Euskara, teknologia eta txirrindularitza
Eneko Garate (@egarate), lban Perez (@piban) eta Egoitz Lizasok (@elizaso) 2012ko Italiako Giroaren bigarren asteaz eta datorrenaz aritzen dira podcast honetan:
– Azken astean izan diren esprint eta ihesaldiak
– Aste honetako bi liderrak: Purito eta Hesjedal.
– Noiz etorriko da faboritoen benetako ordua?
Kirol kazetari batek lelo bihurtu zuen honako esaldia duela urte batzuk : “Bizitza zoragarria izan daiteke”. Ezin aproposagoak dira hitzok Giroko gaurko etapa deskribatzeko. Balentria handia egin du Rabottinik. Ehun bat kilometro bakar-bakarrik egin ditu eta azkenean, etapa garaipena lortu du. Faboritoen artean, Rodríguez izan da onena eta maglia arrosa jantzi du berriro. Basso, Scarponi eta Kreuziger orpoz orpo sartu dira -14 segundoren bueltan da hirukotea-. Mikel Nieve eta Beñat Intxausti onenengandik oso hurbil helmugaratu dira. Pozzovivok, Uranek eta Rujanok, ordea, kale egin dute Pian dei Resinellin bukatutako etapan. Euria izan dute bidelagun ziklistek, eta oso ibilbide gorabeheratsua. Continue reading “Nola kontatuko diezu gaurkoa seme-alabei eta bilobei, Rabottini?”
Hauxe da Cavendishengan ikusten ez dugun aldea. Kamerak ez daudenean horrelakoak egiten dituela dirudi: taldeko auxiliarra aldapa gora bultzaka. Dakizuen moduan araudiaren kontrakoa da. Lehendik ere tropeleko zenbait txirrindularik salatu zuen Cavendish horrela ibiltzen dela.
Ingelesak Ferrari Girotik bidali behar zutela esan zuen publikoki. Hau ikusita, bera bidali beharko al lukete? Hau al da ostadar maillota daraman txirrindulari baten jarrera?
Axier Sukia (@sukigalp), lban Perez (@piban) eta Egoitz Lizasok (@elizaso) 2012ko Italiako Giroaren lehen asteaz eta datorrenaz aritzen dira podcast honetan:
– Espezialistak eta esprinterrek lehen astean izan duten papera.
– Gai izango al dira Purito eta Hesjedal orain artekoari eusteko? Frank Schleckek zalantzak eragiten ditu.
– Euskaldunak ematen ari diren itxura
Orokorrean, oraindik gogorrena etortzeko dagoela gogorarazi digute solaskideek.
Munduko txapelduna tropeleko txirrindulari azkarrena dela gutxik jartzen dute zalantzan. Giro honetan bertan, 7 bat etapa esprintean amaitu zitezkela esan zuen Cavendish-ek, baita 5 bat garaipen lortu zitzakeela ere. Momentuz kalkuluak nahiko ondo doaz, 3tik 2 zakura.
Irabazi ez duen etapa hori Danimarkan lehiatutako azkena izan zen, non Ferrari italiarrak mugimendu erratu batekin lurrera bota zuen britainiarra. Zurrunbilo mediatikoa izan da azken bi egunetan, Goss australiarrak irabazi zuela ere gutxi aipatu delarik.