Tropela.eus bloga

Urtero bezala ESAIT-ek, Euskal Selekzioaren aldeko iritzi taldeak Pirinioetan festa itzela antolatu du Frantziako Tourra Euskal Herritik pasatzen delako. Hori dela eta, Euskal Herriko mugan, Soudet gainean gune bat montatuko dute eta bertan uztailaren 11ean eta uztailaren 12an euskal giroan ongi pasatzeko aukera izango da.

Egitaraua:

uztailak 11 – arratsaldeko 18:00etan
Euskal jaia: esait gunean (soudet gaina)
· Gazta, txistorra, sagardoa eta garagardoa.
· Trikitixa
· Toka

uztailak 12 – goizeko 10:00etan
VI. Bizikleta martxa
· Santa grazi- soudet gaina (11 km)
· Hamaiketakoa eta material zozketa esait gunean

“Euskal selekzioaren aldeko VI. bizikleta martxa” irakurtzen jarraitu

Aurreko urteetan aurreneko erlojupekoak argi eta garbi uzten zuen zein txirindulariren artean izango zen Tourreko garailea. Bertan Armstrong, Ullrich eta konpañiak euren indar erakustaldiak egin eta sailkapeneko aurreneko lekuetan kokatzen ziren, askotan Paris arte bertatik mugitu ere egin gabe.

Aurtengoan ez daukat hain garbi horrelakorik gertatuko denik. Landis eta batez ere Honchar, erlojupekoan beste guztien gainetik agertu dira baina ez dute lehen aipatutako txirrindularien ziurtasunik ematen gainean dugun mendiari begira. Pertsonalki, nahiz eta erlojupeko eskasagoa egin Honchar eta Landis baino hobekiago kokatuak irten diren txirrindulariak daudenaren iritzikoa naiz. Menchov, Evans, Karpets, Sastre edo Kloden, adibidez, oso arriskutsuak ikusten ditut. “Gauza gutxi argitu duen erlojupekoa” irakurtzen jarraitu

Ezin esan orain arte Tourra hasi gabe zegoenik esprint ederrak ikusteko moduan izan baikara, baina, hala ere, sailkapen nagusirako borrokarik ikusteko modurik ez zuen eskaintzen ibilbideak.

Gaur erlojupeko garrantzitsu batek emango dio borroka horri hasiera. Armstrong eta Ullrich falta dira tropelean, beraz, Tourreko erlojupekoetako irabazle berri bat izan dezakegu gaurkoan, Zabriskiek iazko 19 Km-tako hasierako erlojupekoko garaipena errepikatu ezean. Armstrong estatu batuarra falta izan arren, gaurkoan bere herrikideren batek irabaziko ez balu asko harrituko nintzateke, bertakoak baitira Zabriskie bera, Hincapie, Leipheimer eta Landis txirrindulariak. Estatu batuar hauen artean sartzeko beste txirrindulari batzuren izenak aipatzeagatik Rogers, Evans edo Kloden aipatu beharra dago, ondo daudenean eta euren eguna dutenean, edozein erlojupekotan irabazteko adinako maila dutelako. “Benetako Tourra hastear!” irakurtzen jarraitu

Askotan Tourreko ibilbidearekin kexu azaldu izan naiz eta orain arte izan diren etapek arrazoia ematen didatela uste dut. Ez dakit zer deritzozuen zuek baina nik ez dut batere gustuko etapa baten amaiera zein izango den jakiteak. Bai, egia da esprintetan irabazle desberdinak ikusi ditugula baina ni behintzat ez nau asetzen, etapa hasieran ihesaldi bat sortuko dela, tropelak eurekin jolastuko duela eta azkenean sprinta izango dugula jakiteak. Eta egia esateko, esprintak txirrindularitza barruan egon daitekeen ikuskizunik politenetakoa dira baina hortik egunero egunero gauza berbera ikusteak aspertzera narama. Askotan esaten da txirrindularitza oso zale ez den batek bazkal osteko siestak botatzeko baliatzen dituela telebistako emankizunak eta etapa hauek ikusita ez nau harritzen. Nahikoa luke azken 5 kilometroetan esna izatea. “Tour hasiera “lehorra”” irakurtzen jarraitu

Hushovd-ek prologoa irabazi zuen sorpresa emanaz, McEwen-ek 2 esprint irabazi ditu eta gaur, Freire izan da azkarrena.

Beraz, argi dago, bihar Tom Boonen munduko txapeldun handi horri tokatzen zaio besoak altxatzea. Juanma Garate taldekideak, berriz ere lan mordoska bat egin beharko du eguneko ihesaldia bertan behera botatzeko (konturatzen al zarete zenbat kostatzen zaion tropelari bizpahiru txirrindulariko ihesaldia bertan behera botatzea?) eta esprintean, liderra, maillot horia nagusituko da. Ez daukat zalantzarik. Gainera gaur bizarra moztu gabe zegoen belgikarra baina bihar ondo afeitatuta irtengo da, bai noski.

Gaurkoari buruz, ez dago ezer berezirik kontatzeko: ihesaldi bat, erorikoren bat eta esprinta. Esprintean Freire espainiarra nagusitu da eta TVE-koei irrifarra atera zaie, asteartean beraien izarra, Valverde, erretiratu ondoren nahiko triste baitzeuden.

Euskaldunak ere pozik egoteko moduan gara Iñaki Isasi (Euskaltel) hirugarren postuan sailkatu baita Freire eta Boonenen atzetik. Sailkapen nagusiko lehen euskalduna, berriz, Egoi Martinez (Discovery), azken kilometroetan erori egin da eta pare bat minutu galdu ditu. Ea erlojupekorako errekuperatzen den. Orain, Haimar Zubeldia da lehen euskalduna. “Bihar Boonen-ek irabazi baietz” irakurtzen jarraitu