Tropela Elkartea – 13 orrialdea

Asteartean 2 iPod Touchen zozketa!!

2 iPod Touch zoragarri zozketan

Urte hasieran esan genizuen nola urtean zehar Tropela.net-eko lehiaketatan parte hartzeagatik azken belaunaldiko 2 iPod Touch zozketatuko genituela. Dagoeneko denboraldiko azken lehiaketan murgilduta gaude eta horrenbestez zozketa gauzatzeko moduan gara.

Tropela Elkarteak lehiaketa gehienetan parte hartu duzuen erabiltzaileok saritzeko asmotan, urte hasieran esan genuen bezala, zenbaki gehiago izango dituzue ‘fidelak’ izan zaretenak, hau da, iPod Touch zoragarri horiek lortzeko aukera gehiago izango duzue lehiaketaz lehiaketa parte hartzen joan zaretenok.

Dagoeneko erabiltzaile bakoitzari dagozkizuen zenbakiak hemen dituzue ikusgai. Zuenak zein diren ikus ditzakezue zozketaren aurretik.

103.775 zenbaki dira banatu ditugunak guztira eta garaileak bi izango dira. Hala ere, astearteko zozketan zenbaki sarituez gain erreserbako beste batzuk ere aterako ditugu.

Hurrengo egunetan xehetasun gehiago emango dizkizuegu. Zorte on guztioi!!

Tropelaren maillot eta kuloteak salgai!

Hemen duzue Tropelaren maillot eta kulote ofizialak eskatzeko aukera.

Maillota eta kuloteak aparte erosteko aukera izango da baina baita osorik ere. Prezioak hauek izango dira:

– Maillot manga motza: 45 €.

– Kulote motzak: 65€.

– Ekipamendu osoa: 99€.

Eskariari bidalketa gastua gehitu beharko zaie (7€ izango da bidalketa gastua).

Eskaria eta ordainketa aurrez egin beharko da. Arroparen neurriak dokumentu honetan ikus ditzakezue. Bertan eskuragarri duzue ze neurri edo tallako maillotak eta kuloteak dituzuen eskura.
Continue reading “Tropelaren maillot eta kuloteak salgai!”

Tropelaren maillot eta kuloteak salgai! Gainera deskontua lehen egunetan! [Eskaintza amaitu da]

Azkenean Tropelaren maillot eta kulote ofizialak salgai jarriko ditugu. Eskaintza martxan jarri dugun honetan %20ko deskontua egingo diegu maiatzaren 7a baino lehen egiten diren eskariei. Ez duzu eskaintza hau albo batera utzi nahiko, ezta?

Maillota eta kuloteak aparte erosteko aukera izango da baina baita osorik ere. Prezioak hauek izango dira:

– Maillot manga motza: 45 €. Eskaintzak dirauen bitartean 36 €!!!

– Kulote motzak: 65€. Eskaintzak dirauen bitartean 52 €!!!

– Ekipamendu osoa: 99€. Eskaintzak dirauen bitartean 79 €!!!

Eskariari bidalketa gastua gehitu beharko zaie (7€ izango da bidalketa gastua).

Tropela.netek 6 urte betetzen ditu gaur!

Gaur 6 urte betetzen ditu Tropela.net webguneak. 6 urte daramatzagu 2005eko Tourreko lehiaketa martxan jartzeko hasi ginenetik proiektuarekin lanean eta gustura hasiera hartan ez baikenuen aurre ikusten 6 urtez daramagun ibilbidea egingo genuenik.

Atzo 2011ko Euskal Herriko Itzulia jarri genuen martxan eta jaso genezakeen oparirik onena jaso dugu. 24 ordu ere ez dira pasa kiniela egiteko epea ireki dugunetik eta epe honetan 2.563 kiniela egin dira. Sekulako marka!

Eskerrik asko guztioi gurekin euskaraz txirrindularitzaz gozatzeagatik eta zorionik beroenak zuei guztioi gurekin parte hartzen jarraitzen duzuelako! Ia urte askotan horrela jarraitzen dugun!

Urte berri on! 2011ean Tropela gehiago!

Tropela.net Urte berri on guztioi!! 2010a urte oparoa izan da ba Tropelarentzat eta zuei eskerrak eman nahi dizkizuegu horretan lagundu izanagatik.

2010ean 9 lehiaketa antolatu genituen. 2010eko martxoaren 7an ekin genion lehen aldiz Paris-Niza lasterketarekin. Ondoren Euskal Herriko Itzulia, Ardenetako Hirukotea (hau ere berria), Italiako Giroa, Dauphine Libere (hau ere berria), Frantziako Tourra, Donostiako Klasikoa, Espainiako Vuelta eta Munduko Txapelketa izan ziren. Munduko txapelketan ere aldaketan izan genituen eta 2010ean erlojuaren kontrako saioa ere puntuagarria izan zen. Lehiaketa guzti hauekin Urteko Sailkapena osatu genuen.

Lehiaketa guztietan gutxienez 5.000 kiniela izan genituen 2010ean eta errekorra, orain arte izan den bezala, Frantziako Tourrean izan genuen 11.541 kinielarekin. Bataz beste lehiaketa bakoitzean izandako parte hartzaile kopurua 7.000 kinielatakoa izan zen. Urte guztian izandako kiniela kopurua, berriz, 63.102 kiniela izan dira.

Guztion artean sari ugari banatu genituen 2010ean ere: bizikletak, otorduak, maillotak, ekipamenduak,… eta guztia doako parte hartzea izan arren.

Blogari dagokionez, 143 berri idatzi ditugu 2010ean gure blogari taldeari esker eta hainbat iruzkin jaso ditugu. 2010eko berrikuntza Tourrean grabatutako podcast-ak izan ziren; ia 2011ean ere podcast-ekin jarraitzeko aukera izaten dugun.

Sare sozialetan ere aritu gara 2010ean. Facebook-en 1.307 lagun ditugu eta 1.425 lagunek gustuko dute Tropela. Twitterren, berriz, 234 jarraitzaile ditugu.

Google-etik ere datu batzuk atera nahi izan ditugu. 2010ean 982.000 bisitatik gora izan ditugu. Bisitari bakarrak 162.000tik gora izan dira eta 5.000.000tik gora izan dira deskargatutako orrialdeak. Datu bikainak direla iruditzen zaigu euskara hutseko webgunea izanda eta hau guztia zuen fideltasunagatik izan da. Eskerrik asko guztioi!

Dagoeneko 2011erako prestatzen

Sartu berri garen 2011ean berrikuntzak izango direla aurreratu nahi dizuegu. Webgunean bertan aldaketatxo batzuk egingo dira eta laster izango dituzue ikusgai. Sorpresaren bat edo beste ere izango da, beraz, adi izatea gomendatzen dizuegu.

Ia 2011a iazkoa bezain oparoa izaten den! Txirrindularitzaz elkarrekin gozatzeko prest izango gara 2011ean ere! Urte berri on!