Euskara, teknologia eta txirrindularitza
Tropelan ohikoa dugun bezala, sariak banatzen ditugu parte hartzen duzuen guztion artean. Post honen bidez aurtengo lehen saria bihar amaituko den Paris-Niza lehiaketako garaileak eramango du. Saria Jakionek eskainitako otarre zoragarri bat izango da.
Ikusiko dugu ia nork irabazten duen otarre hau lehen postuetan lehia estua baitago. Biharko etaparen faltan, oraingoz podiuma pelillo, paxotix eta kortak osatzen dute.
Zorte on guztioi eta eskerrik asko Jakioni saria eskaini izanagatik!
2011ko denboraldia hastera doa, Tropelaren 7. denboraldia izango dena hain zuzen ere. Hori dela eta aurtengoan sari bereziak jartzea erabaki dugu jarraitzaile guztiok merezi duzuelakoan baikaude: iPad 2 bat eta bi iPod Touch! Ez dira, noski, sari bakarrak izango eta gehiago biltzen goazen heinean jakin arazten joango gatzaizkizue.
Iaz bezala Urteko Sailkapenari garrantzia eman nahi diogu. Honez gero jakingo duzuen moduan, sailkapen hau denboraldian zehar jokatuko diren lehiaketetan batutako puntuekin osatuko da.
2011ko Urteko Sailkapeneko irabazlearentzat atzo aurkeztu zuten iPad 2 zoragarri bat izango da! Lehia zaila izango da, beraz, hasiera hasieratik lehiaketei ondo ekiteak bere garrantzia izango du. Continue reading “iPad 2 zoragarri bat eta iPod Touchak Tropelan!!”
Arrakastatsutzat jotzen dugu pasa den ostiralean (urriak 8an) izan genuen sari banaketa ekitaldia izan ere jende andana bildu baikinen bertan. Gure kalkuluen arabera 70 lagunetik gora izan ginen bertan eta hori eskertzekoa da. Eskerrik asko etorri zineten guztioi; arratsalde on bat pasa izan zenutelakoan gaude.
Arritxu Iribarrek gidatu zuen 2010eko sari banaketa ekitaldia. 50 saritik gora genituen banatzeko eta horretarako laguntza ezin bestekoa genuen. Aurtengoan ere Haimar Zubeldia eta Amets Txurrukaren laguntza bikaina izan genuen sari guzti horiek banatzeko. Eta amaitzeko, pintxo eta edariez gozatu aurretik, Agin Rezola eta Beñat Gaztelumendi bertsolariek zenbait bertso eskaini zizkien bertaratutako guztiei.
Bertsolarien aurretik Egoitz Lizasok Tropela Elkarteko ordezkari gisa amaitu berri den 6. denboraldi honen inguruan azalpenak ematen aritu zen: lehiaketa kopuruen gorakada, urteko sailkapenari emandako garrantzia, parte hartze igoera, euskararen presentzia altua … eta batez ere bai euskal txirrindulariei, bai laguntzaile eta babesleei eta, nola ez, parte hartzen duzuen guztioi eskerrak eman zituen.
Eskerrik asko guzti guztioi zuen laguntza eta babesagatik. Honek guztiak aurrera egiteko indar berritzen gaitu.
Aurtengo Tropela.net 2010eko Sari Banaketa ekitaldia Zarautzen izango da urriaren 8an. Zehazki, ekitaldia Urola Kostako Udal Elkartearen egoitzan izango da eta ekitaldiari arratsaldeko 18:30tan emango zaio hasiera.
Sari banaketan Paris-Niza, Euskal Herriko Itzuli, Ardenetako Hirukote, Italiako Giro, Dauphine Libere, Frantziako Tour eta Donostiako Klasikoko sailkapen nagusian sarituak izango dira, eta hauez gain Espainiako Vueltan eta Munduko Txapelketan irabazle izango direnak. Beraz, oraindik guztiz erabaki gabe daude sari banaketara etorri behar dutenak. Zehazteko, ondorengo hauek izan behar dute sari banaketa ekitaldian:
1. Paris-Nizako sailkapen orokorreko garailea
2. Euskal Herriko Itzuliko sailkapen orokorreko garailea
3. Ardenetako Hirukoteko sailapen orokorreko garailea
4. Italiako Giroko sailkapen orokorreko lehen 3 postuetan sailkatutakoak
5. Dauphine Libereko sailkapen orokorreko garailea
6. Frantziako Tourreko sailkapen orokorreko lehen 16 postuetan sailkatutakoak
7. Donostiako Klasikoako garailea
8. Espainiako Vueltako lehen 3 postuetan sailkatutakoak
9. Munduko Txapelketako irabazlea
10. Tropela 2010 urteko sailkapeneko lehen 15 sailkatuak (lehiaketa guztiak amaitu eta gero, noski)
Hauei guztiei email bidez bidaliko dizuegu sari banaketa ekitaldirako gonbidapena.
Sari banaketa ekitaldia Arritxu Iribar Euskadi Irratiko kirol esatariak aurkeztuko du eta berarekin txirrindulari profesionalen bat edo beste izango dugu sariak banatzeko lanetan. Ekitaldia borobiltzeko zizka mizkak eta edariak ere izango dira etorriko zareten guztiontzat.
Orain arte jokatu diren lehiaketa guztietan sariak banatu ditu eta oraindik beste zenbait ditugu banatzeko, batez ere Urteko Sailkapenekoak.
Azken egun hauetan sari gehiago emateko aukera eskaini zaigu eta guk zuen artean banatu nahi ditugu. Sari berri horiek Vueltan eta Urteko Sailkapenean gehitu ditugu berriki. Era honetan Vueltako lehen hiruek sariak jasoko dituzte eta Urteko Sailkapenari dagokionez, berriz, lehen hamabost erabiltzaileak.
Bizikleta, bizikletarako ekipamenduak, otorduak, otarrak… izango dira banatuko ditugun sariak. Sari hauek guztiak sarien atalean ikus ditzakezue.
Sari banaketa ekitaldia
Sari guztiak sari banaketa ekitaldian banatuko ditugu. Aurtengoan urriaren 8an izango da sari banaketa ekitaldia. Saritu izan zaretenok sariaren bila ekitaldira etortzera gonbidatuak izango zarete.