« Ez baditut 304.800 euro lortzen hemendik urtarrila bitartean ez dut Paris-Niza antolatuko ». Ez dira nire hitzak, jakina, Laurent Fignon zenarenak baizik. 2002ko lehen egunetan botatakoak. Txirrindulari izateari utzi eta zenbait urtetan Paris-Nizaren antolakuntzako buru izan zen Fignon, eta sarean topatutako bere adierazpenok agerian uzten dute eguzkiaren lasterketak ere laino beltz-beltzak izan zituela. Badago Paris-Nizak duela bederatzi urte jasandako estutasunak zerekin lotu, ezta? Bai, Euskal Herriko Itzuliarekin. Paris-Nizaren kasuan, UCIko orduko presidenteak Hein Verbruggek lasterketa desager ez zedin ahaleginak egingo zituztela zin egin zuen; hurrengo urtean, Frantziako Tourra antolatzen duen elkarteak hartu zuen Paris-Nizaren gidaritza.
Continue reading “Eguzkiaren lasterketak ere laino beltzak izan zituen”
Kategoria Artxiboak:Analisia
#54 Tropela.net podcastak: Paris-Niza 2012. Ibilbidearen eta txirrindularien azterketa
Iban Perez (@piban), Iosu Garate (@iosugarate) eta Egoitz Lizasok (@elizaso) Paris-Niza 2012aren inguruan grabatutako podcasta duzue hemen. Podcast honetan lasterketaren ibilbideari so egiten diote eta nola ez, Tropelako kinielako txirrindulariei begira, gerta daitekeenaren inguruan azterketa egiten dute.
150.000€ aste honetan, bestela ez Itzuli ezta Klasikoa ere
Gaur informazio zehatzagoa eta zabalagoa argitaratuko du Diario Vascok gai honen inguruan. Oraingoz prentsa digitaletan aurreratu dutenarekin ari naiz idazten artikulu hau, baina ez dut uste askoz informazio gehiagorik irakurriko dudanik.
Sarean begira jardun dut eta harritu nauen lehen gauza transparentzia falta izan da gai honen inguruan. %40 eta %60 portzentajeak dantzan dabiltza artikulu ezberdinetan, baina ze diru kantitateri dagozkie portzentaje hauek? Iturri askotara jo dut, baita Euskal Herriko Itzuliko webgune ofizialera ere, baina ezin erantzun garbirik aurkitu. Transparentzia falta, beraz, gehiegizkoa antzeman dut.
Irakurri dudanaren arabera, Euskal Herriko Itzulia eta Donostiako Klasikoa antolatzearen aurrekontu osoa 1.050.000€ ingurukoa da (honatx iturria) 1.475.000€ da: 1.050.00€ Itzulia eta 425.000 Klasikoa (DVren atzoko artikuluan argitua). Ez dakigu zenbat den lasterketa bakoitzari dagokiona, ordea. Webgune ofizialetatik diru kontuen inguruan ikusi ditudan datu bakarrak sarietan zenbat gastatu den izan da: 2011ko Donostiako Klasikoan 41.650€ eta 2009ko Euskal Herriko Itzulian 93.750€ (2010 eta 2011koak ez dira agertzen eta horren arrazoia ez dakit zein den).
Continue reading “150.000€ aste honetan, bestela ez Itzuli ezta Klasikoa ere”
Txirrindularitzari diru publikoaren iturria ixten (2)
Eusko Jaurlaritzaren murrizketak lasterketa profesionaletara iritsi dira. Baita Euskaltel-Euskadi taldera ere. Patxi Mutiloak asteazkenez ETBSat-en honen inguruan azalpen asko eman zituen. Eta baita zentzuzko gauza asko esan ere. Txirrindularitza aipamenez gain, kirol profesionalaren finantzaketaren inguruko gogoeta interesgarriak ere egin zituen. Galdera politak behintzat utzi zituen airean.
Erakunde publikoek lasterketa profesionalak lagundu behar ote dituzten bere zalantzak agertu zituen. Unipublic antolatzaile pribatuen eredu bezala jarri zuela iruditu zitzaidan, Euskal Herriko Itzuliarekin alderatuz. Ez zaio arrazoirik falta Itzulia antolakuntza eredu bat ez dela esatean, hemen aurretik esan izan dugun zerbait, baina ahaztu egiten zaio Unipublic azken urteetan aurrera atera bada, babesle publikoei esker izan dela. Iaz, urrutira joan gabe, honakoak ziren Vueltako babesleak: Idae, Españarecicla eta Renfe.
Continue reading “Txirrindularitzari diru publikoaren iturria ixten (2)”
Zezenak dira, beltz-beltzak dira
Beno errepideko 2012 denboraldia amaitutzat eman dezakegu. Honezkero baditugu Giroaren eta Tourraren itzulien ibilbideen berri, baina eta Vueltakoa? Noiz pentsatzen dute Olanok eta konpainiak aurkeztea?
Badakigu Iruñan hasiko dela 2012ko Espainiako Itzulia (Bola del Mundo amaiera aldean izango du protagonismoa). Pasa den astean Diario de Navarrakoek elkarrizketa bat egin zioten Abraham Olanori eta bertan adierazi zuen lehen edo aitzin etapa horren inguruan ibilbide bat baino gehiago ari direla aztertzen (taldekako erlojuz kontrako saioa bat izango litzateke). Oso posiblea da San Ferminetako entzierroaren ibilbidearen zati bat sartzea. Zehatz-mehatz Estafetako bihurgunea (San Ferminetan zezen gehienak kurba horretan jauzi egiten badira, zer gertatuko zaie txirrindulariei erlojuz kontrako bizikletarena gainean!?!?)
Kontuan hartu behar dugu ibilbide honetan San Fermin bezperan korrikako lasterketa bat izaten dela, Bollywood-eko aktoreak egonda daudela pelikula bat grabatzen eta agian gauza harrigarrienetako bat: 1 Formula zezena balitz bezala egon zen Iruñako alde zaharreko kaleetan!! Eta orain, bizikletak zergatik ez?
Tropelzaleok beraz hurrengo egunetan, asteetan… adi egon beharko dugu. Uste dut polita izan litekeela datorren urteko Vueltako irteera. Iruña hiri polita da eta Nafarroak baditu paisai oso politak lasterketaren lehen etapetan ikusteko.