Adi! Txirrindulari batzuk ez doaz Vueltara

TropelaUrteroko kontua da baina badaezpada abisatzea erabaki dugu. Gure zerrenda inoiz ez da aldatua izango argitaratzen den unetik. Gainera zerrenda lehenbailehen argitaratu nahi izaten dugunez oraindik zein txirrindularik parte hartuko duten jakin gabe egin behar izaten dugu zerrenda eta baita multzoak ere.

Vuelta 2006Laguntza moduan azkenean joateko asmorik ez dutenak gorriz jartzen ditugu baina egun batetik bestera gorriz daudenen zerrenda aldatu egiten da jasotzen ditugun berrien arabera (gorriz dauden batzuk azkenean berdez ere bukatu izan dute). Hori dela eta beti aholkatu ohi dugu azken unean zuen txirrindulari zerrenda errepasatzeko.

Adibide moduan txirrindulari batzuk jarri nahi genituzke ziurrenik azkenean ez baitira Vueltan izango, eta jende dezentek aukeratu ditu. Oscar Freire eta Alberto Contador azkenean ez dira Vueltan izango, beraz, aukera hori egin duzuenoi zuen kiniela aldatzea komeni zaizue. Moncoutiek ere ez du parte hartuko eta beste ezustekoren bat ere izan daiteke.

“Adi! Txirrindulari batzuk ez doaz Vueltara” irakurtzen jarraitu

Espainiako Vueltako lehiaketa martxan

Duela ordu batzuk jarri dugu martxan jada ezaguna duzuen Tropela lehiaketa. Arauak orainVuelta 2006 arteko berak. Espainiako Vuelta abuztuko azken asteburuan hasiko da, larunbatean, baina Tropelako lehiaketan izena emateko epea igandeko etapa, 2. etapa hasi arte luzatu da, lehen etapa taldekako erlojupeko labur bat baita. Hori dela eta lehen etapa honek ez du punturik banatuko.

Beraz, badakizue, ez lo hartu. Gero lagunartean 3 astez gozatu ahal izateko orain zuen txirrindulari taldea osatzeko aukera duzue eta taldea prestatzeko 10 eguneko epea duzue. Zuen kontu zuen ingurukoei animatzea!

Urtero bezala, proba honetan espainiarrak eta urtean zehar emaitza onak lortu ez dituztenak elkartuko dira. “Espainiako Vueltako lehiaketa martxan” irakurtzen jarraitu

Gorosperen amaiera Euskaltel-Euskadin

Julian GorospeAtzo plazaratu zuen taldeko zuzendaritzak berria prentsa ohar baten bidez. Julian Gorospe hamar urteren ostean taldeko egituretatik kanpo geratuko da urte amaieran.

Jakina zen Igor Glez. Galdeano taldera etorri zenetik Gorospe eta bien arteko harremana ez zela onena. Pentsa liteke hori izan dela erabaki hau aurrera eramateko arrazoia, baina taldea berregituratzeko asmoa agertu du taldeak eta proiektu berri honetan ez dute Gorospe taldean ikusten.

Argitaratu denaren arabera, Juliani atzo Derioko bulegoetara joateko deia egin zioten. Bertan Madariaga eta Galdeanorekin bildu zen eta bi minutu inguru iraun zuen bileratxoan erabakia jakinarazi zioten. Emandako arrazoiak, aurrez aipatutakoak.

Gorosperen hitzetan bera lasai dago. Hamar urte izan dira taldean eman dituenak, maillota txuri-gorri-berdea zenetik Tourrean korritzera ailegatu den talde laranja osatu eta sendotu arte. Bera gauzak ondo egin dituelakoan dago nahiz eta askotan txirrindulariekin bigunegi izatea egotzi; txirrindulari bat gaizki aurkitzen bada ezin ziola exijitu argitzen du. “Gorosperen amaiera Euskaltel-Euskadin” irakurtzen jarraitu

Euskaltel-Euskadiren erakustaldia Urkiolan

Mayo Urkiolan irabazle helmugaratzenAspaldi ez genuen ikusten Euskaltel-Euskadi horrelako erakustaldirik ematen. 2003 eta 2004 urteetako garaiak ekarri zizkidan gogora. Egia da Urkiolako Igoera ez dela garai batekoa eta ProTour mailatik oso urrun dagoela baina zaletuak gozatzeko horrelako lasterketa batzuk irabaztea inoiz ez dator gaizki. Talde laranja proba irabazteko talde sendo batekin etorri zen eta aurkari gutxi izan arren Valverde, Karpets, Ricco, Pecharroman, Serrano eta abar ere proba hori irabazteko asmotan etorriko ziren. Azken igoeraren aurretik izandako erorketak ere asko lagundu zion taldeari hautagaietako batzuk indar asko xahutu behar izan zituztelako tropelera itzultzen.

Gauzak honela Iban Mayok ez zuen aurkaririk izan Urkiolako Igoera irabazteko. Euskaltel-Euskadiko liderra gorputzaldi onean da, ezinhobean esango nuke, eta hau bai buruz eta bai hankaz ongi dagoenean geldiezina da. Eta denok dakigun bezala, liderra ongi dabilenean talde osoa ere askoz hobeto ibiltzen da eta halaxe izan zen.

Taldeko guztiek “Euskaltel-Euskadiren erakustaldia Urkiolan” irakurtzen jarraitu

Euskal Herriko bigarren proba handia

Garate gaineanEuskal Herriko Itzuliarekin batera Donostiako Klasika da hemen etxean jokatzen den beste proba nagusia. Bihar da egun handia eta urtero bezala txirrindulari on mordoska bat etorriko dira egun bakarreko proba honetan lehiatzera. Gainera, UCI-k iaz abian jarri zuen ProTour horretako lasterketa bat denez talde indartsu guztiak elkartuko dira bertan eta baita etxeko beste taldea ere, Kaiku, antolatzaileen gonbitea jasota.

Ibilbide aldetik azken urteetako bera izango da aldaketa txiki bakarrarekin, getariatik Garate gaina igo beharrean (argazkikoa), zarauztik zuzenean Meagara igoko dira, getariatik pasa gabe. Horren arrazoia: bidea erorita dagoela eta ia urtebete daramatela konpontzen hasi gabe. Oraintxe hasi omen dira konpontzen.

Beraz, urtero bezala bukaera samarrean dagoen Jaizkibelgo igoerak puskatuko du lasterketa eta hortik helmugara, igoeran sortutako taldetxoetan ea zelan konpontzen diren eta nor den indartsuena eta nola ez, zein den argiena, ikusi beharko dugu. Batzuek bakarrik iritsi nahiko dute eta azkar samarrak direnek taldetxoa osorik iristea nahiko dute helmugara. Oraindik erasorako aukera izango da Gurutze gainean eta “Euskal Herriko bigarren proba handia” irakurtzen jarraitu