Zubek aurreratu zigun Unai Etxeberria eta Andoni Aranagak Euskaltel-Euskadin ez zutela jarraituko eta Egoi Martinezek aukerak zituela taldean izateko hurrengo urtean beranduago konfirmatu zen bezala. Aste honetan -2 +1 eragiketei -5 +1 eragiketak gehitu behar zaizkie, eta beharbada +2. Continue reading “Euskaltel: -7 +2”
Etiketa Artxiboak:Euskaltel-Euskadi
Aranaga eta Unai Etxebarria Euskaltel-Euskaditik kanpo
Irakurri dudanez, Andoni Aranagak Euskaltel-Euskadi utzi egin behar du. Egia da ez dela oso ongi ibili etapatan eta beharbada arazo fisiko asko eduki dituela baina ez nuen uste berrituko ez ziotenik. Eta dirudienez ez da bakarra izango. Denboraldia Urriak 21ean bukatzen da eta txirrindulari askok frogatu egin beharko dute kontratua berritzea merezi duten ala ez.
Nire ustez Euskaltel-Euskadik txirrindulari gehiegi ditu eta beharbada taldea “birziklatu” nahi dute. Zoritxarrez Aranaga eta Unairi tokatu zaiela dirudi. Continue reading “Aranaga eta Unai Etxebarria Euskaltel-Euskaditik kanpo”
Contador, Evans eta Leipheimer 31 segundoren tartean
Contadorrek eutsi egin dio erlojupekoan eta aurtengo Tour zalapartatsua irabaziko du. Erlojupekoa emozioz betea izan da eta azkenean podiuma 31 segundotan erabaki da. Bazirudien Evans irabazteko gai izan zitekeela, baita Leipheimer bera ere egiten ari zen erlojupeko bikaina ikusita. Ez ote du positibo emango?
Zubeldiak espero zena egin du, 5. postuari eutsi. Nik bederen Sastre gaindituko zuen itxaropenik ez nuen baina ez du hain erlojupeko txarra egin eta 20. amaitu du gaurko etapan. Astarlozak ere egin du tokatzen zitzaiona eta Soler gaindituta 9. amaituko du Tourra. Erlojupekoan 10. izan da.
Euskaltel-Euskadik egin duen Tourra aspaldian bizi izan dugun hoberena dela esan behar. Pena ez dutela etapa garaipenik lortu baina ezin zaie meriturik kendu Txurruka, Ruben Perez eta Verdugok egindako ahaleginei. Benetan talde lan bikaina!
Tourrekoak erabakita dauden honetan, biharko etapako garailea salbu, dopingaren itzalak eraginda azken etapan txirrindulariak protestaren bat egitekoak omen dira. Ikusiko dugu zein eratakoa izango den eta egingo duten. Saltsa handia dago honen guztiaren inguruan eta jakingo nahiko nuke zeinen alde eta zeinen kontra izango den. Baina bihar arte itxarongo dugu beharbada ez baita ezer izango eta zurrumurru hutsean gera liteke.
Euskal Bizikleta esperotako maila azpitik
Eladio Jimenez aurtengo edizioko garailea.
UCI Protour-etik kanpo utzi zuten Euskal Bizikleta, eta antolatzaileek salatu dutenez, honek aurtengo edizioan nabarmen utzi du negatiboki eragin diola. 104 txirrindularik ekin zioten bost egunez luzatu zen itzuliari eta 50k amaitu dute. Osteguneko etapan Eladio Jimenez-ek ihesaldi baten ondorioz lidertza lortu zuen, baina Euskaltel eta Liberty Seguros-en utzikeriagatik. Adituen ustetan, lehiaketari zor zaion seriotasuna falta izan da 2005eko Euskal Bizikletan, eta etorkizunari begira eztabaida handiak sortu dira. Besteak beste, Euskal Bizikleta UCI Protour-en sartua izan dadin, uztailera atzeratzea aztertzen ari dira antolatzaileak.