2016a badoa eta 2017a hasterako berri azpimarragarri bat eman beharrean gara. Izan ere, askoren ezustekorako, baita UCI berarentzat ere -ez du aipamenik egin oraindik ekimen honetaz, baina zerbait esango duela espero da-, elite mailako lehen lasterketa mistoa jokatuko da gure lurretan, Euskal Herrian.
Iparrorratza faltan
Beharbada denboraldiaren azken txanpan gaudelako izan da, baina Oleg Tinkoffek Contadorri eskainitako ‘agurrak’ ez du tarte zabalegirik hartu inguruko komunikabideetan edo irudipen hori dut nik behintzat. Dakizuenez, Contadorrek Trek taldean korrituko du 2017an eta Tinkoffek, bere aldetik, txirrindularitza utzi du. Baina ‘joan’ aurretik, epelak bota dizkio txirrindulari espainiarrari. Besteak beste, Contadorrek Treken talde giroa gaiztotuko dutela eta hobe zuela erretiroa hartzea adierazi du. Contadorrek Tourra ez duela berriro irabaziko gaineratu du. Ez da lehen aldia izan, gainera. 2013ko denboraldian, bere soldata aintzat hartuta, gehiago egin behar zuela bota zion taldeko ugazabak… sare sozialetan. “Iparrorratza faltan” irakurtzen jarraitu
Rosa bizikleta jaso ezinda
Atzokoan Chavesek (OBE) indartsuena zela erakutsi zuen naiz eta Uranentzat (CDT) egoera egokia izan azken metroetan, Rosarekin (AST) batera osatutako hirukoan azkarrenak berak beha baitzuen izan.
Lasterketa ikaragarria ikusi genuen. Denboraldiko azken monumentuak ez zuek hutsik egin ikuskizunari zegokionez. Oraindik 60 kilometro inguru falta ziren Carusok (BMC) lasterketa burua hartu zuenean eta tropel nagusian 40 bat kide bakarri geratu zirenean. Ordurako lasterketan aldaketak izan ziren eta gero gehiago nagusien tropelean erasoak izan zirenean. Une erabakigarrietako lehena Valverde eta Chavesen erasoek tropel nagusi hori bitan egin zuenekoa izan zen, baina ez guztiz erabakigarria. Izan ere atzeko tropeltxoan geratu zen Uran eta aurrera egiteko gai izan zen aurreko faboritoekin bat egiteko. Aurreko tropeltxoaren buruan lanean Rosa ikusi genuen lanean Aruren (AST) alde, gero protagonistetako bat izan zen txirrindularia. “Rosa bizikleta jaso ezinda” irakurtzen jarraitu
Italiako udazkena
Txirrindularitza zale bat baino gehiagorentzat Espainiako Vuelta da denboraldiaren azken muga. Urteko bidaiaren azken geltokia. Hortik aurrera, akaso Munduko Txapelketari bistadizoa… eta oporrak hurrengo urtera arte. Italian baina, lasterketa asko antolatzen dituzte iraila bukaeran. Klasikoari klasikoa. Hala, Bennatik irabazi du Toscanako Giroa eta Colbrelli nagusitu berri da Sabatini Kopan. Giro dell’ Emilia, berriz, Chaves kolonbiarra -zer nolako denboraldia daraman Oricak, alajaina!- gailendu zaie Bardet eta Urani. Emakumezkoetan ere jokatu dute proba hau eta Longo Borghinik irabazi du-Ane Santestebanek parte hartu du eta 68. postuan buatu du-. “Italiako udazkena” irakurtzen jarraitu
Haiena izango da hitza
Espainiako Vueltan ez dago gazteen sailkapenik, baina ondorengo lerrootan, denboraldiko azken itzuli handian nabarmendu diren kimuetako batzuk zerrendatuko ditugu. Orica taldeko Simon Yates (24 urte) onena izan da gazteen artean sailkapen nagusian. Adam anaia gazterik onena izan zen Tourrean eta Simonek ere maila izugarria duela erakutsi digu; etapa garaipena, erakustaldia Aubisqueko etapan eta, itxura batean azken astea luze egin bazaio ere, seigarren. postuan azken sailkapenean. Ez ahaztu Ordiziako lasterketa irabazi zuela uztaila bukaeran eta Getxoko zirkuituan bigarren sailkatu zela. “Haiena izango da hitza” irakurtzen jarraitu