Euskara, teknologia eta txirrindularitza
Eneko Garate (@egarate) eta Egoitz Lizasok (@elizaso) 6. etaparen kronika egiten dute podcast honetan. Sky taldearen lan bikaina azpimarratzen da Boasson Hagenen garaipenean ondo aritu baita. Izan ere etapa hau esprinter indartsuentzat zen (Goss, Hushovd,..) eta ez Cavendish edo Farrar bezalakoentzat. Euskaldunen artean Gorka Izagirre aipatzen dute. Tropelako sailkapenari ere errepasoa egiten diote.
Gaurko etapa Gilbertek irabaziko zuela esaten genuen Tour honetako lehen podcastean eta hala gertatu da. Gaurkoa Gilberten emazteak urteak betetzen zituen eta opari ezin hobea zuen eskaintzeko.
Belgikako maillot berria soinean eta berari muxuak emanez helmugaratu da Gilbert. Cancellara saiatu da sorpresa ematen baina belgikarrak horrelako helmugaratzeetan gaindiezina dela erakutsi du berriro ere. Gainera gaurkoan saria laukoitza izan da berarentzat: etapa garaipenaz gain, liderraren maillot horia, erregulartasunaren berdea eta menduko puntu gorridun maillot zuria bereganatu ditu. Continue reading “#23 Tropela.net podcastak: Tourreko 1. etaparen kronika. Gilbert garaile espero bezala”
Zorionak guztioi!! Aurtengo Tourreko lehiaketan 12.739 kinielak hartuko dute parte Tropelaren lehiaketa honetan. Horrenbestez, aurten iazko 11.541eko marka gainditu dugu. Zaila izango da aurtengo marka hau gainditzea. Eta hau zuei eskerrak!!
Zorionak berriro ere Tropelan parte hartzeagatik eta zorte on guztioi!! Gozatu!!!
Podcast honetan Eneko Garate (@egarate), Iosu Garate (@iosugarate) eta Egoitz Lizasok (@elizaso) 2011ko Frantziako Tourraren ibilbideari errepaso bat ematen diote: aurreko edizioetatik aldatu dena, ibilbidearen egituraketa, puntuatzeko sistemaren aldaketa,… eta Tropelako kiniela egiten laguntzeko pista ugarirekin.
Tropela.net podkastak iTunesen ere bai!
Dagoeneko Tropela.net-eko podcastak iTunesen dituzue. Harpidetzeko aukera ere baduzue iTunesen ikonoari klik eginda.
Hau da askok egin duzuen galdera. Ez da harritzekoa, izan ere, Hautagai nagusien multzoan bi hautagai bakarrik daude, Contador eta Andy Schleck, eta biak A multzoan daude; nola da posible hori?
Aukeraketa-portzentajeen gaia oso eztabaidatua izan da Tropela.net sortu zenetik. Askok kentzea eskatu izan duzue txirrindularitzaz gehiegi ez dakienari mesede egiten diola argudiatuz. Beste hainbatek, ordea, portzentajeak defendatzen ditu ‘ez hain aditu izanik’ gida gisa lagungarri egiten baitzaie. Continue reading “Zer gertatzen da Tropela.net-eko portzentajeekin?”