Supertaldea

CSC taldeaHarrigarria. Ikusgarria. Nabarmena. Nahi duzuen bezala kalifikatu daiteke talde hau Tourrean erakusten ari den nagusitasuna. Liderra daukate, baita ere ziurrenik igotzaile onena (Sastre), gazte onena ere bai (Andy Schleck), etapa irabazle bat ere bai (Arvesen), eta hori gutxi balitz, gainontzeko guztiak, aurrekoak ahaztu gabe, sekulako talde lana egiten ari dira.

Taktikoki beti ondo. Urrutira joan gabe, gaur Arvesen eta Voigt ihesaldian sartu, bitartean lasterketa gogortu Gustovekin, bi hoiek are gehiago estutu eta azkenik Andy Schlecken azken kolpea.� Hautacameko etapan ere bikain. Beste etaa batean ere Cancellara eta Voigt ihesaldian sartu eta gero taldean sekulako mina egin zuten.

Akats bakarra beharbada Sastre orain Schlecki begira doala da. Faboritoago ikusten dut nik Sastre Frank baino, baina hau liderra izaki, Carlos lotu xamar dago. Eta hori azken erlojupekoan garesti ordain dezakete Evans edo Menchoven mesedetan.

Dena den, biharko etapa ikusi beharra dago. Nik uste Croix de Fer-en egurra egongo dela. CSC-k beste mugimendu taktiko bat egingo duelakoan nago, Gustov edo Andy ihesaldian sartuta, gero atzetik Sastrek erasoa jo eta faboritoak kolokan jar ditzan. Ikusiko dugu zer gertatzen den.

Argazkia: Tim De Waele

Multzoak aztertuz (I): Hautagai nagusiak

ALEJANDRO VALVERDE

Aurtengo emaitzak

Emaitza onekin eta sasoiko iritsiko da: Murtziako itzulia irabazi zuen martxoan, Paris-Camembert eta Liege-Bastogne-Liege klasikoak apirilean eta baita Dauphine Liberé ere azken txanpan. Inoiz baino lasaiago dirudi. Batzuen ustez indartsuegi irits daiteke hasierara, Dauphinen sendoen agertu izan direnetako batzuk pott egin baitute azken urteetan Tourreko 3. astean.

Tourrean esperientzia

Contador eta Rasmussen iazKelme-tik fitxatu zutenetik Tourrera begira jarri zuen Unzuek. Iaz besterik ez du amaitzea lortu ordea, 6. postuan. Aurretik, denok gogoratuko dugu, adibidez, Armstrong-i irabazi zion etapa Courchevel-en 2005an, edo 2006an eroriko bat medio nola joan zen etxera. Dena dela, Espainiako Itzulian erakutsi du badakiela 3 astetan topera egotea zer den: 2006an 2. postuan amaitu zuen eta 4. postuan 2004an.

Bere alde

Berezko kalitate ukaezina eta irabazle sena. Prestakuntza inolako Continue reading “Multzoak aztertuz (I): Hautagai nagusiak”

Emozio gutxiko Vuelta

podium.jpgHalaxe da bada! ez dut Romingerren garaitik hain emozio gutxiko Vueltarik gogoratzen. Gainera, suitzarrak irabazten zuenean sekulako egurra emanaz izaten zen baina aurtengo kasuan Menchovek Zaragozako erlojupekoan lortutako aldea mantentzea bakarrik nahiko izan du. Merezimendu osoz Menchov, Sastre eta Samuelek bete dute aurtengo podiuma. Gehien merezi izan duten txirrindulariak direla uste dut.

Vuelta honetako beste izen batzuk aipatzean ez nuke Freire, Bennati, Bettini eta Petacchiz ahaztu nahi. Sprintetan borroka polita ikusteko moduan izan gara eta ez dut uste maila handieneko borroka hortxe ikusi dugula esaten baldin badut.

Errebelazioen atalean, Mosquera, Efimkin eta Dani Morenoren izenak etortzen zaizkit burura. Beste maila batean niretzat Cadel Evansena ere “errebelazioa” izan da, ez bait nuen uste, inondik inora ere, podiumeko borrokan izango zenik. Vuelta hasi aurretik bere web orrian sailkapen nagusirako ilusiorik gabe zetorrela eta entrenamentu gisa hartu behar zuela esan ondoren azken egunerarte podiumeko postuetan izan dugu, sekula arpegia gehiegi erakutsi gabe, hori ere egia da.

Azken asteetan hainbeste aldiz errepikatu dudan ibilbideen gabeziek ere bere zeresana eman dute. Ibilbide negargarri honek ez du txirrindularien arteko borroka ikusten lagundu, nahiz eta egia izan, ibilbidea aproposagoa zenean ere txirrindulari gutxi izan borrokarako gogoz. Hala ere, derrigorrezkoa iruditzen zait datozen urtetarako ibilbidean aldaketak izatea, eta ez naiz ari Anglirugatik hitzegiten. Askotan mendiko etapa gogorra azken mendate gogorrarekin parekatzeko errua egiten dugu baina Espainian sekulako mendiko etapak presta daitezke azken aldapa hain gogorra izan gabe, ikuskizun politagoa ikusteko moduan izango ginatekelarik. Hala ere, aurtengo kritiken ondoren, datorren urtean Angliru itzuliko dela ematen du eta antolatzaileak horrek jendaurrean ondo jar ditzake baina ez dut uste horrek ezer asko aldatzen duenik ibilbideari buruz egon beharko lukeen filosofia aldaketaren aurrean.

Denboraldia amaitzera doa baina oraindik zita garrantzitsuak ditugu, Munduko Txapelketan urrutira joan gabe eta ondoren Paris-Tours eta batez ere Lombardiako Giroa.