Morenok irabazi du Sierra Nevadako gainean eta Chavanel lider jarri da. Igor Antonek minutu eta erdi galdu du faboritoen tropelarekiko; Mikel Nieve eta Haimar Zubeldia onenekin helmugaratu dira. Continue reading “Talde laranjan, argi gorria”
Kategoria Artxiboak:Espainiako Vuelta
Gazteek sua eramango dute
Ez dira sailkapen nagusiaren lehian egongo, baina Vueltako arreta guneetako bat izango dira ziklista gazteak. Tartean dira Kittel, Talanski, Phinney, Kruiswijk, Dalenkob eta noski, Sagan. Haietako batzuek kinieletan tokia izango dute, ziur.
Joan den urtean oihartzun handia izan zuten Peter Sagan eslobakiarraren ibilerek. Ez da harritzekoa, profesionaletan korritutako lehen proban, Australiako Tour Down Underren ez zelako kikildu eta Evans, Valverde eta Luis Leon bezalako ziklistekin ihesean ibili zen. Bada zerbait, ezta? Hura ez zen kasualitate hutsa izan: Bina etapa irabazi zituen Paris-Nizan eta Kaliforniako Tourrean eta beste etapa bat Romandian. Aurten erritmoari eutsi eta garaipen zakua betetzen jarraitzen ari da Liquigas Cannondale taldeko txirrindularia: bina etapa Suitzako eta Poloniako Itzulietan eta Polonian sailkapen nagusia ere irabazi du. 21 urte ditu eta harentzat hiru asteko lehendabiziko itzulia izango da Espainiako Vuelta. Azken metroetan azkarra da eta koska batean bukatzen diren lasterketetan oso trebea da. Etxera esku hutsik itzuliko ez delakoan nago. Continue reading “Gazteek sua eramango dute”
Podiumean, behingoz?
Denbora ez da alferrik pasatzen. Bederatzi urte joan dira euskal ziklista bat hiru asteko itzuli batean podiuma azkeneko aldiz igo zenetik. Aurten Igor Antonekin amets egin dezakezu? Amets egitea librea da eta Antonek iaz, Espainiako Itzulian bertan, erakutsi zigun gai dela onena edo onenetako bat izateko. Ea ba… Continue reading “Podiumean, behingoz?”
Vueltaren inguruan harritu nauten pare bat kontu
Orain astebete pasa argitaratu genuen Tropelako azken podcasta. Podcast hartan nahiko kritiko agertu nintzen aurtengo Vueltaren webgunearen inguruan. Post honekin berretsi nahiko nuke nire ikuspuntua.
Podcasta grabatzerakoan Vueltaren webgune ofizialean (lavuelta.com) ez ziren etapen profilak agertzen. Esan genezake webgunea menu eta estekekin osatua zegoela, baina edukiak falta. Ez zitzaidan batere normala iruditzen lasterketa hasteko bi asteren falta webgunea horrela aurkitzea.
Gaurkoan, ordea, beste sorpresa bat jaso dut. Ez, dagoeneko etapen perfilak jarrita daudel ikusi dut. Baina orain astebete Benidormeko etapa 19:00etan hasiko zela agertzen zen eta orain arratsaldeko 17:00etan? Nola daiteke horrelako aldaketa garrantzitsu bat egitea besterik gabe?
Ez zait batere serioa iruditzen ari Vueltaren arduradunak egiten ari diren kudeaketa. Gero esango ez dugu ba hiru handietan kaxkarrena Vuelta dela? Antolakuntzari dagokionez behintzat nik garbi dut.
#49 Tropela.net podcastak: Vuelta 2011. Ibilbide eta txirrindularien azterketak
Dagoeneko Vuelta 2011ko bi podcastak entzungai dituzue, bai txirrindularien ingurukoa eta aurrez argitaratu genuen ibilbidearen ingurukoa ere.
Txirrindularien azterketa
Axier Sukia, Eneko Garate (@egarate) eta Egoitz Lizasok (@elizaso) Vuelta 2011an oraindik ziur ez badakigu ere, parte hartuko duten txirrindulariez dihardute podcast honetan. Oraindik oso goiz da eta taldeek ez dituzte beren bederatzikoak zeintzuk diren esan oraindik nahiz eta badakigun zenbait ziur izango direla, Igor Anton edo Nibali kasu. Solaskideek aurtengo Vueltak izango duen ibilbidea ikusita, aurrean izan daitezkeen txirrindulariez hitz egiten dute. Horretaz gain zenbait txirrindulari Munduko txapelketa prestatzeko aprobetxatuko dutela Vuelta hau gogora ekartzen dute. Talde ezberdinen aipamena ere egiten dute eta horien artean Caja Rural aurten nola ez duten gonbidatu aipatzen dute.
Ibilbidearen azterketa
Axier Sukia, Raul Perez (@raulperezmartin) eta Egoitz Lizasok (@elizaso) Vuelta 2011ren ibilbideaz dihardute podcast honetan. Ibilbidean izango diren etapen ezaugarri eta profilez aritzen dira. Euskal Herritik pasatzearen polemikaz ere aritu dira. Zalantzarik gabe Tropelan Vueltako kiniela egiteko kontutan izan beharrekoak aipatzen dituzte.