#60 Tropela.net podcastak: Italiako Giroa 2012. Lehen astea

Hesjedal maglia arrosarekinAxier Sukia (@sukigalp), lban Perez (@piban) eta Egoitz Lizasok (@elizaso) 2012ko Italiako Giroaren lehen asteaz eta datorrenaz aritzen dira podcast honetan:

– Espezialistak eta esprinterrek lehen astean izan duten papera.
– Gai izango al dira Purito eta Hesjedal orain artekoari eusteko? Frank Schleckek zalantzak eragiten ditu.
– Euskaldunak ematen ari diren itxura

Orokorrean, oraindik gogorrena etortzeko dagoela gogorarazi digute solaskideek.

Sella ere itzuli da

Sellaren itzuliera zigorraren osteanOrain egun gutxi kontatzen genizuen nola Vinocourov txirrindularitza profesionalera itzuli den eta gainera garaipena eskuratuz. Sella italiarrak, ordea, kazakhstandarrak ez bezala, 12 hilabeteko zigorra bete ostean, talde kontinental batera itzuli da.

Gogoan izango duzue 2008ko Italiako Giroan orduan Navigareko txirrindularia zenak emandako erakustaldia. Erakustaldia baino gehiago bere burua saldu zuela esan daiteke, emandako erakustaldi haiek susmopean jarri baitzuten Vicenzako txirrindularia. Hiru etapa garaipen lortu zituen Giro hartan eta sailkapen nagusian 6. amaitu zuen. Ondoren egindako analisietan orduan ezagun egiten hasi zen CERA motakoa EPOa aurkitu zioten eta ohikoa den bezala, zigortua izan zen.

Dirudienez Sellak CONI-ri ikerketatan lagundu izan dio eta ondorioz bi urteko zigorra urte batera jaitsi diote. Oraingo honetan Carmiooro Style-A taldeak fitxatu du. Lehen lasterketak Tre Valli Varesine, Coppa Agostoni, Coppa Bernocchi and Trofeo Melinda izango ditu. Segur aski 2010eko Italiako Giroan ikus dezakegu Sella lasterketa lehiatzen.

Sella Dolomitetako errege

Emanuele SellaTropelean %4,6ak egin du italiar honen alde, beraz, inor gutxik espero zuen asteburu honetan egin dituenak egiteko gai izango zenik. Ikaragarrai Alpe Di Pampeagon amaitzen zen etapan emandako erakustaldia: Passo mendiaren gora erasoa jo eta Alpe Di Pampeagon gora atzetik zituenei denbora atereaz. Egia da azken bi kilometroetan asko sufritu zuela, baina garaipen itzela lortu zuen bere herkide zen Pantaniren antzera.

Lortu zuen hainbeste desira zuen garaipena, bere emaztegairi eskaini nahi zion garaipena, eta nola gainera? Baina ez ziren hor geratu Emanuelen erakustaldiak. Larunbatekoarekin nahikoa ez eta atzokoan ere beste ihesaldi batean sartu eta beste garaipen epiko bat lortu zuen, Dolomitetako jaun eta jabe eginez. Ikaragarria!

Navigare taldeak oroar onenen pare ibili ziren. Atzokoan bigarren sailkatu zen Pozzovivo, taldekidea, eta etapa guztian zehar aurrean ibili ziren. Gaizki pentsatzen hasi behar la dugu? Larunbateakoaren ostean ez nuen usteko hain azkar errekuperatu eta bigarren egunean horrelako garaipenik lortzerik posible izango zuenik 27 urteko txirrindulariak. Dakizuen bezala Navigare ez da ProTourreko taldea, eta dirudienez dopingaren aurkako kontrol xamurragoak dituzte ProTourretik kanpo dauden taldeek. Bai, eztabaita sortu nahi dut, ez dut ezer baieztatzen, baina zer pentsatua ez al dizuete ematen?

Faboritoen artean alde txikiak izan ziren Kloden alemaniarraz gain, honek faboritoengandik ia 6 minutura helmugaratu baitzen. Espero bezela lider aldaketa izan zen atzokoan eta faboritoetako batek jantzi zuen, Contadorrek hain juxtu. Gaurko erlojuperako faborito da, eta beraz, badirudi aldeak handi ditzazkeela bere aurkariekin. Oraingoz, astebete falta denena 2008ko Giroa amaitzeko, 1:26 segundutan daude gainontzeko faboritoak: Riccò, Di Luca, Bruseghin, Menchov eta Simoni.

Tropeleko lehiaketari dagokionez, bulder azkoitiarra da nagusi ia lehen egunetik. Azken bost etapata bera da liderra eta momentuz Kanariar edo Balear irletarako bidaia irabazteko hautagai nagusia. 3364 puntu ditu, bigarrengoari ia 80 puntuko aldea ateratzen dio, baina sailkapen idealaz urruti da txirrindulariei dagokion atalean ikusi dezakezuen bezala. Kiniela idealaren jabeak 4261 puntu izango lituzke.

Oraindik astebete falta da aurtengo Giroa bukatzeko eta denetik gerta daiteke.

Argazkia: csfgroupnavigare.com