Errioxako Itzulian Kaiku nagusi

Ostiralean hasi eta gaur bitartean jokatu den Errioxako Itzulian Ricardo Serrano Valladolideko txirrindularia izan da garaile eta Kaiku taldekako sailkapenean.Ricardo Serrano

Atzoko etapa garaipena lortu ostean, Serrano sailkapen nagusiko lidergoarekin abiatu da Logroñoruntz eta Kaiku taldearen lan handiari esker, itzulia bereganatzea lortu du. Kaikuren talde lana aipatu beharrekoa da, izan ere lasterketaren kontrola eramateaz gain, Karpets errusiarrak helmugarako 40km falta zirela ihesaldia jo baitu Bernedoko gainerako maldatan. 18 segundoko abantaila behar zuen Karpetsek Serranorekiko itzulia bereganatu nahi bazuen. Etapa hasieratik ihes egindako taldetxora heltzea lortu badu ere, Kaiku maldan behera erritmo bizia ezarri du eta Karpetsek irabazitako 20 segundoak 10 izatera pasa dira helmugarako 15kmren falta. Karpets amore eman beharrean aurkitu da eta 10kmren faltan iheslariak harrapatuak izan dira.

Jada Kaikuk garaipena ziurtatuta zuela, taldetxo bat etaparen garaipenaren bila abiatu da eta bertan garaile Manuel Velázquez izan da.

Honenbestez, Kaikuk denboraldi honetako hirugarren etapa garaipena lortu zuen atzo eta denboraldiko lehen itzulia gaurko garaipenarekin.

UCIren buruhausteak

Azken urteetan Tom Boonen belgikarra marka guztiak hausten ari dela gauza jakina da, baina ba al zenekiten UCIren buruhauste Boonenhandienetakoa ere bera dela? Une hauetan bertan, Quick Step, bere taldeko maillotaz gain, ortzadar maillota (iaz munduko txapelketa irabazi zuenaren adierazlea) eta ProTourreko liderraren maillot zuria ere berak eraman behar ditu soinean. Badirudi azken bi maillot hauetako zeinek duen garrantzi gehiago erabakitzeko arazoak daudela eta nahiz eta ziurrenik igande honetan Boonenek ProTourrreko lidertza galtzea posible izan, soluzio bat aurkitu nahi izan diote “arazoari”. Ze soluzio? Biak nahastuko dituen beste maillot bat sortu eta aurrera. Irudian ikus dezakezue belgikarrak ze maillotekin hartu duen parte azken lasterketetan. A ze saltsa! Eta eskerrak bi maillotetako kolore nagusia zuria den bestela ez dakit zerren itxura hartuko zuen Boonenek…

Euskaldunak bikain Belgikan

Huy muinoaFlèche Wallonne proban atzo euskaldunek egin zuten lana aipagarria izan zen. Hasteko, eguneko ihesaldian, Jose Luis Arrieta (Ag2r) sartu zen eta hor ibili zen kilometro mordoska batean iheskide batekin. Bitartean indartsuenen pelotoian gutxi ziren erasotzera ausartzen zirenak eta horietako bat Koldo Gil nafarra (Saunier Duval) izan zen. Saiakera bat baino gehiago egin zituen gainera eta indartsu dagoela erakutsi zuen.

Azken kilometroko igoerara indartsuenen taldea batera iritsi zen eta Huy-ko hormara hirugarren eta azken igoera gogorrari hasiera eman bezain laister Iban Mayok (Euskaltel) jo zuen lehen erasoa. Ez zuen askorik iraun buruan berehala beste txirrindulari batek egin baitzuen aurrera. Nork? Igor Astarloak… “Euskaldunak bikain Belgikan” irakurtzen jarraitu

CDak ere zaharkitzen

Asko gara MP3 erreproduzigailuak erabiltzen ditugunak musika entzuteko. Eta ez da harritzekoa, izan ere txikiagoak, arinagoak, bateria iraupen luzeagokoak eta prezioz egokiak baitira.Bada dirudienez, hau da arrazoia CDak apurka-apurka alboratzen uzteko.

CDakGOR diskoetxeko arduradunen esanetan, CDak hilak daude eta aurrerantzean beste era batetako salmentei ekin beharko zaiola. Hauen artean internet bidezko deskargak leudeke, Apple enpresak iTunes programaren bidez egiten duen bezalakoa. Abestien kostua 0,99 eurotakoa da eta disko osoa nahi izatekotan 9,99 euro ordaindu beharko lirateke. Disko batekin alderaturik, sei eta hamar euro merkeago izango litzateke internet bidezko erosketa. Ordainketa erari dagokionez, aurre ordainketako txartelak erabil daitezke,15 eta 25 eurotakoak.

SGAEk bestela uste badu ere, CD birjinak datu pertsonalak edota lanak gordetzeko erabiltzen ditugu oraindik ere, eta disko dendatan diskoak saltzen jarraitzen dute, baina CDaren etorkizun hurbila zein izango den argitzen ari da.

Euskal Herriko Itzulia Gomez Marchanterentzat

Inor gutxik espero lezakeen emaitza batekin amaitu da aurtengo Euskal Herriko Itzulia. Gomez Marchanteren garaipena ezustekoen artean sartzeko modukoa dela esan daiteke, nahiz eta 6 egunetan, gizonik indartsuena ez dakit baina indartsuenetako bat dela erakutsi digun. Orain arte ez zuen erlojupekoetan larunbatean erakutsitako mailarik agertu baina beste zenbait txirrindularirekin gertatu izan ohi den bezala, duen gaztetasunak bere akatsak hobetzeko astia ematen dio eta dirudienez aurtengo neguan Estatu Batuetan eginiko froga aerodinamikoek emaitza onak eman dituzte.marchante.jpg

Bere atzetik Valverde sailkatu da. Honen kasuan ere pixka bat harrigarria lortutako emaitza. Asko ziren etapa bat edo bi irabazteko gai zela iragartzera ausartzen zirenak, gutxi ordea erlojupekoan eman zuen maila emango zuela aurreratzera ausartu zirenak.

“Euskal Herriko Itzulia Gomez Marchanterentzat” irakurtzen jarraitu