  Ihesaldia ez iristekotan, gizaseme indartsu eta azkar batek irabaziko du talde murriztuko esprinta. Esan bezala, taldekako mugimendu interesgarriren bat ere ikus genezake, ihesaldian txirrindularien bat sartuaz azken kilometroetan bere liderraren alde lan beltza egin dezan. Oso etapa interesgarria izango da, egun zaila ordea izenen bat aipatzeko. Hala ere izarren taulatxoarekin ausartuko naiz.

*** Spilak (KAT, %14,0) IHESALDIA

** Riblon (ALM, %18,3)/ De Marchi (CAN, %0,8)/ Voeckler (EUC, %52,5) IHESALDIA

* Valverde (MOV, %47,5) / Kwiatkowski (OPQ, %24,9) /Costa (LAM, %58,9)

8. etapa: Tomblaine > Gérardmer La Mauselaine (161 km). Profila eta aurre analisia.

8.etapa

IBILBIDEA

Astebete egingo dute txirrindulariek lehian gaurkoan eta lehen muino esanguratsuak agertuko zaizkigu. 2. mailako bi mendate igo behar dituzte 130 km lau xamarrean egin ondoren, eta 3. mailako bat, helmugakoa hain juxtu, Gérardmerren aurkituko dutena 161 km osatuz. Gaurko etapa da aurtengo edizioan lehena muino batean amaituko dena.

FABORITOAK

Ez da erraza asmatzen zein izan daitekeen gaurkoan etapa garailea. Izan ere bi aukera daude: ihesaldia iristea ala sailkapen nagusiko txirrindularien arteko lehia ikustea. Ni lehena gertatuko delakoan naiz. Izan ere sailkapen nagusiko txirrindulariek bihar eta astelehenean etapa gogorrak izango dituzte eta dagoeneko gainontzeko txirrindulariengandik dezenteko denbora errenta dute. Hirugarren aukera litzateke ihesaldian inor sartu ez duen taldeak tropelaren kontrola hartzea eta ihesaldia zapuzten saiatzea, baina taldeentzat hobe ihesaldian ordezkari egokiak izatea lortzen badute.

Ihesaldian ondorengo talde hauen ordezkariak izango direlakoan naiz: Europcar (seguruena Voeckler (%52,5)), Cofidis (Lemoine (%0,3), Edet (%1,9) ala Mate (%1,9)), Katusha (Purito (%8,4), zergatik ez?), Trek Factory Race (Voigt (%13,8)), Garmin (Slagter (%5,8) akaso?) eta Bretagnekoren bat gutxienez bai. Izenak esaten ausartu naiz izan ere aipatutakoak mendiko maillotaren lehian daude eta etapa garaipena lortzen saiatzeaz gain, mendiko sailkapenean sendotzeko puntuak biltzeko aukera izango baitute. Puritoren kasuan, aldiz, ez da bere helburua mendiko maillotaren lehian sartzea – ez dut uste behintzat! -, baizik etapa garaipena lortzea. Dagoeneko 47’35″ko atzerapena du sailkapenean, beraz, ez luke arazorik izan behar ihesaldian sartzeko. Hori bai, beharbada iheskideei ez die grazia handirik egingo.

Baldin eta tropel nagusia iritsiko balitz, Valverde (MOV, %47,5) edota Kwiatkowski (OPQ, %24,9) bezalako txirrindulariak saiatu daitezke etapa garaipenaren bila.

*** Voeckler / J.Rodriguez

** Slagter / Kwiatkowski / Edet

* Valverde / Contador (TCS, %62,3)

7. etapa: Épernay > Nancy (234,5 km). Profila eta aurre analisia.

etapa7

IBILBIDEA

7. etapa hau aurrekoaren tankera berdina du, salbuespen garrantzitsu batekin, azken 4º mailako tontorra helmugatik 5 km-tara igotzen dutela. Oso etapa luzea izango da txirrindularientzat, 234,5 km bota beharko baitituzte gaurko egunean. Asteburuan datorrena jakitun, etapa lasai xamarra espero dut azken 20 km-etaraino, bi tontorrak igo behar dituzten arte alegia.

FABORITOAK

Etapa hau ikustearekin bakarrik izen bat datorkit burura, Sagan (CAN, %50,5). Azkarra, tontorretan bikain eta jaitsieretan hoberenetarikoa. Azken bi portu horiek beste esprinter azkarragoak jokoz kanpo uzteko aukera ematen dute eta argi daukat horrela gertatuko dela. Etapa bihurria izango da eta mugimendu asko ikus dezakegu azken 10 km-etan. Azken tontorrean lehen 15 txirrindularien artean egotea funtsezkoa izango da etapa amaierarako, jaitsi bezain azkar helmuga harrapatuko baitute. Ez ninduke arrituko tropelak lan guztia Cannondale taldeari uztea, beraz entendimentu falta edo Cannondalen gaitasun faltagatik ere ez nuke lehen ihesaldiaren arrakasta baztertuko badaezpada. Hona hemen nire izarrak:

*** Sagan (CAN, %50,5)

** Kristoff (KAT, %42,7) / Rojas (MOV, %61) / Gerrans (OGE, %25,6)

* Albasini  (OGE, %8,5) / Coquard (EUC, %22,2) / Kwiatkowski (OPQ, %24,9)

6. etapa: Arras > Reims (194 km). Profila eta aurre analisia.


IBILBIDEA

Infernuko etapa amaitu ondoren, eta faborito nagusienetako batek etxerako bidea hartu ostean, zailtasun berezirik gabeko etapa izango da 6. etapa. 4. mailako bi mendate igo beharko dituzte 194 kilometroak osatu aurretik. Beraz, esprintean amaituko den beste etapa bat izango delakoan naiz.

FABORITOAK

Bai, ihesaldia osatuko da. Ez dakit mendiko maillotaren lehian den txirrindulariren bat sartuko den, baina ez litzateke harritzekoa izango naiz eta puntu gutxi izango diren jokaun.

Orain arteko etapetan ikusi dugun moduan, Giant Shimano eta Cannondalek kontrolatuko dutela lasterketa ezango nuke. Astearteko etapan estu izan zen Kittel (GIA, %33,1) etapa bereganatzeko, baina guztia alde du. Sagan (CAN, %50,5), aldiz, nahiz eta Arenbergen laugarren sailkatu, maillot berdeari eusteko esprintean sartuko da. Ea Renshawk (OPQ, %3,5) aukerarik duen Omegari eta erretiratu zen Cavendishi (OPQ, %14,9) etapa garaipena eskaintzeko aukerarik.

*** Kittel (GIA, %33,1)

** Coquard (EUR, %22,2) / Renshaw (OPQ, %3,5) / Kristoff (KAT, %42,7) / Sagan (CAN, %50,5)

* Greipel (LOT, 1,3%) / Demare (FDJ, %24,7)

 

5. etapa: Ypres > Arenberg (155,5 km). Profila eta aurre analisia.

5.etapa

IBILBIDEA

Lehen asteko etaparik esperoena da 5. etapa hau, harbideetako etapa. Txirrindulariek 155,5 km egin beharko dituzte Belgikako errepide estu eta malkartsuetatik barrena. Etapako lehen 87 km-ek ez dute beste munduko zailtasunik eta seguruenik ihesaldi bat antolatuko da etapako zati honetan. Hemendik aurrera ordea gauzak aldatuko dira, harbidea izango baita etapako protagonista; azken 60 km-etako 9 tramoei aurre eginez. Lasterketako faboritoek benetan beldur diete Paris-Roubaix lasterketa handiko ibilbide bihurri hauei, are gehiago espero den bezela euria egiten badu, beraien aukerak arriskuan jar daitezke eta.

Ibilbide honen historia eta ezaugarriak hobeki ezagutzeko bota begirada bat Hibai Martinez tropelkidearen “Ypres, infernutik infernura” artikuluari.

FABORITOAK

Etapako faboritoetaz hitz egiten baldin badugu, Cancellara (TFR, %29,4) da kontuan izan beharreko gizona. Argi adierazi du bere helburu nagusia Frantziako Tour honetan etapa hau izango dela eta harbideetako bere palmaresa kontuan izanda, bera izango da faborito nagusia. Bere aukerak helmugara bakarrik iristean datza nagusiki, izan daitezkeen beste faboritoak bere baino azkarragoak izan daitezkeelako azken esprintean, honen adibide; Kristoff (KAT, %42,7), Sagan (CAN, %50,5) edo Van Avermaet (BMC, %7,8).

Gainera, esan beharra dago, nere ustetan, harbideetako espezializta askok beraien aukerak beraien liderraren mesedetan galduko dituztela, eta honen adibide garbi moduan Thomas (SKY, %6,7) eta Langeveld (GRS, %7,3) ikusten ditut. Euriarekin oso arriskutsua bilakatu daiteke etapa hau eta honekin nik bi lasterketa ezberdin aurre ikusten ditut; etaparen lehian ibiliko direnak eta generala disputatzera datozen faboritoen lehia. Bat baino gehiagok bera aukerak etapa honetan galduko dituelakoan nago, beraz etxean telebistari itsatsita geratzeko etapa dugu aurretik. Hona faboritoen izarrak:

*** Cancellara (TFR, %29,4)

** Kristoff (KAT, %42,7) / Sagan (CAN, %50,5) / Van Avermaert (BMC, %7,8)

* Degenkolb (GIA, %23,3)/Terpstra (OPQ, %7,4)/Vanmarcke (BEL, %1,6)/Chavanel (IAM, %28,4)