Kategoria Artxiboak:Lehiaketak

#351 Tropela.eus podcastak: 2019ko Frantziako Tourra errepasoak – 10. eta 11. etapak

2019ko Frantziako Tourreko 10. eta 11. etapei errepasoa egiten die Egoitz Lizasok (@elizaso) podcast honetan. Cofidis eta Wanty bi egun hauetan izandako ihesaldietan protagonista izan direla kontatzen du, baina etapa garaipenak esprinterrek lortu dituztela: Van Aertek (TJV) eta Ewanek (LTS).

Gertakarien artean asteleheneko etapan, 10. etapan, nola haize babesak zenbait faborito moztuta utzi zituen kontatzen digu ia minututik gora galduz, eta nola ez, Mikel Landak (MOV) Barguilekin (PCB) izandako ezbeharra, 2 minututik gora galtzea eragin baitzion.

#350 Tropela.eus podcastak: 2019ko Frantziako Tourra errepasoak – 9. etapa

Gaur jokatu da 2019ko Frantziako Tourreko 9. etapa eta ihesaldia izan da protagonista. 15eko tropeltxoan euskal ordezkari bat izan dugun, Romain Sicard (TDE), baina etapa irabazteko gauza izan dena Impey (MTS) hego afrikarra izan da. Iheslariek 16 minutu inguruko tartea atera diote tropeltxo nagusiari, baina edonola ere Alaphilippek (DQT) jarraitzen du lider.

Hau eta biharko etapak eman dezakeenaren inguruan Egoitz Lizasok (@elizaso) grabatutako podcasta duzue hau.

#349 Tropela.eus podcastak: 2019ko Frantziako Tourra errepasoak – 8. etapa

2019ko Frantziako Tourreko 8. etapan ihesaldiak etapa garaipena lortu du. Laukote bat osatu da etapa hasieran, tartean De Gendt (LTS) etapa ehiztari eskarmentatua. Berak lortu du azkenean etapa garaipena. Faboritoen tropeletik ihes eginda Pinot (GFC) eta Alaphilippe (DQT) helmugaratu dira hurrenez hurren eta azken honek lidergoa berreskuratu du.

Etapa honen kronikatxoa eta biharkoa eman dezakeenaz hitz egiten du Egoitz Lizasok (@elizaso) podcast berri honetan.

#348 Tropela.eus podcastak: 2019ko Frantziako Tourra errepasoak – 7. etapa

2019ko Frantziako Tourreko 7. etapa esprintean erabaki da. Biko ihesalditxo bat osatu da Rossetto (COF) eta Offredo (WGG) txirrindulari frantziarrekin. Edonola, tropelak kontrolpean izan du ihesalditxo hori eta esprintean azkarrena Groenewegen (TJV) izan da. Lider Cicconek (TFS) jarraitzen du.

Aipatzekoa Van Garderenek (EFD) erorikoa izan eta lasterketa utzi beharrean izango dela.

Hau guztia eta 8. etaparen aurre analisia egiten du Egoitz Lizasok (@elizaso) podcast honetan.

#347 Tropela.eus podcastak: 2019ko Frantziako Tourra errepasoak – 6. etapa

Faboritoen arteko lehia espero zen gaurko Tourreko 6. etapa eta hala izan da. Hori bai, etapa garaipena, ordea, ihesaldian izan den Teunsek (TBM) lortu du eta lider berria, berriz, etaparen lehian izan den Ciccone (TFS) dugu tropel nagusiari ateratako errentari esker.

Faboritoen artean indartsuen Thomas (INS) eta Pinot (GFC) izan direla kontatzen digu Egoitz Lizasok (@elizaso) podcast honetan, biharko etapari errepaso txiki bat emateaz gain.