#82 Tropela.net podcastak: Frantziako Tourra 2013. Txirrindularien eta ibilbidearen azterketa (bi podcastak)

Hemen duzue berriki grabatutako txirrindularien inguruko podcasta entzungai. Bertan Iosu Garatek (@iosugarate), Axier Sukiak (@sukigalp) eta Egoitz Lizasok (@elizaso) grabatutako podcasta duzue. Beherako ibilbidearen podcasta ere aurki dezakezue, Raul Perezek (@raulperezmartin), Iban Perezek (@piban) eta Egoitz Lizasok (@elizaso) orain egun batzuk grabatu zutena.

Txirrindularien azterketa

Podcast honetan sakon jorratu dira ondorengo gai hauek:

– Hautagai nagusiak: Froome (SKY) eta Contador (TBT)
– Podiumerako hautagaiak: multzo honetako norbaitek sorpresa eman eta Tourra bereganatuko ote du?
– Aurrean ibiltzekoak: nor hartu, sailkapen nagusiaren lehian izango dena ala etapa garaipenak ziurta ditzakeena? Aipatutako adibideen artean T.Martin (OPQ) edo Voeckler (EUC) aurkitzen dira.
– Azkarretan azkarrenak: Sagan (CAN) eta Cavendishen (OPQ) arteko aukeraketara mugatzen dira solaskideak. Baina zein hartu?
– Azkarrak: aurreko multzoan aukeratutakoaren arabera egin beharko litzateke aukeraketa solaskideen arabera.
– Muinoetan azkarrak: multzo berri honek joko pixka bat ematen duela diote solaskideek.
– Beste azkarrak: bertan taldeetako esprinter nagusiak eta bideratzaileak aurkitzen dira. Baina zein irizpide erabili aukeraketa egiteko?
– Besteak: hona iritsita dagoeneko 16 txirrindulari aukeratu behar izan dira. 16 horien aukeratutakoaren baitan, oreka bilatzeko baliatu behar da multzo hau solaskideen arabera.

Ibilbidearen azterketa

Hona hemen jorratu diren gaiak:

– Aurtengo edizioa 100. edizioa da. Horrek ibilbidean eragina izan du
– Lasterketaren egitura aztertzen da ibilbideari dagokionez
– Aurtengo edizioko berritasunak

#78 Tropela.net podcastak: Italiako Giroa 2013. Bigarren asteari errepasoa

Italiako Giroaren lehen asteari errepasoa egiten diote podcast honetan Iosu Garatek (@iosugarate), Iban Perezek (@piban) eta Egoitz Lizasok (@elizaso).

Ondorengo edukia aurkituko duzue entzungai besteak beste:

Wiggins eta Hesjedalek lasterketa utzi dute eta Nibali bakarrik utzi dute.
Gesinkek ondo hasi zuen Giroa baina azken egunetan denbora galdu du.
AG2R eta Betancur. Talde frantziarraren positiboa eta kolonbiarraren zailtasunak etapa irabazteko.
Cavendish, esprinterretan onena eta erregulartasunaren maillota eramateko hautagai sendoa.
– Euskaldunak: Beñat Intxausti eta Egoi Martinezen protagonismoa azken astean.
– Giroko azken asteak zer emango digu?
– Gure Tropela: cacaito santurtziarra lider.

#77 Tropela.net podcastak: Italiako Giroa 2013. Lehen asteari errepasoa

Italiako Giroaren lehen asteari errepasoa egiten diote podcast honetan Iosu Garatek (@iosugarate), Iban Perezek (@piban) eta Egoitz Lizasok (@elizaso).

Ondorengo edukia aurkituko duzue entzungai besteak beste:

– Katusha taldearen protagonismoa Paolini eta Belkoven eskutik.
– Esprinetan Cavendesh espero moduan, Goss, berriz, pattalago.
Beñat Intxausti lider, egun batez izan bada ere.
– Faboritoen inguruko iritzia: Nibali, Wiggins, Hesjedal, Scarponi, Evans eta Gesink.

Gauza asko kontatzeko ez

Hasi da 2013ko Giroa. Urteko hiru asteetako itzulietan lehena. Eta zorionez edo zoritxarrez teoriak eta praktikak bat egin dute lehen bi egunetan. Astebukaera honetan irabazteko hautagai nagusiak zirenak, pronostikoa bete dute. Gauza aipagarririk ezin izan dugu ikusi lehen kilometroetan.

Larunbatean hasiera eman zitzaioan 96. Italiako Giroari Napoleseko hirian. Zirkuitu bitan ibili ziren txirrindulariak eta 130 kilometro ostean, Cavendish gailentzen zen helmugan talde txiki batean. Lehen egun hau horrelako etapetan ohikoak izaten diren erorketez beteta egon zen. Eroritako bat Pablo Urtasun, baina zorionez tropel nagusian sartzea lortu zuen eta denbora galdu bazuen ere lasterketan jarraitzen du.

Continue reading “Gauza asko kontatzeko ez”