#102 Tropela podcastak: Frantziako Tourra 2015. Txirrindularien azterketa

Tourreko Hautagai NagusiakPost honetan Andoni Aranzabal (@seibol4), Eneko Garate (@egarate eta Egoitz Lizasok (@elizaso) grabatutako podcasta aurki dezakezue. Podcast honetan 2015eko Frantziako Tourreko kiniela errepasatzen dute. Hona hemen jorratu diren gai nagusiak:

– 26 txirrindulariko kiniela handiegia?
– hirugarren eta laugarren multzoetak sailkapen nagusirako txirrindulariak kontutan hartu?
– azkarretan Bouhanni baja izan daiteke
– ehiztarien artean aukera politak daude
– “besteak” multzoan txirrindulari interesgarriak aurkitzen dira

“#102 Tropela podcastak: Frantziako Tourra 2015. Txirrindularien azterketa” irakurtzen jarraitu

Tropela APP-a hemen da!!!

tropela app

tropela appAzkenean bai, hemen duzue Tropelaren APP berria, bai Android bai iPhone gailuetarako ere!!!

Aspalditik genbiltzan Tropelaren mugikorretarako APP-a garatu eta argitaratzeko gogoz eta asmoz, baina ez da posible izan gaur arte. Buru belarri aritu gara lanean eta honatx emaitza. Bazen ordua, ezta? Guk ere hori uste dugu :-)

APP-ak babesle nagusi bat du, Laboral Kutxa hain zuzen ere. Dakizuen moduan, iaztik Laboral Kutxa Tropelarekin elkarlanean ari da gure proiektuarekin bat egin eta aurrera egiten laguntzen. Aurten Euskal Herriko Itzulian, Italiako Giroan eta orain Frantziako Tourreko lehiaketan Laboral Kutxaren babestutako sailkapena izango dugu. Baina horrez gain, APP-aren babesle nagusia da. Gure eskerrik beroenak Laboral Kutxari gugan jartzen ari den konfiantza guztiagatik!

APP-aren bertsio hau lehen pausua da eta ibilbidea hasi besterik ez du egin. Konponketak (seguru zuzendu beharreko gauzak ditugula!) eta hobekuntzak etorriko dira, ideia asko baititugu eta denak ezin ba batera gauzatu!

Eta prezioa? DOAN!!!! Bai, guztiok erabili ahal izango duzue zuen mugikorretan eta Luxuzko Gregario bazarete funtzionalitate gehiago izango dituzue.

Zeren zain zaudete APP-a zuen mugikorretan instalatzeko? Edozein iradokizun, komentario,… idatzi lasai edo bidali emailez nahiz Facebook edo Twitter bidez eta kontutan izango ditugu, orain arte jaso ditugun guztiak kontutan izan ditugun moduan.

On egin!

 

tropela appstore

tropela google playstore

Bi handiak

Pare bat hilabete pasa dira urteko zita garrantzitsuena den Frantziako Tourrera begira itzuli handietako lau handien prestaketa nola zihoan aztertu genuenetik. Ordura arterakoan Quintana zen beharbada emaitza onenak zituenak, eta Contador berriz exkaxenekin zena. Bi hilabete hauetan ordea gauzak aldatu dira, majo gainera.

Pintoko txirrindulariak Giroa irabazi du, bere bigarrena, guztira bere zazpigarren itzuli handia izan dena. Marka itzela dudarik gabe.

“Bi handiak” irakurtzen jarraitu

Tropela podcastak: Frantziako Tourra 2015. Ibilbidearen azterketa

2015ko Frantziako Tourra. IbilbideaPost honetan Imanol Lluciak (@ImanolLlucia, SubiendoPuertos.com) eta Egoitz Lizasok (@elizaso) grabatutako podcasta aurki dezakezue. Podcast honetan 2015eko Frantziako Tourraren ibilbidea errepasatzen dute. Hona hemen jorratu diren gai nagusiak:

– eskalatzaileentzako ibilbidea al da?
– hiru bloketan banatutako ibilbidea
– Galibierrera igoera kolokan

“Tropela podcastak: Frantziako Tourra 2015. Ibilbidearen azterketa” irakurtzen jarraitu

Tropela denda ireki dugu!

Tropela dendaTropela ezagutzen duzuenok badakizue ez dela gauza berria maillot, txapela edota kamisetak saltzen dituguna, baina beti faltan bota izan dugu salerosketarako modu egoki bat. Azkenean atal berri batean denda sortzea erabaki dugu eta jada irekita duzue!

Gainera denda estreinatzeko produktu berriak ditugu, batez ere orain domeinu berria dugulako, tropela.eus. Hauek dituzue:

– tropela.eus ekipamendu berria, maillot eta kuloteak. Aurreko diseinuaren hariari jarraituz, diseinu berri bat egitea egokia zela pentsatu genuen. Espero dugu gustuko izango duzuela.

– tropela.eus txapelak.

– Luxuzko Gregarioen bidoiak.

– kamisetak, gizon nahiz emakumezkoentzat.

Lehendik genituen produktuak beherapenekin aurkitzen dira. Gainera, Luxuzko Gregario bazarete, deskontu gehigarriak izan ditzakezue, * ikurrarekin aurkitzen diren produktuak hain zuzen ere.

Espero dugu denda gustuko izango duzuela eta batez ere produktuak. Gogoan izan salmenten irabaziak Tropelaren proiektuak aurrera egiteko erabiliko direla, beraz, ez izan zalantzarik eta animatu zure eskaria egitera!