Egoitz (@elizaso) arduratu da 2017ko Espainiako Vueltako 3. etaparen mini podcast hau grabatzeaz. Dagoeneko mendiak izan dituzte Vueltaren hasiera honetan eta SKY izan da lasterketa puskatzeaz arduratu dena. Lider jarri da bai Froome baina etapa garaipena Nibalik (TBM) eraman du. Dagoeneko batzuk agur esan diote sailkapen nagusiari.
Kategoria Artxiboak:Errepasoa
#213 Tropela.eus podcastak: 2017ko Espainiako Vuelta errepasoak – 2. etapa
Iban (@piban) arduratu da 2017ko Espainiako Vueltako 2. etaparen mini podcast hau grabatzeaz. Gaurko etapan haizea protagonista izan dela kontatzen digu Ibanek eta horrek urduritasuna eragin duela tropelean. Ondorioz txirrindulariak moztuta iritsi dira eta ez da esprintik izan. Lampaertek (QST) erasoa jo eta atzeko tropeltxoari eusteko gai izan da etapa eta maillot gorria lortzeko.
#212 Tropela.eus podcastak: 2017ko Espainiako Vuelta errepasoak – 1. etapa
Iban (@piban) arduratu da 2017ko Espainiako Vueltako 1. etaparen minipodcast hau grabatzeaz. Nimesen jokatu den atariko taldekako erlojupekoaren analisia eskaintzen digu Ibanek. Bertan talderik azkarrena BMC izan da eta aurtengo edizioko lehen liderra Dennis (BMC) izango da.
#208 Tropela.eus podcastak: 2017ko Frantziako Tourra errepasoak – 21. etapa
Iban (@piban) arduratu da 2017ko Frantziako Tourreko 21. etaparen inguruko mini podcast hau grabatzeaz. Etapa garaile Groenewegen (TLJ) izan da. Horretaz gain sailkapen nagusia nola geratu den kontatzen digu: Froome (SKY) garaile, Uran (CDT) bigarren eta Bardet (ALM) hirugarren.
Gainontzeko sailkapenei begira, Matthews (SUN) izan da erregulartasunaren jabe, mendikoa Barguil (SUN) taldekideak eraman du, gazteena Simon Yatesek (ORS) eta taldekakoa SKY taldeak.
Euskaldunei dagokionez lehena Mikel Landa (SKY) izan da, podiumetik segundo bakarrera geratu dena.
#207 Tropela.eus podcastak: 2017ko Frantziako Tourra errepasoak – 20. etapa
Egoitz (@elizaso) arduratu da 2017ko Frantziako Tourreko 20. etaparen inguruko mini podcast hau grabatzeaz. Bertan sailkapen nagusiko lehen hiru postuak erabakitzeko zeuden, nahiz eta Froomek (SKY) alde zuen erlojupekoa, hiruak 29 segundoren barruan zeuden. Azkenean Froomek ez du hutsik egin eta aurtengo Tourra ere irabaziko du. Baina Bardetek (ALM) gain behera egin du eta bigarren postua galtzeko zoriaz izateaz gain, ia podiumetik kanpo geratu da. Segundo bakar bat izan du alde Mikel Landaren (SKY) kaltetan. Murgiarrak erlojupeko ona eginda podiumerako atarian geratu da. Azpi-txapelduna Uran (CDT) izango da.
Bodnar (BOH) izan da garailea eta bere taldearentzan bigarren etapa garaipena izan dela kontatzen digu Egoitzek.