Cavendishen ordez Boasson Hagen

Boasson Hagen. 7. etapan garaipenaZalantzarik gabe eguneko Giroko notizia Astanak egin duen protesta ekitaldia izan da beraien babesleek soldata ordaintzen ez dielako. Horrek, ordea, ez dio gaurko etaparen lehiari garrantzirik kentzen.

Eguneko ihesaldia Huzarksi, Klimov, Isaichev eta Faccik osatu dute. Zuten errenta ez zen helmugara iristeko bestekoa; bazirudien gaurkoan tropelak lasterketa lehiatzeko gose zela eta serio kontrolatu ditu iheslariak. Cavendish eta Petacchi tropelean ziren esprinta lehiatzeko prest, batez ere Cavendish, 6 etapa lehiatu ostean garaipenik ez baitu eskuratu aurtengo Giroan. Baina ez, 30 kilometro inguru falta zirela Bertolinik lasterketaren gidoia aldatuko zuen ihesalditxoari ekin dio maldan behera helmugarako. Maisuki ekin dio jaitsierari, bakarrik hasiera batean, minutu inguruko errenta lortzeraino. Tropela, berriz, euritan, beharrezko babes neurriak hartuta jaitsiera motelagoa egin du.

Oraindik geratzen ziren kilometro kopurua ikusita, txirrindulari tropeletik ihesteari ekin diote. Lehenik Hunter eta Brutt izan dira, ondoren Vigano eta Boasson Hagen. Laukoteak bat egin eta Bertolini harrapatu dute. 50 segundoko errenta izatera ere iritsi da boskotea eta hauen artean lehiatu dute lasterketa. Grivko ere saiatu den arren, tropela eta iheslarien artean geratu da helmugan.

Cavendish, beraz, gaurko etapa lehiatzeko aukerarik gabe geratu da, baina Boasson Hagen taldekide gazteak bere ezaugarriak ondo baliatuta garaipena eman dio Columbia-High Road taldeari bigarrenez aurtengo Giroan.

Egia izan gogoa nuen Cavendish-Petacchi lehia ikusteko. Ez dut oso garbi hurrengo esprintean zein gailenduko den eta egia esan horrek jakin mina sortu dit. Dudarik gabe, ordea, pozgarria da iheslariek garaipenak eskuratzea bestela lasterketek erakargarritasun guztia galduko bailuke, Tourrean bizi izan ditugun zenbait etapatan kasu.

Italiarrak nagusi oraingoz

2009giro_etapa6_scarponiGaurkoan ihesaldia espero genuen eta hala izan da. Bonnafond, Gatto eta Klostergaardekin batera Kiryienka eta Scarponi txirrindulariak ihesaldiari ekin diote. Zalantzarik gabe azken bi hauek zerbait egingo zutela garbi zen eta ihesaldiak helmugaratzea lortuko bazuen bi hauen artean izango zela etapa garaipena. Halaxe suertatu da. Hochkrimm lehen mailako portua Scarponi eta Kiryenkak tandemak igaro du, eta azken kilometroetan, matxura eta ezintasunak jota, Scarponik etapa garaipena lortu du tropelari 32 segundoko errenta atereaz.

Dagoeneko sei etapatatik lau italiarrek irabazi dituzte: Petacchik bi, Killerrak bat eta Scarponik gaurko bestea. Menchov (atzoko erakustaldi bikainaren ondoren) eta Cavendish (lehen eguneko taldekako erlojupeko etapa garaipenaren ostean) dira italiarren artean txertatu direnak.

Atzo Euskal Herriko egunkari batean italiarrek Giroan duten protagonismoaz irakurri nuen. Ez zen, ordea, txirrindulari italiarrak laudorioztatzeko, dopinarekin erlazionatzeko baizik. Paperezko prentsa honen arabera, italiarrek erabateko askatasuna omen dute Italian eta horregatik omen dabiltza bertako txirrindulariak lasterketaren buruan. Benetan harritu egin nituen horrelakoak irakurtzea ez baitzen iritzi artikulua, bezperako etaparen kontakizuna baizik. Askorako eman dezake aipu honek, baina ez da post honen helburua. Egia dena da italiarrak ohi bezala lasterketaren lehen postuetan ikusten ari garela lehen aste honetan, baina gai izango al dira maila honi eusteko geratzen diren etapa guztietan?

Petacchi 2 – Caven…

2009giro_etapa3_petacchiCavendish atzokoak ezustean harrapatu bazuen, gaurkoak lur jota utzi behar izan du ingelesa. Edo ez du ahaleginik egin lehen taldean sartzeko? Romandiako etapa batean gertatu zitzaion bezala, multzo nagusitik eta, beraz, etaparen lehiatik kanpo geratu da gaurkoan ere ingelesa. Ezinak jota? Konfiantza falta?

Kontuak kontu, bigarrengo esprinta eta La Speziatako esprinter beteranoak eraman du garaipena poltsikora. Bigarren garaipena jarraian pronostiko askoren kontra. Eta ez hori bakarrik, baita hain desiratua den maillot arrosa ere. Hori bai, biharko etapan maillota beste norbaiti eman beharrean aurkituko dela seguru, bihar hasiko baitira lehen igoerak. Hala ere, Petacchik bihar harro eramango du maillota soinean, italiar askoren pozerako.

Azken bi egun hauek ikusi ostean, ez litzaidake batere harrituko Cavendishek itzulia uztea erabakiko balu Tourraren aitzakian.

Petacchi 1 – Cavendish 0

2009giro_etapa2_petacchiHori da gaurko etapan utzi digun emaitza. Lehen round-a italiarrarentzat. Zaharra gazteari gailendu zaio, ingelesaren saminerako.

Atzoko erlojupeko zoragarriaren ostean, kinielatan Team Columbia-High Road taldea faboritoen artean bazen ere, inork gutxi espero zuen Garmin-Slipstream bezalako talde bati irabaziko zionik, batez ere azken hauek aurrekoen erreferentziak izango zituztela jakinda. Hala ere, Columbiak erakustaldia eman eta Cavendishek maillot arrosa janzteko ohorea izan zuen. Bazirudien 100 urte betetzen dituen Italiako lasterketari espero baino hobeto ekin ziola ingelesak.

Gaur zen, ordea, Man irletako gaztearen eta Petacchi Italiarraren arteko lehen testa. Gaztea beteranoaren aurka. Tropeleko lehiakideen artean Cavendishen alde %79,9 eta Petacchiren alde %17,7. Multzoen azterketan arriskatzeaz hitz egiten nuen, batez ere ez bai baikenekien bi hauen arteko lehiak zer eskainiko zigun. Gaur izan da lehen round-a eta Petacchi, pronostiko askoren kontra, garaile. Erraz irabazi dio gainera ingelesari argazkian ikusten den bezala.

Egungo liderrari batere graziarik ez dio egin bigarren geratzeak. Ez nau harritzen. Baina beharbada ingelesak konfiantza gehiegirekin ekin dio azken metroei eta ezustean harrapatu du Petacchi zakur zaharrak. Gakoa hor egon daiteke ez baitut uste Petacchi Cavendish baino azkarragoa denik. Oraingoz 1-0 italiarraren alde. Biharko etapa ere esprintean erabaki daiteke. Nor gailenduko da?

Italiako Giroa 2009, multzoen azterketa (III). Azkarrak

Lehen begiradan badirudi argi xamar dagoela aukeraketa 7 txirrindularitatik dagoenekoz 4 ez baitoaz. Beraz, 3 txirrindularien artean geratzen da aukeraketa. Baina kontuz! Hauetatik bakarra aukeratu behar da, beraz, %33ko aukera egoki asmatzeko. Argi al daukazu?

cavendish_azkarrak_giroaOrain arte kiniela egin dutenen artean apustu seguruaren alde egin dela esan genezake Cavendish txirrindulari britainiarra aukeratuta. Aurtengo palmaresari begiratu bat ematen badiogu 7 etapa garaipen eta Milan-San Remo klasika irabazi dituela jabetuko gara. Beraz, badirudi sasoian aurkitzen dela eta apusturik seguruena bera dela. Hala ere zalantzak sortzen dizkit britainiarrak, izan ere Romandian ez baita izan diren bi sprintetan lehiatzeko gai izan. Beste datu bat: Cavendish-en urteko helburu nagusia Tourreko maillot berdea eskuratzea da. Giroa amaituko al du? Continue reading “Italiako Giroa 2009, multzoen azterketa (III). Azkarrak”