2022ko Itzulia Washingtonetik abiatuko da [inozentada]

Aspaldidanik ari ziren RCS Sportekoak, Italiako Giroa arduratzen duen enpresakoak, Giroren baten abiagune Washington hiria izateko lanetan. Ez Giroa, ez Vuelta ezta Tourra ere ez dira amerikar kontinentetik lasterketa bat abiatzeko gauza izan. “Gu, ordea, bai!” aipatzen zigun Julian Eraso Itzuliaren arduradun nagusiak harrotasunez. “Aspalditik genuen geuk ere horrelako zerbait egiteko gogoa, eta pandemiarekin aurreztu genuen diruaz baliatuz, momentua orain zela erabaki genuen”.

Bi zailtasun nagusi izan dituztela aipatzen zigun, hizkuntzarenaz gain. “Prentsa arduradunak ez daki euskaraz, baina gazteleraz oso ondo, eta ingelesez ere moldatuko zela Google Translator edo ez dakit zein interneteko zerbitzuren bat erabiliz. Horrela, azken teknologiak erabilita, eta noski, zenbait bazkari oparoren laguntzaz, akordioa ixteko gai izan gara” kontatzen zigun presidenteak. Bi zailtasun horiek zein ziren galdetzerakoan “pandemia eta desplazamenduak” izan direla aitortzen zigun.

Pandemiari dagokionez, Estatu Batuetan txertatzearekin gogor jarriko zirela ikusita eta bi etapak Washingtonen bertan izango zirela baieztatuta, bata erlojuaren kontrako saioa eta bestea esprintean amaitzea espero den errepidekoa, nolabait “lasterketa isolatuta” mantentzeko aukera ikusten zutela. Hori bai, txirrindulari zein langile guztien Covid pasaportea izan beharko dutela eta testak egunero egin beharko direnaren konpromezua hartu behar izan dutela. “Behin Euskadira etorritakoan uneoro maskara jantzita nahikoa bistan geratu den moduan” zioen.

Desplazamendurako, aldiz, hegazkin bat jarriko dute zuzenean Washingtonetik Bilbora. “Iberiakoekin jarri gintuzten harremanetan eta segituan adostu zuen hegaldiarena Riañok – lasterketaren zuzendariak – inongo itzultzaileren beharrik gabe!” azaltzen zigun algara artean. Iberiak aspaldidanik omen zuen Itzuliaren babesle izateko asmoa eta akordio honetan zehaztu dutenaren arabera, babesletza bidaiaren trukean izango litzateke. “Ea ba oraingo honetan kartelak egiterakoan ez garen logotipoz nahasten Sabadell bankuarekin jazo zitzaigun moduan” aitortzen zigun babesle berriak lortzerakoan sortzen zaizkien zailtasunak azaleratuz.

“Egun bat behar da bidaia egiteko, beraz, egun horretan Itzulia Women ospatuko da. Hori asteazkenean izango litzateke, apirilaren 6an. Eta bai, zoritxarrez egun bakarrekoa egin beharko dugu 2022an ditugun gaitasun mugak kontutan hartuta” aitortzen zuen Erasok. Maiatzaren 13tik 15era zegoen aurreikusita 2021an bertan behera geratu zen lasterketa. Oraingo honetan mantenduko bada ere, gizonezko zein emakumezkoan uztartze aldera eta aipatutako mugak kontutan izanda, apirileko lehen astean biltzea erabaki du antolakuntzak. “Ziur gaude erabakirik zuzenean izango dela eta zaleek ikuskizuna bermatuta izango dutela mundu mailan erreferente izango den lasterketa honetan” amaitzen zuen Erasok elkarrizketa.

Honenbestez, horrela geratuko litzateke 2022ko Itzulia bi generoak kontutan hartuta:

  • Apirilak 5. Itzulia 2022ko lehen etapa. Washington-Washington, 187kmtako etapa
  • Apirilak 6. Itzulia 2022ko bigarren etapa. Washington-Washington, 15,6kmtako erlojuaren kontrako bakarkako saioa
  • Apirilak 7. Itzulia Women 2022 lasterketa. Egun bakarreko lasterketa. Oraindik ez dute zehaztuta zein ibilbide izango duen baina Bilbon amaitzeko asmotan direla aurreratu digute. Egun honetan gizonezkoek Estatu Batuetatik Bilborako bidea egingo dute
  • Apirilak 8. Itzulia 2022ko hirugarren etapa. Zehazteko dagoen etapa
  • Apirilak 9. Itzulia 2022ko laugarren etapa. Arraten amaituko da etapa hau
  • Apirilak 10. Itzulia 2022ko bosgarren etapa. Bilbon amaituko den etapa

2021ean lehiaketa hauek izatea espero dugu

Badoaz egunak aurrera urte berrian eta konturatu ordurako lehen lehiaketak bertan izango ditugu. Ondo bidean, Martxoan ekingo diogu 17. denboraldiari, ohi moduan Strade Blanche klasiko ikusgarriarekin.

Ondorengo lehiaketa hauek dira denboraldi honetan izate espero ditugunak:


Martxoa (6)

  • Strade Bianche (🚺) 2021-03-06
  • Strade Bianche (🚹) 2021-03-06
  • Paris-Niza 2021-03-07 / 2021-03-14
  • Tirreno-Adriatikoa 2021-03-10 / 2021-03-16
  • Milan-Sanremo 2021-03-20
  • Kataluniako Volta 2021-03-22 / 2021-03-28

Apirila (8)

  • Flandriako Tourra (🚺) 2021-04-04
  • Flandriako Tourra (🚹) 2021-04-04
  • Euskal Herriko Itzulia 2021-04-05 / 2021-04-10
  • Paris-Roubaix (🚺) 2021-04-11
  • Paris-Roubaix (🚹) 2021-04-11
  • Ardenetako Hirukoa (🚺) 2021-04-18 / 2021-04-21 / 2021-04-25
  • Ardenetako Hirukoa (🚹) 2021-04-18 / 2021-04-21 / 2021-04-25
  • Romandiako Tourra 2021-04-27 / 2021-05-02

Maiatza (2)

  • Italiako Giroa 2021-05-08 / 2021-05-30
  • Itzulia Women 2021-05-14 / 2021-05-16
  • Vuelta a Burgos Féminas 2021-05-20 / 2021-05-23

Ekaina (3)

  • Dauphine Kriteriuma 2021-05-30 / 2021-06-06
  • Suitzako Tourra 2021-06-06 / 2021-06-13
  • La Course 2021-06-27

Uztaila (5)

  • Frantziako Tourra 2021-06-26 / 2021-07-18
  • Giro Rosa 2021-07-02 / 2021-07-11
  • Donostiako Klasikoa (🚺) 2021-07-31
  • Donostiako Klasikoa (🚹) 2021-07-31
  • Tokio 2020 errepidekoa (🚹) 2021-07-24 eta 2021-07-28
  • Tokio 2020 errepidekoa (🚺) 2021-07-25 eta 2021-07-28

Abuztua (1)

  • Espainiako Vuelta 2021-08-14 / 2021-09-05

Iraila (2)

  • Munduko Txapelketak (🚺) 2021-09-19 / 2021-09-26
  • Munduko Txapelketak (🚹) 2021-09-20 / 2021-09-25

Urria (1)

  • Lombardia 2021-10-09

Guztira, emakumezko zein gizonezkoenak batuta, 28 lehiaketa izango lirateke 2021erako aurreikusten ditugunak.

Jabetuko zineten moduan, Itzulia Women gehitua genuen gure zerrendan baina atzo bertan Julian Eraso OCETAko presidentearen esanak bildu ditu Diario Vasco egunkariak, non Itzulia Women estreinatuko ez dela ziurtatu duen. Ez hori bakarrik, Itzulia bera ere kolokan jarri du Jaurlaritzatik iaz moduan pandemia kontrolpean izateko neurri zorrotzak izango balira.

Pena, horrenbestez Itzulia Women ez dela jokatuko ikusita, batez ere antolakuntzak haren berri orain 5 hilabete eskas inguru eman ondoren baitator, uztaila amaieran hain zuzen ere. Gogoratu lasterketa hau emakumezkoen Donostiako Klasikoa ordezkatzera zetorrela, beraz, 2021ean bederen, OCETAren eskutik ez da emakumezkoen lasterketarik izango.

Edonola ere emakumezkoen lasterketen aldeko apustua Tropelatik sendoa da ikusten duzuen moduan. Hori dela eta, Vuelta a Burgos Féminas gehituko dugu egutegi itxuroso bat osatuz.

Oraindik ez dugu guztiz finkatu egutegia pandemiak eraginda aldaketak izan baitaitezke. Horretaz gain, zuen iradokizunak ere gustura hartuko ditugu, beraz, eskura dituzuen komunikatzeko bideak erabilita jo dezakezue gugana: post honen ondoren iruzkinak jarrita, sare sozialen bidez, Telegrameko kanalaren bidez nahiz email bidez.

2021eko Munduko Txapelketak Bilbon jokatuko dira [inozentada]

2020ko Vuelta San Mamesen (argazkia: El Correo)

Tropelak jakin berri duenez, hurrengo urteko Munduko Txapelketak Bilbon jokatuko dira. 1997an Donostian ospatu ondoren, 24 urte beranduago euskal errepideetara itzuliko da ekitaldia. Juan Mari Aburto gaur eguerdian agerraldia egitekotan da Julian Erasorekin batera, OCETAko presidentearekin, prentsa ohar bidez jakin dugunez.

Izan ere, txapelketen antolakuntzaren ardura OCETAk bere gain hartuko du. “UCIk badaki mundu mailako antolakuntzarik onena gurea dela, batez ere ardo eta pintxo kontuetan!” kontatzen zigun Julianek algaraka. “Serio jarrita, badakizue nola hurrengo urtean Itzulia Basque Country eta Clásica San Sebastian Regionez gain, maiatzean Itzulia Woman ere antolatzekoak garela, emakumezkoen World Tour mailako hiru eguneko lasterketa” azaltzen digu Julianek, aitortuz helduen ingeleseko klaseak hartzen ari dela lasterketen izenak egoki esateko. “Hiru ala lau lasterketa antolatu, kasik berdin kostako zaigu!” dio Julianek. “Webgunea ere laster izango dugu prest. Badakizue, bisualagoa eta informazio garrantzitsuarekin, hau da, egun ditugun webguneak bezain onak” baieztatzen digu.

Jakitun zareten moduan, Bilbok Tourraren irteera hiri izateko asmoak ez dira ezezagunak. Hori dela eta, txapelketak antolatzea bitarteko pausu moduan beharrezkoa dela aipatzen digute udaletik. “Ez dago zalantzarik esperiantzia handiko lantaldea duela OCETAk eta esku onetan uzten dugula ekitaldiaren ardura” aipatzen digu udaleko ordezkariak. “Oso present dugu Sergio Padillari gertatu zitzaiona eta horregatik rotaflexak erosteko partida berezi bat gehitu dugu aurrekontuan” ziurtatu digute.

Ibilbidearen informazio zehatzak – GPS tracking eta abarrak – gaur bertan argitaratuko duten webgunean ikusgai izango direla bermatzen digute. Hori bai, oraindik ez dago argi webgunearen izena zein izango den, zalantzan baitira “campeonatosdelmundoBilbao2021.es” edo “GreatBilbao2021RoadWorldChampionship.eus” domeinuen artean. Hau guztia gaur bertan jakingo dugu.

Basque Country Challenge by Itzulia, emakumeei protagonismo gehiago emateko azken lasterketa berria [inozentada]

2019. urtean emakumeek aspaldi ez bezala protagonismo nabarmena izango dute euskal errepideetan. Aurtengo Donostiako Klasikoaren aurkezpenean jakin genuen nola Leire Olaberriak zuzenduta Emakumezkoen Donostiako Klasikoa ere izango dugula hurrengo urtean. Hori gutxi ez eta Itzuliarekin batera Basque Country Challenge by Itzulia egun bakarreko lasterketa ere antolatzea erabaki du OCETAk.

Leirerekin baba-jan otordu bat egiteko geratu ginen orain egun batzuk eta bertan Itzulian ere Klasikoan bezala zerbait egin beharko genukeela pentsatu genuen” adierazi digu Julian Eraso OCETAko presidenteak. “Gu beti izan gara emakumeen aldeko ekintzetan aitzindari. Adibidez, podiumeko azafatak kentzen aurrenetakoak izan ginen eta bide horretan jarraitu nahi dugu bai Emakumezkoen Donostiako Klasikoarekin baita orain ezagutzera ematen ari garen Basque Country Challenge by Itzulia”. Continue reading “Basque Country Challenge by Itzulia, emakumeei protagonismo gehiago emateko azken lasterketa berria [inozentada]”