Ibanek (@piban) 2017ko Frantziako Tourraren 13. etaparen mini podcast hau grabatu du. Etapa motza baina zirraragarria izan dela kontatzen du. Barguilek (SUN) irabazi du etapa azkenean, baina Mikel Landa (SKY) protagonistetako bat izan dugu. Murgiarra orain 5. da sailkapen nagusian. Aruk (AST) jarraitzen du maillot horiarekin.
Kategoria Artxiboak:Txirrindulariak
Eider Merino: “Nire burua munduko onenekin parez pare ikustea ikaragarria izan zen” (elkarrizketa)
Ikusgarritasuna merezi du emakumeen txirrindularitzak. Ez da aldarrikapen bat, errealitatea baizik. Tropela webguneak emakumeen egutegiko hainbat proba sartzea erabaki zuen, eta urtetik urtera gehiago dira. Horri esker, geroz eta ezagunagoak zaizkigu hemengo zein kanpoko txirrindulariak.
Joane Somarribak eta Leire Olaberriak ikusgarritasuna eman zioten, eta gaur egun, badira beste hainbat aipamena baino gehiago merezi dutenak. Ane Santesteban gipuzkoarra hedabideetan ikustera ohitu garen bitartean –albiste on eta ez hain onekin–, harrobi polita dugu gurean.
Eider Merino (Lointek) gazte bizkaitarra da belaunaldi berriaren eredu esanguratsua. Emakumeen Biran maila harrigarria erakutsi zuen Balmasedako txirrindulari txikiak. Errenteriako azken etapan onenekin aritu zen, eta laugarren bukatu zuen etapan, eta sailkapen nagusian. Iragan hurbila, oraina eta etorkizuna izan dugu hizpide berarekin.
Elite mailako zure lehen denboraldia egiten ari zara. Nabaritu duzu aldaketarik pasa den sasoitik?
Emakumeetan ez dago aldaketarik elite eta 23 urte azpiko kategorien artean, lasterketak berdinak direlako. Beraz, ez, ez dut ezer ezberdina nabaritu, bakarrik ez duzula 23 urtez azpiko mailaren saria jasotzen (barreak). Continue reading “Eider Merino: “Nire burua munduko onenekin parez pare ikustea ikaragarria izan zen” (elkarrizketa)”
#195 Tropela.eus podcastak: 2017ko Frantziako Tourra errepasoak – 8. etapa
Egoitzek (@elizaso) prestatu du 2017ko Frantziako Tourreko 8. etaparen mini podcast hau. Bertan Calmejanek (DEN) aste osoan saiatu ondoren etapa garaipena eta mendiko maillota lortu dituela kontatzen digu. Faboritoei dagokienez, aldiz, aldaketarik gabe eta Froomek (SKY) jarraitzen du lider.
#191 Tropela.eus podcastak: 2017ko Frantziako Tourra errepasoak – 4. etapa
Ibanek (@piban) egin du 2017ko Frantziako Tourraren 4. etaparen mini podcast hau. Etapa garailea Demare (FDJ) izan bada ere, Ibanek Sagan (BOH) eta Cavendishen (DDD) arteko erorikoaz mintzatzen da. Honezkero jakingo duzuen moduan gertakari honen ondorioz Sagan Tourretik bidali dute.
#188 Tropela.eus podcastak: 2017ko Frantziako Tourra errepasoak – 1. etapa
Düsseldorfetik abiatu da Frantziako Tourraren 104. edizio hau. Eguraldia ez dute lagun izan eta ondorioz Ion Izagirrek (TBM) eta Valverdek (MOV) izan dituzten erorikoen ondorioz lasterketa utzi beharrean izan dira. Azkarrena Thomas (SKY) izan da eta bera da lider berria Ibanek (@piban) podcast honetan kontatzen digun moduan.