Egoitz

Aiako malda beldurgarriak

Oriotik ihes eginda pasa baziren ere, Egoi Martinezek eta Kohlek gainean zuten tropela. Pena izan zen, baina garbi zegoen faboritoek denbora ateratzeko baliatu nahi zutela Aiako igoera gogor hura.

Jendez gainezka zen Aiako igoera. Bi metro t’erdiko bide zabalera metro eskasean bihurtu zen zegoen jende andanak estututa. Txirrindulariak hanka lurrean jartzera behartuak izan ziren, motoren bat edo beste kea dariola ibili zen,… eta guzti horri euria eta hotza gehitu behar. Ikaragarria benetan Aiak txirrindulariengan eragin zuen sufrikarioa!!

Hala ere maldan behera zenbaitek galdutako denbora errekuperatzea lortu zuten, Cunego irabazleak kasu. Baina esan bezala, euria gogor hasi zen azken kilometrora sartzerako eta maldan behera zetozen zenbait txirrindularik eroriko izan zuten. Aipagarriena David Herrororena, etapa garaipenaren lehian ari zela erori baitzen. Bera negarrez ikusi genuen helmugaratzen eta ez dakit ba gaur erlojupekoa jokatzeko moduan izango den. Esan bezala irabazle Cunego eta atzetik Contador. Lehen euskaldunak Mikel Astarloza eta Igor Anton izan ziren.

Gaur amaituko da Euskal Herriko Itzulia. Erlojupeko interesgarria izango da zalantzarik gabe arratsaldeko 15:00tik aurrera. Contador Evans eta Herreroren beldur da. Nik Dekker eta Astarloza era kontuak hartuko nituzke. Ikusiko dugu.

Lehiaketari dagokionez bero-bero doa. Gaurko erlojupekoak sailkapenetan eragin handia izango du kontutan izanda bukaeran banatzen diren puntu kantitatea oso kontutan hartzekoak direla. Onenak irabaz dezala!

[gogoratu Italiako Giroa maiatzaren 10ean hasten dela]

Argazkia: Tropela Elkartea

Herreroren garaipen ederra!

David Herrero Aurreko egunetan erakutsi zuen bai garaipen goseak jota zebilela bizkaitarra; aurreko bi etapatan hirugarren postuan sailkatu eta gero, Vianako helmugan bera izan da lehena gaurkoan. Garaipen handia, batez ere ikusita nortzuri gailendu zaien: Bettini eta Luis Leon Sanchezi hain juxtu.

Gustora azaldu da Karpin-Galiziako txirrindulari euskalduna komunikabideen aurrean. Dagoeneko helburua lortu duela zioen. Izan ere gogoratu beharra dago Karpin-Galizia ez dela ProTourreko taldea eta gonbidapen bati esker dagoela itzulian.

Baina Herrerok guztia eman al du? Ez dakit ba! Ez da ahaztu behar erlojuaren aurkako txirrindulari aparta dela eta beharbada kontuan hartu beharko genukeela larunbateko etapari begira. Egia da Orioko erlojupekoko ibilbidea ez dela bere ezaugarrietarako aproposena, baina ezustekoren bat eman dezakeelakoan nago. Hori bai, ez dut uste itzulia irabazteko bestekoa izango litzatekeenik, baina bai beharbada podiumean sartzeko.

Erakustaldi aparta ematen ari da David, zalantzarik ez. Baina ez al zen ba Euskaltel-Euskaditik alboratua izan maila ematen ez zuelako? Niri behintzat zer pentsatua ematen dit.

Argazkilaria: cyclinginside.com

Hasi da 2008ko Euskal Herriko Itzulia

Hasi da, bai, 2008ko Euskal Herriko Itzulia. Eta nola hasi ere!!

Egoi Martinez eta Iban Mayoz ihesi Contadorrek tropeleko sendoena dela erakutsi digu. Lehenengo egunetik 8 segundu atera ditu faborito guztiak atzean utzita. Pena Egoi Martinez eta Iban Maiozek egindako ahaleginak etapa garaipenik eman ez izana. Behintzat mendiko eta helmuga tarteko mailotak lortu dituzte hurrenez hurren.

Baina ez da hori gaurko berri bakarra. Tropelean, eta tropela.eus webguneaz ari naiz, 3500 baino kiniela gehiago egin dira aurten, iazko 1900 kinielak ia bikoiztuz! Hainbestekoa izan da gorakada, asko konturatuko zineten bezala webgunearen erantzun gaitasuna murriztua suertatu dela. Hori dela eta gure zerbitzariak erantzun mantsoagoa eman du eta denboran nabarmen kosta izan zaio datuak bistaratzea. Dirudienez ez da izan erabiltzaile kantitateagatik, kantitate hori oso denbora gutxian izateagatik baizik. Kontuak kontu, badirudi gauzak hobetu ditugula, baina hala ere hurrengo lehiaketarako era honetako eragozpenik izan ez dadin neurriak hartuko ditugu.

Tropeleko lehiaketari dagokionez, Zeraingo kadentzia izan da etapako garailea, 2008ko gure lehen garailea. 2008ko Euskal Herriko Itzuliko lehiaketarako ez dugu etapako saririk, baina lehiaketa amaieran izango direla aurreratzen dizuet. Oraindik sarien atalean jarri ez baditugu ere, hurrengo egunetan ikusgai izango dira.

Denok hainbeste espero genuen lehen lehiaketa hasi da. Asko gara momentu honen zain izan garenak eta ia gozatzeko aukera izaten dugun. Hasiera interesgarria izan da; horrela jarraituko al du hurrengo egunetan? Ia ba!!

Zorterik onena opa dizuet Tropela zale guztioi! Onenak irabaz dezala!!

Argazkia: diariovasco.com

Tropela.net-ek 3 urte bete ditu gaur. Zorionak guztioi!

3 urte Orain hiru urte jarri genuen Tropela.net webgunearen proiektua abian nahiz eta jendaurrean 2005eko Tourraren inguruko lehiaketarekin ezagutzera eman. Gaurdaino iritsi bagara, gure inguruko, babesle, laguntzaile eta webgunean parte hartzen duzuen guztioi eskerrak izan da. Eta nola ez, denbora luze honetan lanean jarraitzeko indarra zuek eman diguzue. Beraz, zorionak guztioi!

3 urte beranduago, webgunea berriro ere itxuraz berritu dugu. Eta ez hori bakarrik, gaur jarri baitugu Euskal Herriko Itzuliko lehiaketako kiniela egiteko aukera irekirik. Lehiaketa honekin Tropela.net webgunean antolatzen dugun 13. lehiaketa duzue oker ez banaiz. 13!! Hiru urte aurrerago ez genuen usteko honaino iritsiko ginatekeenik, nik ez behintzat! Ikusten duzuenez, lanean gabiltzanok oraindik gogoz ekiten diogu.

Aurtengoa zerbait berezia izango dela espero dugu. Gure esku dagoen aldetik, webgune erakargarriago, eduki interesgarriago, sari gehiago,… izaten saiatuko gara. Eta guztia sarean euskaraz txirrindularitzaz gozatzeko txoko erakargarri eta gustagarri bat izateko helburu sendoarekin. Guk geure ahaleginak jarriko ditugu, gainontzekoa zuen eskuetan dago.

Zorionak Tropela! Eta urte askotarako!!

Iker Tejada, 17 urteko txirrindularia, koman

Ez, ez da berri berria. Eta ez, argazkikoa ez da Iker, Beloki baizik. Belokiren erorketa 2003ko Tourrean

Larunbatean jazo zen. Lehenago idazterik banuen, baina nola banekien oiartzunik izango ez zuela, gaur arte luzatu nahi nuen berria gure webgunean jarri aurretik.

Txirrindularitzako Caja Roja Elkartearen Garaikurra jokatzen ari zirela gertatu zen. Zorteak ez zion gehiegi lagundu Aranako taldeko txirrindulari gazteari eta gurpila lehertu ostean, erorketa beldurgarria jasan zuen. Muturrez lurra jo eta bertan geratu zen. Pentsatu nahi dut kaskoak bere lana egingo zuela, baina hala ere sudurra eta lepauztaia hausi zituen, kolpeak sahietsetan, trauma kraneontzefalitiko eta toraxizikoa. Laster batean Logroñoko San Pedro erietxera eraman zuten eta gauen Bilboko Gurutzeta erietxera. Bertan koman jarri zuten hurrengo egunetan bere egoera hobetzeko esperantzan.

Egun ez dugu bere garapenaren berri. Ez izateagatik ez dugu bere argazkirik ere aurkitu inongo medioetan. Continue reading “Iker Tejada, 17 urteko txirrindularia, koman”