Pogacar – 4 orrialdea – Tropela.eus bloga

#500 Tropela.eus podcastak: 2021eko Frantziako Tourra. Errepasoa – 9. etapa

O’Connorrek (ACT) etapa garaipen handi lortu zuen maillot horia ere eskura izan zuen etapan

Atseden egunaren aurreko etapa ere zinez gogorra izan da txirrindularientzat. Garaipena O’Connorrek (ACT) lortu zuen, ihesaldiaren aurrealdean izanez egun osoan zehar. Mendiko sailkapenean ere lehia ikusi genuen Quintana (ARK) eta Poelsen (TBV) artean. Sailkapen nagusiari dagokionez, aukera guztiei agur esan ziena Van Aert (TJV) izan zen eta Pogacarrek (UAD), aldiz, lidergoa indartu zuen azken igoeran.

Etapa azkar joan zen eta Cavendish (DQT) berak ere lanak izan zituen kontrol barruan sartzeko. Kontrolez kanpo geratu zirenak, besteak, beste, Demare (GFC) eta Coquard (BBK) izan ziren.

Atzoko etapak emandakoa eta biharkoak eman dezakeenaren inguruko podcasta prestatu digu Iban Perezek (@piban).

Podcastera harpidetu

#499 Tropela.eus podcastak: 2021eko Frantziako Tourra. Errepasoa – 8. etapa

Teunsek (TBV) etapa garaipena Pogacar (UAD) protagonista izan den etapan

Etapa kaotikoa ikusi genuen. Bizi lehen kilometroetan eta ondorioz Thomas (IGD), Latour (TEN) eta Roglic (TJV) tropeltxo nagusitik atzeratuta geratu ziren. Gaur jakin dugunez, Roglicek Tourra utziko du.

Bahrainekoak lehian izan ziren egun guztian zehar Poels (TBV) eta Teunsen (TBV) bidez, eta azken honek lortu zuen azkenean etapa garaipena. Bazirudien Pogacarrek (UAD) emandako erakustaldian etapa ere eraman zezakeela, baina azkenean ez zen horrela izan. Ion Izagirre (APT) bigarren izan zen etapa irabazteko lehian izan bazen ere. Sailkapen nagusian, horrenbestez, Pogacar dugu lider berria eta nolabait berari aurre egiten saiatu zen bakarra Carapaz (IDG) izan zen, nahiz eta berriro ere etekinik gabe geratu.

Atzoko etapak emandakoa eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#498 Tropela.eus podcastak: 2021eko Frantziako Tourra. Errepasoa – 7. etapa

Mohoricek (TBV) etapa garaipen ikaragarria lortu zuen eguneko ihesaldiari ere tartea atereaz

Etapa ikusgarria aurtengo Frantziako Tour honetako 6. hau. Izan ere ihesaldi mardula osatu zen, bertan Mohoric (TBV) garaileaz gain, Van der Poel (AFC) liderra ere sartu baitzen. Esloveniako txapeldunak etapa garaipen handia lortu zuen eta ihesaldikoek, denbora tarteari esker, sailkapen nagusian aurrera egiteko gai izan ziren. Saririk potoloenak lortu zituztenak liderra, Van der Poel (AFC), eta Van Aert (TJV) izan ziren, orain Pogacar (UAD) 3 minututik gorako tartearekin baitute. Carapaezk (IGD) saiakera egin zuen denbora lortzeko, baina alferrik izan zen, besteak beste, Movistar jarri baitzen tropel nagusian tiraka. Galtzaile, berriz, Roglic (TJV), taldekiderik gabe, ezinak jota edo, 3 minututik gorako atzerapenarekin helmugaratu baitzen.

Atzoko etapak emandakoa eta gaurkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#496 Tropela.eus podcastak: 2021eko Frantziako Tourra. Errepasoa – 5. etapa

Pogacar (UAD) nagusi Tour honetako lehen erlojuaren kontrako saioan

Lehen test garrantzitsua sailkapen nagusiko txirrindularientzat eta kolpea ematen lehena Pogacar (UAD) izan da. Etapa irabazteaz gain, arerioei minutu t’erdiko aldea irekitzeko gauza izan da. Van der Poelek (AFC), ordea, horiari eusten dio erlojupeko bikain bat burutu ondoren.

Atzoko etapak emandakoa eta gaurkoak eman dezakeenaren inguruko podcasta prestatu digu Iban Perezek (@piban).

#464 Tropela.eus podcastak: 2021eko Euskal Herriko Itzulia

Iaz COVID-19ak baldintzatuta Euskal Herriko Itzuliarik jokatu gabe geratu ondoren, aurte bueltan da ikuslerik gabe bada ere. Edozein kasutan, partaidetza ona izango dela dirudi zaleon zorionerako. Horri begira, eta batez ere Tropelako kiniela ardatz hartuta, Landerrek (@landergarro) eta Egoitzek (@elizaso) podcast berri hau osatu dute.