Egile Artxiboak:Egoitz

Mayoren laginak II. Positibo baieztatua

Mayo_giro07Aurrekoan kulebroiaz hitz egiten nizuen eta ikusten duzuen bezala hala suertatzen ari da. Seguru oraindik zer esan handia emango duela eta izenburuan islatzea erabaki dut, Hollywoodeko pelikula onen jarraipenei bezala hasierako tituluari erromatar zenbaki bat gehituz.

Ia bi hilabete pasa dira Mayoren negatiboa jakin genuenetik eta 24 ordu gutxiago Pat McQuaid-ek gaur ezagutu dugun kontra analisiaren kontra analisia nahi zuela aurreratu zuenetik. “Mayoren laginak”en aurreratzen nizuena jazo da, hots, azterketa honek positibo emango zuela. Ez ditut arrazonamenduak errepikatu nahi, beraz, jakinmina baduzue, idatzitakoaren azken artikuluak irakurri ditzakezue. Continue reading “Mayoren laginak II. Positibo baieztatua”

Mayoren laginak

Euskal txirrindulari asko ginen abuztuaren 20a noiz iritsiko ote zen zain, hori izango baitzen Mayoren kontraanalisiaren berri emango zigun data. Prentsan begiratu genuen, internet sarean webguneetan surfean aritu ginen, irrati-telebistei harreta berezia jarri genien, baina abuztuko aste harek kontraanalisiaren berririk ez zigun eman. Mayo Giroan

Denborak aurrera egin zuen eta Mayok Kalakan eginiko agerraldi publikorarte ia ahaztu zitzaidan Igorrekoa kontraanalisiaren zain zela. Gainera kasualitatez parean tokatu zitzaidan eta hamar minutu besterik ez nituen ikusi. Nire artean nion: “oraindik ez dute emaitzik eman? Positibo eman zuenean azkar asko bidali zuten ba etxera bizkaitarra!!”. Adi-adi entzun nituen bere adierazpenak, eta egia esan sentsazio txarra jaso nuen. Beharbada kazeta mundua ez da Iban gustura mugitzen den lekua (gogoratu Frantziako Tourreko motoko kamaralaria) eta nire iritziz ez zen gai izan bere burua behar bezala defendatzeko. Nik behintzat ez nion sinistu. Continue reading “Mayoren laginak”

Euskaltel: -7 +2

Eskaltel-EuskadiZubek aurreratu zigun Unai Etxeberria eta Andoni Aranagak Euskaltel-Euskadin ez zutela jarraituko eta Egoi Martinezek aukerak zituela taldean izateko hurrengo urtean beranduago konfirmatu zen bezala. Aste honetan -2 +1 eragiketei -5 +1 eragiketak gehitu behar zaizkie, eta beharbada +2. Continue reading “Euskaltel: -7 +2”

Kashechkinek ere positibo eman du

Belek, TurkiaUCI Astanako beste txirrindulari kazajastandarraren atzetiko omen zebilen honi ere analisiak egin asmotan. Eta aurki, aurkitu dute eta positibo ere eman du Bakiolak gogoratu digun bezala.

Dakizuen bezala Astanak Tourreko kolpearen ostean hilabetez lehiaketatan parte ez hartzeko erabakia hartu zuen. Dirudienez Kashechkin oporretan izango zen iruditan duzuen Belek herrian, Turkian. Bertara joan ziren UCIko “vanpiroak” abuztuaren 1ean eta gaur jakitera eman denez Kashechkinek ere odol transfusioarekin eman du positiboa.

Azken positiboarekin lau dira aurten positiboren bat izan duten Astanako txirrindulariak: Mathias Kessler, Eddy Mazzoleni, Vinokourov eta azkena Kashechkin. Buelta emateko gauza izango al da Astana?

Donostiako Klasika, Urkiola eta bestelakoak

Mayo Urkiolara igoera 2006Gaur jokatuko da Urkiolarako igoera. Argazkian iazko garailea izan zen Mayo jarri digu, baina dakizuen bezala aurtengoan ez da lasterketan izango azken doping-kasua dela eta. Beste bajetako bat Igor Anton izango da. Dirudienez Tourra amaitu gabe etxera etorri bazen ere, oraindik ez da erabat osatu eta azken analisien arabera ez dago lasterketa jokatzeko moduan. Bere ordez Andoni Aranaga izango da Amets Txurruka, Unai Etxebarria, Anton Luengo, Aitor Hernández, Beñat Albizuri, Iván Velasco, Alan Perez, Juan Jose Oroz eta Andoni Lafuenterekin batera. Ia gaurkoan ere beste euskaldunen bat ikusten dugun lasterketa irabazten. Beharbada Txurruka? Continue reading “Donostiako Klasika, Urkiola eta bestelakoak”