Joan da euskal astea!

Joan da Aste Santua eta baita txirrindularitzaren euskal astea ere! Gure artean izan ditugu tropeleko ziklista indartsuenetako asko eta asko, batez ere, itzuli handietan lehiatzen ibiltzen direnak. Klasikozaleak, nola ez, udaberriko klasiko entzutetsuenetan (Flandes, Paris-Roubaix, Gante-Wevelgem…) dabiltza.

Egoi Martinez eta Gorka VerdugoEuskal Herriko Itzulian, hemengo proba nagusian, iazko Tourreko garaileak, Alberto Contadorrek, ez du aurkaririk izan. Beste guztiak baino koska bat gorago dago. Bai mendiko etapan (Arraten), bai erlojupekoan ere bera izan zen indartsuena, eta azken unera arte emozioa egon bada, ibilbidean oilarren arteko borrokarako aukera gehiago ez delako izan dela deritzot. Beharbada, azkenaurreko etapan liderra estutasunean jartzeko aukerarik bazen baina eguraldi txakurrak beste aurkariak ere kikildu egin zituela uste dut. Gainera, Astana taldeak egun horretan bere liderraren mesedetan egin zuten lanak eragin zuzena izan zuen oilarren artean izan zen barealdian.

Eguraldia oso kaxkarra izanagatik, ez dut ulertzen nolatan erretiratu daitekeen tropel erdia etapa bakarrean? Ezina ala beste probetarako indarrak gordetzen? Eskerrak profesionalak diren!!

Contadorrez gain espainiarrak nagusitu direla ere esan genezake. Lehen bost postuetan lau espainiar txirrindulari izan ditugu, tartean Cadel Evans australiarra 4.postuan sartuta. Continue reading “Joan da euskal astea!”

Contador jaun eta jabe Zallan

Alberto ContadorEspero bezala, Contadorrek erraz poltsikoratu du Euskal Herriko aurtengo itzulia. Itzulia eta bigarren etapa garaipena, bigarrenez jarraian. Eskerrak Samuelek erlojupeko txukuna egin duen ze bestela aurreratu egingo baizukeen. Maldan gora eta behera ziztu bizian joan da eta azkenean bigarren sailkatuari, Colomi, 30 segunduko errentarekin gailendu zaio sailkapen nagusian. Hori bai, aipatzekoa Colomek egindako erlojupekoa, Contadorrek mallorkiarra itzalean utzi badu ere, merezitako bigarren postua lortu baitu, bai etapan baita sailkapen nagusian ere. Samuelek podium egitea lortu du eta ez da gutxi izan (galtzerdietako eraztun olinpikoek lagundu al diote?). Evansek, berriz, espero baino maila baxuagoa eman du eta podiumetik kanpora geratu da ondorioz. Continue reading “Contador jaun eta jabe Zallan”

Contadorrek poltsikoan du itzulia

Gaurko etaparen ondoren, Contador da hautagai nagusia itzulia irabazteko. Zapatuko Zallako erlojupekoan (24 km) erabakiko da podiuma, eta lehia horretarako zazpi lagun daude: Contador, Samuel Sanchez (8 segundora), Evans (8 seg.), Colom (8 seg.), Cunego (27), Gesink (32) eta Luis Leon Sanchez (35). Izan ere, Kreuziger, Nibali, Casar eta Joaquim Rodriguezek 54 segundoko atzerapena dute eta Rogersek 1:11koa. Horiek ez dute zereginik podiumerako lehian.

2008_giro_d_italia_stage10_time_trial_alberto_contador_astanaAurten, hainbat erlojupeko izan dituzte jokoan. Paris-Nizako lehen etapan (9,3 km) Contador bera nagusitu zen; Luis Leon Sanchez 3.a izan zen (9 seg.), Colom 8.a (19 seg.), Evans 19.a (31 seg.) eta Samuel Sanchez 25.a (38 seg.). Algarven, 4. etapan 33,7 kilometroko erlojupekoa izan zuten eta hura ere Contadorrek irabazi zuen; Colom 10.a izan zen (1:27ra) eta Cunego 36.a (3:11ra). Gaztela eta Leonen, 2. etapan 28,2 kilometroko erlojupekoa izan zen eta Contador 2.a izan zen, irabazle Leipheimerrengandik 16 segundora. Tirrenon, 5. etapan 30 kilometroko erlojupekoan, Gesink 6.a izan zen, irabazle Klödenengandik 40 segundora. Kalifornian, Gesink 13.a izan zen, irabazle Leipheimerrengandik 1:15era.

dv293224Nire iritziz, Contador-Evans-Samuel Sanchez izango da podiuma, eta Colomek eta Luis Leon Sanchezek dena eman beharko dute podiumera inguratu gura badute. Cunegok eta Gesinkek, berriz, lehenengo hamarren artean sailkatzearekin nahikoa izango dute. 32 minutu inguruan ibiliko da erlojupekoaren irabazlea.

Argazkiak: Sirottti eta AFP Photo.

Multzoen azterketa (I). Hautagai nagusiak

2009. urteko aurreneko lehiaketa irabazi nahi duenak, aurreneko multzoan fin ibili beharko du txirrindulariak hautatzerako garaian. Bertatik lau gizon aukeratu behar direla kontuan izanda, garailea eta honek gertuen izango dituenak asmatzea ia ezinbestekoa izango da gainera. Baina honezkero partaideek soberan dakitena esaten gehiegi luzatu gabe, joan gaitezen harira, hots, multzoa osatzen duten txirrindulariak aztertzera.

cunego_evans

-    Alberto Contador: aurkezpenik ez du behar espainiarrak. Iazko Itzulian bera izan zen garaile, eta aurtengoan ere hautagai nagusitzat har daiteke. Aste bakarreko itzuli gehienetan bezalaxe, ibilbidea lagun izango du. Gauzak normal direla,  hartzen ez duenak hanka-sartze handi xamarra egin izango du.

-    Andy Schleck: anaietan gazteenak ez du oraindik berarengandik espero den mailarik eman aurten. Tirreno-Adriaticon baxu xamar azaldu da, eta horrek zalantzak sortarazten ditu bere sasoi-puntuari dagokionez. Gainera, erlojuaren aurkako saioan faborito gehienak baino ahulxeagoa da. Hori bai, berezko talentuak eta igoera motz baina gogorrek bere alde egiten dute. Arriskatu nahi duenak aukera hobeak ditu beste batzuengan dena den.

-    Antonio Colom: Itzulian podiuma zapaldutako gizona da mallorcarra. Denboraldi hasiera indartsua darama, eta berez hau zuen sasoiko lehen erronkarik nagusiena. Euskal errepideetan motibazio berezia topatzen du, eta horrek eta bere jarrera erasokorrak beste batzuekiko erlojuaren aurka gal lezakeen denbora berreskuratzen lagun liezaioke. Apustu fidagarria, baina podiuma zapaltzeko ere arazoak behar lituzke.

-    Cadel Evans: iragan urtean bezalaxe, Coppi-Bartali-n lortu du bere aurreneko garaipena australiarrak, dagoeneko onenen artean egoteko prest denaren seinale. Nekez ikusiko dugu erasoan, baina bere dohainak lasterketa irabazteko aproposak dira. Erabakiorra izango den erlojupekoan gutxi izango ditu aurretik. Apustu seguru antzekoa; Contador bera baino faboritoago da, baina hortik aurrera ez da Silence-Lottokoa bezain txirrindulari osorik. Continue reading “Multzoen azterketa (I). Hautagai nagusiak”

Armstrongen erorikoa

Ez, ez. Garrantzizkoa ez da gaur Joaquin Sobrinok Gaztela-Leongo lehen etapa irabazi izana, Armstrongen erorikoa baizik. Sprinter ezezagun batek ez du juxtuko aipamena baino gehiago merezi Armstrong notizia bada. Seguraski eroriko ez bazen ere ea Contadorren aurretik ala atzetik helmugaratuko zen izango zen notizia.

Aurtengoan Gaztela-Leongo lasterketak inoiz baino oihartzun handiagoa jaso du Armstrong zetorrelako, alde batetik, eta bestetik Contador taldekidearekin batera lehiatuko zuen lehen lasterketa zelako. ETBko adiskideak ere gustora ziren sortutako ikusminarekin, baina gaurkoan ikusmin hori Armstrongekin batera pikutara joan da.

Bat baino gehiago 2003ko Tourrean Joseba Belokik izan zuen erorikoaz gogoratuko zen. Ni behintzat bai. Orduko hartan Armstrongen bidezidorra hartu zuen (batzuen ustetan arauz kanpokoa) eta eroriko akidin zuen. Egun hartako abileziak Tourraren garaipena suposatu zion eta euskaldunon esperantzak bertan geratu ziren.

Gaurkoan, berriz, pattal xamar ibili dela dirudi. Beharbada orduan zituen erreflexuak ez ditu 37 urteko estatubatuarrak. Beharbada lasterketari ekiteko behar besteko motibaziorik ez zuen eta gehiegi erlaxatu da. Kontua da lepauztaia hautsita duela esan berri dutela. Johan Bruyneelen (Astana taldeko zuzendaria) arabera, eskubiko lepauztaiean haustura garbi bat izan du eta Armstrongek errekuperazioa azkarra izan dezakeenaren ustea duela adierazi du. Komeni zaio, bai, estatubatuarrari lehen bailehen hobetzea Giroan korritu (korritu diot lehiatuko ez duenaren uste osoa baitut) eta milioi bat euro jaso nahi baditu bere fundaziorako.