#494 Tropela.eus podcastak: 2021eko Frantziako Tourra. Errepasoa – 3. etapa

Merlier (AFC) nagusi Tourreko lehen esprintean

Alpecin berriro ere protagonista gaurko etapan ere, nahiz eta Tropela zaleoi erorikoek ardua gehiago sortu diguten. Merlierrek (AFC), Van der Poel (AFC) liderraren taldeko gizon azkarrak lortu du bigarren etapa garaipena Frantziako Tour honetako hirugarren etapan. Azken metroetan Sagan (BOH) eta Ewanek (LTS) izan duten erorikoak baldintzatu du esprinta, baina ezin ukatu lortu duten garaipena lantalde osoak bikain prestatu baitu. Ez da, ordea, Ewan izan erorikoa izan eta etxerako bidea hartu behar izan duen bakarra. Gesink (TJV) eta Haigek (TVJ) ere lasterketa utzi beharra izan dute beste eroriko batzuen ondorioz. Faboritoen artean Roglic (TJV) eta Thomas (IGD) izan dira erorikoak jasan dituztenak.

Gaurko etapak emandakoa eta biharkoak eman dezakeenaren inguruko podcasta prestatu digu Egoitz Lizasok (@elizaso).

Podcastera harpidetu

#481 Tropela.eus podcastak: 2021eko Italiako Giroa errepasoa – 13. etapa

Nizzolok (TQA) irabazi du 13. etapa esprintean

Espero bezala, ihesaldia osatu bada ere, esprinterren taldeek kontrolpean izan dueta eta “volata” izan dugu helmugan. Bertan azkarrena Nizzolo (TQA) italiarra izan da. Sailkapen nagusian aldaketarik ez horrenbestez.

Gaurko etapak eta biharkoak eman dezakeenaren ingurukoak bildu ditu Iban Perezek (@piban) podcast berri honetan.

Podcastera harpidetu

#478 Tropela.eus podcastak: 2021eko Italiako Giroa errepasoa – 10. etapa

Saganek (BOH) bere lehen etapa garaipena lortu du aurtengo Giroan

Atseden egunera iritsita, oraindik aste t’erdi falta bada ere, 2021eko Italiako Giroaren erdi aldera iristen ari garela esan dezakegu. 10. etapa berriro ere azkarrentzat etapa egokia izan zen eta bertan, Borak egindako lan bikainari emaitza borobila emanez, Saganek (BOH) etapa garaipena lortu zuen. Sailkapen nagusian aldaketarik ez eta Bernalek (IGD) gordeko du maillot arrosa lehen atseden egunean.

Honen eta biharko 11. etapak eman dezakeenaren inguruan aritzen da Iban Perez (@piban) podcast berri honetan.

Podcastera harpidetu

#475 Tropela.eus podcastak: 2021eko Italiako Giroa errepasoa – 7. etapa

Ewanek (LTS) Giro honetako bigarren etapa garaipena lortu du

Australiako esprinter txikiak bere Giro honetako bigarren garaipena lortu du. Ewanek (LTS) horrenbestez, bigarren etapa irabazteaz gain, bihar erregulartasunaren maillota ere eramango du. Bere atzetik sailkatu dira Cimolai (ISN) eta Merlier (APC). Sailkapen nagusian aldaketarik ez eta Valter (GFC) gazteak jarraitzen du lider.

Gaurko etapaz eta biharkoak eman dezakeenaz aritzen da Egoitz Lizaso (@elizaso) podcast berri honetan.

Podcastera harpidetu

#473 Tropela.eus podcastak: 2021eko Italiako Giroa errepasoa – 5. etapa

Ewan (LTS) gailendu da Italiako Giroko 5. etaparen esprintean

Berriro ere esprinterrentzako eguna izan da gaurko Italiako Giroko 5. etapa eta ongi kontrolatua izan dute beraien taldeek hala izan zedin. Azkarrena gaurkoan helmugan Ewan (LTS) izan da, bigarren Nizzolo (TQA) izan delarik. Bigarren postu horri esker, erregulartasunaren sailkapenean buruan jarri da italiarra.

Edozein kasutan gaurko notizia Mikel Landaren (TBV) erorikoa eta etxeratzea izan da. Bidard (ACT) eta Dombrowskirekin (EFN) batera izandako erorikoan, hiruak ala hiruak etxerako bidea hartu behar izan dute erdibitzailea adierazten ari zen motozalearen kontra jo ondoren. Ez dira hauek etxerako bidea hartu duten bakarrak, izan ere Sivakov (IGD) berak ere aurrez eroriko bat izan eta, helmugaratu bada ere, bihar ez da irteeran izango.

Hau eta gehiago kontatzen digu Egoitz Lizasok (@elizaso) podcast berri honetan.

Podcastera harpidetu